لوگر یشاوچیلریدن قطارینینگ ایتیشلریچه، ییر آستی سوولر سطحی کمهیگنی اولرنی کوپینچه قیینچیلیک بیلن روپهره قیلگن. اولرگه کوره، سوو قودوقلری، بولاقلر، کانالر و کاریزلرنینگ قوریشی، اولر اوچون کوندهلیک حیات کیچیریشنی قیینلشتیرگن.
مذکور یشاوچیلر، حکومتدن سوو منبعلرینینگ مدیریت بولیشی و ییر آستی سوو منبعلری سقلهنیشی اوچون یشاوچیلرگه آگاهیلیک بیریلیشی و بو بولیمده لایحهلر عملگه آشیریلیشینی سورهگنلر.
بیزلرنینگ «ایکس» ترماغی ده هم تعقیب قیلینگ!
مذکور ولایت یشاوچیلریدن حمیدالله، قودوقلر قوریگنی و سوو سطحی قویی کیتگنینی بیان قیلیب و ایتیشیچه: «بوندن آلدین سوو ۱۰-۱۲ مترده چیقر ایدی، بیراق حاضر ایسه سوو سطحی ۱۰۰ متر گه قویی کیتگن و بیر قطار منطقهده حتا ۱۰۰ مترده هم سوو یوق. اوشبو وضعیت بو رقم دوام قیلگنی و قودوقلر شو رقم چقور قازیلگنی صورتده، بو بویوک بیر قیینچیلیک بولیب، انسانی بیر فاجعه گه اوزگریشی ممکن.»
شونینگدیک لوگر یشاوچیلریدن باشقه بیری حکیماللهنینگ ایتیشیچه: «اوتگن ییللرگه قرهگنده، سوونینگ قریب یریم گه کمهیگنینی ایته آلهمیز. بوندن آلدین ۳۰ مترده سووی بولگن قودوقلرنینگ حاضر ۶۰ مترده هم سووی یوق. سوو تنقیصلیگی اوچون تورلیخیل قیینچیلیکلر بیلن روپهرهمیز. زراعت بولیمیده اوچ-تورت جریب گه ایکین ایکهر ایدیک، بیراق حاضر بیر جریب گه هم ایکه آلمهیمیز، چونکه سوو یوق.»
شوندهی بیرحالده، لوگر دریاسی بوییچه فرعی حوزه باشلیغی محمداسماعیل آخندزادهنینگ سلاموطندار گه ایتیشیچه، سونگی کیتمه-کیت قوریقچیلیکلر، دهقانلر آرقهلی چقور قودوقلر قازیلیشی و حددن تشقری سوودن فایدهلنیشی، ییر آستی سوو منبعلری کمهیشی یا-ده قوریشیگه سبب بولگن.
اونینگ کوپهیتیریشیچه، ییر آستی سوو منبعلری مدیریت بولیشی، سوو منبعلرینی سقلش، قوریقچیلیک بیلن قرشی کورهش و حددن تشقری سوودن فایدهلنیشی آلدی آلینیشی، بو نهادنینگ ایش اولویتلریده قرار تاپگن. «افغانستان بویلب قوروقچیلیک بار و قیینچیلیک کوپ دیر، اینیقسه لوگر ولایتیده سوو بحرانی کوپراق دیر. سوو مدیریت بولیشی اوچون برنامهمیز بار. کیلهجکده ایچیملیک سوو اوچون قودوق قازگن کیشی، قودوق یانیده ینه بیر قودوق قازیشی کیرهک. یامغیر سووی، تاملردن ییغیلگن سوولر یا-ده اضافی سوولرنینگ مذکور ایکینچی قودوق تامان باریشی، سوو سحطی اوچون یخشی دیر.»
آخندزاده، لوگر یشاوچیلری اینیقسه دهقانلردن اوز باشیمچهلیک شکلده قودوق قازمسلیکلری و شونینگدیک ایکینچیلیک جریانیده سوودن فایدهلنیشیگه جدی شکلده توجه قیلیشلرینی ایستهگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، اقلیم اوزگریشلری و قوروقچیلیکلر دوام قیلگنی صورتده، کوپینچه جایده ییر آستی سوو منبعلری قوریب و حاضرگی قیینچیلیکنینگ کوپهیشی ممکن. «لوگر یشاوچیلری قودوقلرنی ستندرد و قانون-قاعده اساسیده قازیشلری کیرهک. اهالیدن قودوق قازیلیشی اصولینی رعایت قیلیشلرینی ایستهیمیز. ناقانونی و مسلکی شکلده قازیلهدیگن قودوقلرنینگ قازیلیشی آلدینی آلگنمیز. لوگر مرکزی اوزاق منطقه یشاوچیلریدن ناقانونی شکلده قودوق قازمسلیکلرینی ایستهیمیز. شونینگدیک ایکینچیلیک اوچون قودوق سوولریدن فایدهلنهدیگن کیشیلر هم قطرهای سووغاریش سیستمیدن فایدهلنسین. حاضر لوگر دریاسی و شونینگدیک کاناللردن قطاری هم قوریگن.»
سوو منبعلری کمهیشی، خلقارا جدی بیر انقراض بولیب، افغانستان و آسیا جنوبی حوزهسینی کوپراق تاثیر آستیده قرار بیرگن. ایش بیلرمانلرنینگ ایشانچیگه کوره، یاغینگرچیلیکلر کمهیگنی، هوا درجهسی آشیشی و موسوملرده اوزگریش کیلیشی، سوو منبعلری زیان کوریشی گه سبب بولیب و شونینگدیک حددن تشقری سوودن فایدهلنیش ییر آستی سوولر سطحینینگ کمهیتیرگن.
