پاکستان‌دن قیتگن قاچقینلردن بیرقطاری، اوشبو مملکت پولیسی اولرنی حبس گه آلیش وقتیده یامان معامله قیلیش یانیده، قیتیش یونه‌لیشده‌گی بیکت‌لرده اولردن زوردن پول آلیش‌لرینی اېته‌دیلر.
میدان‌وردک اصلی یشاوچیسی محمدنور، قریب ۴۸ ییل اول پاکستان گه کوچیب بارگن اېدی و ینگی‌لیکده بو مملکت‌دن چیقریلگن، حاضر بوش قول بیلن افغانستان گه قیتگن. اونینگ سۉزلریگه کوره، پاکستان پولیسی تامانیدن برچه مال-ملکی مصادره قیلینگن.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندارگه ایتیشیچه: «توستدن آواره بولدیک و هېچ قنده‌ی تیارگرلیگیمیز یوق اېدی، اویده‌گی بوتون نرسه‌لر قالدی و ایش اوچون آلگن موتر سایکل هم قالدی.»
پاکستان‌دن قیتگن قاچقینلر، افغانستان گه قیتیش یونه‌لیشده تورلی قیینچیلیک بیلن دوچ بولگنلرینی معلوم قیله‌دیلر. اولر گه کوره، بو یونه‌لیشده بیر تاماندن پاکستان پولیسی تورلی بهانه‌لر سبب اولردن پول آله‌دی و باشقه تاماندن، پاکستان‌لیک هیداوچیلر اولرنینگ مجبوریتیدن فایده‌لنیب یول حقینی آشیرگنلر.
زین‌الدین، ینگی‌لیکده اسلام‌آباددن افغانستان گه قیتگن ایتیشیچه: «اولر بیز گه اوچ کون مهلت بیردی که اوی دن چیقسه‌ی. بو اوچ کون ایچیده ییغیش-تیریش اوچون هېچ نرسه‌نی امکانی یوق. بویوملریمیزنی ساتیش گه امکانیت یوق اېدی و نهایت بار مال-ملکی‌میز قالدی.»
بیزلرنینگ «ایکس» ترماغی ده هم تعقیب قیلینگ!
افغان اتل، پاکستان‌دن جبری شکلده چیقریلگنلردن بیری ایتیشیچه، بو مملکت پولیسی مهاجرلرنینگ اوی‌لریگه و ایش جایلری گه باستیریب کېریب و اولرنی بیزاوته قیله‌دیلر.
ننگرهار محلی مسئوللری گه کوره، پاکستان دولتی سۉنگی کونلرده مهاجرلرنینگ جبری چیقریش جریانینی آشیرگن و اوتگن ۱۱ کون ایچیده ۴۰ مینگ کیشی افغانستان گه قیتگن.
تورخم شهرچه‌سیده قیتگنلرنی انتقال بیریش بوییچه آمری جمال گوهرنینگ سلام‌وطندار گه ایتیشیچه، پاکستان‌دن قیتگنلر اوچون تورخم صفری نقطه‌سی و عمری کمپی‌ده، ییترلیچه امکانیت یره‌تیلگن. «اوتگن ۱۱ کون ایچیده، قریب ییتّی مینگ عایله بو منطقه گه کېلگنلر اولرنینگ سانی قریب ۴۰ مینگ کیشی دیر. اولر ارا اوی‌لری‌نینگ حجتی و حجتی بولمه‌گنلر هم بار.»
وقتینچه‌لیک عمری کمپ مسئولی محمدهاشم میوندوال، بو کمپ‌ده منتظم شکلده سوو و آزیق-آوقت توزیع قیلیش، مخابراتی خذمت همده رویخط گه آلیش خذمت‌لرینی کورسه‌تیش اوچون مخصوص کمیته‌لر تشکیل اېتیلگنینی معلوم قیله‌دی.
