هرات ده نسایی-ولادی شفاکارلریدن قطارینینگ سلاموطندار گه ایتیشیچه، اوشبو ولایتده عیاللردن قطاری بچهدان میکروبی بولیشی، تخمدان کیستی و حیض کوریش جریانیدهگی آغریقلر کبی تورلی کسللیکلرنی دوالش اوچون اوسیملیک دارولردن فایدهلنهیلر.
مذکور شفاکارلرنینگ اورغولشیچه، اوسیملیک دارولردن کوپ قطارینینگ دوالش خصوصیتی تصدیقلنگن بولسهده؛ بیراق شفاکارلر بیلن مصلحتلشمسدن اوسیملیک دارولردن فایدهلنیش خوفلی عاقبتلرگه سبب بولیشی ممکن.
هرات ده نسایی-ولادی شفاکارلریدن بیری سهیلا ادیبنینگ ایتیشیچه، اوسیملیک دارولر یاردم بیرووچی دیر؛ بیراق شفاکارلر بیلن مصلحت قیلمسدن اولردن فایدهلنیش، عیاللرگه ضرر ییتکزهدی.
اونینگ کوپهیتیریشیچه: «اوسیملیک دارولردن فایدهنیش بعضی موردلرده یاردم بیرهدی؛ لیکن اصلی دوالنیش صفتیده توصیه بولمهیدی. حیض کوریش جریانیدهگی آغریقلر اوچون زنجبیل و بابونه کبی اوسیملیکلر کیچیک مطالعهلر اساسیده آغریقنی بیراز کمهیتیرهدی؛ لیکن ینه هم ایبوپروفن کبی کیمیایی دارولرگه قرهگنده اثرلری ضعیفراق دیر. مصلحتلشمسدن اوسیملیکلردن قطارینی فایدهلنیش، حتا وضعیتنی یامانراق قیلیشی یا-ده هورمونی قیینچیلیکلرگه سبب بولیشی ممکن.»
بیزلرنینگ فیسبوک صحیفهمیزگه باش اورینگ!
باشقه بیر تاماندن، هراتنینگ قیشلاقلریدن قطاریده اوسیملیک دارولر ساتیلهدیگن بازار قیته رواجلنیب و سنتی دارو ساتیلهدیگن دکانلر، برگلر، دانهلر و اوسیملیکلر بیلن توله بولیب و ینه بیر مرته کسللرنینگ مراجعتی اوچون بیر جای گه اوزگرگن.
هرات ده اوسیملیک دارو ساتهدیگنلردن بیری الهام احمدینینگ ایتیشیچه، کیمیاوی دارولر گه قرهگنده مذکور دارولردن فایدهلنیش یخشی دیر. «اوسیملیک دارولرنینگ فایدهسی بولمسهده، ضرری هم یوق و کیمیایی دارولر گه قرهگنده یخشی دیر. مشتریلریمیز هم ایرککلر دیر و همده عیاللر؛ کونده قریب اوچ-تورت مراجعت قیلهدی و ساتیش یخشی دیر.»
عین حالده، اوسیملیک دارولردن فایدهلنهدیگن عیاللردن قطارینینگ ایتیشلریچه، اوسیملیک دارولر، آغریقلر و کسللیکلری کمهیشی توغریسیده کیمیایی دارولرگه نسبت تاثیری کوپراق دیر.
هرات یشاوچیلریدن و کسللیکلری دوالنیشی مقصد اوسیملیک دارولرده فایدهلنهدیگن صفیه و خدیجهنینگ ایتیشلریچه، بو دارولردن فایدهلنیش قیمتی آزلیگی و طبیعی بولگنی سبب، کوپراق فایدهلنیلهدی.
صفیهنینگ ایتیشیچه: «اعصاب، معده و بچهدان میکروبی بولیشی اوچون آلیب کیتهمن و تاثیر قیلهدی. ۴۰-۴۵ ییل بولهدی که اوسیملیک دارولریدن فایدهلنهمن؛ چونکه تاغلرده مین یشهگن، یورهگیم آغریگنیده، بیلیم آغریگنیده و باشیم آغریگنیده ایهر ایدیم. هر آغریق بولسه هم فایده قیلهدی.»
بیزلرنینگ «ایکس» ترماغی ده هم تعقیب قیلینگ!
شونینگدیک خدیجهنینگ ایتیشیچه: «سینگلیم بیرینچی مرته حیض کورگنیده کوپ آغریغی بار ایدی؛ باشده بلکیم بیرینچی مرته بولگنی اوچون قیینچیلیگی یوق دیدیک. ایکینچی مرته حیض کورگنیده، شفاکار گه آلیب باردیک و آغریق اوچون ایغلهر ایدی. مین اونگه اوسیملیک دارو آلیب باردیم و فایدهلندی. اوچینچی مرته حیض کورگنیده، آغریغی یوق ایدی.»
هرات یشاوچیلریدن باشقه بیری مریمنینگ ایتیشیچه، اوشبو ولایتدهگی عیاللر کوپراق اوسیملیک دارولردن فایدهلنهدی و اونینگ سببی ایسه، اوسیملیک دارولرنینگ ضررسیزلیگی دیر.
اونینگ کوپهیتیریشیچه: «حاضر اهالیدن کوپ قطاری اوسیملیک و سنتی طب گه یوز کیلتیرگن؛ چونکه شفاکارلر داروسی بیر دردنی درمان قیلسه، باشقه بیر درد تاپیلهدی؛ بیراق اوسیملیک دارولرنینگ هیچ ضرری یوق. مین دایم معده آغریق بولگنیمده اوسیملیک دارولردن فایدهلنهمن. شونینگدیک بچهدان میکروبی بولیشیگه هم فایدهلنگنمین.»
ایتیش کیرهک که، اوسیملیک دارولردن فایدهلنیشنینگ کوپهیگنیگه توجه قیلیش بیلن، بو محصوللر صفتینی نظارت قیلیش و ساغیلقنی سقلش متخصصلری بیلن مصلحت قیلیش، برچه کیشینینگ سلامتلیگینی سقلش اوچون نیاز دیر.
