افغانستان ده یوز بیرگن اینگ بویوک حربی و سیاسی اوزگریش نینگ بیر ییل‌لیگی گه یالغیز نیچه کون قالگن دیر که مذکور اوزگریش «افغانستان اسلامی امارت» نینگ قدرت گه ایریشیب و افغانستان اسلامی جمهوریت» توزومی نینگ سقوط قیلیشی گه سبب بولدی.
افغانستان ده یوز بیرگن اینگ اونملی حربی و سیاسی اوزگریش نینگ بیر ییل‌لیگی عرفه‌سیده، افغانستان ده آمریکا کوچلری نینگ سابق قوماندانی دیوید پتریوس، افغانستان‌دن اوشبو مملکت کوچلری نینگ چیقیشلری خصوصیده تنقید قیلگن.
مذکور آمریکا سابق حربی‌سی اتلانتیک مجله‌سیده ترقه‌تیلگن ۱۵ صحیفه‌لیک مقاله‌سیده یازگن که، آمریکا افغانستان گه حضور تاپیشی بیلن حتی مصلحت‌چی صفتیده افغانستان سابق حکومتی نینگ سقوط قیلیشی‌دن توسیق بولیشی ممکن ایدی.
بیزلرنینگ توییترده هم تعقیب قیلینگ!
شونینگدیک دیوید پتریوس، مرکزی حکومت گه کوپینچه قدرت بیریش و دوحه بیتیمی نی افغانستان سابق حکومتی نینگ سقوط قیلیشی گه یاردم بیرگن سبب‌لردن عنوان قیلگن.
باشقه بیر تاماندن، کابل ده آمریکا ایلچی‌خانه‌سی نینگ سابق سرپرستی راس ویلسون «اسکای نیوز» بیلن صحبت اوتکزیب ایتگن که، افغانستان سابق حکومتی نینگ عاجل بیر شکلده سقوط قیلگنی، برچه نی حیرت گه سالدی.
اونینگ کوپه‌یتیریشیچه: «افغانستان نینگ تیز بیر شکلده اسلامی امارت تامانیدن سقوط قیلگنیده یالغیز غرب، حیرت گه قالمه‌دی، بلکیم، اسلامی امارت کوچلری هم حیران قالدیلر.»
گزارش‌لر اساسیده، دیوید پتروس افغانستان گه آمریکا نینگ قیته کیلیشی نی ممکن دیب و ایتگن که، افغانستان نینگ حاضرگی حکومتی، عصیانچی گروه‌لر و شبهه نظامی‌لردن میزبان‌لیک قیلیشی گه دوام بیریش احتمالی موجود دیر.
شونده‌ی بیرحالده، بیلرمانلر نینگ ایشانچ‌لری گه کوره، آمریکا ده سابق حکومت رسمی‌لری نینگ چیقیش مسئله‌سی خصوصیده‌گی فکرلری، افغانستان خصوصیده اوشبو مملکت تشقی سیاسی گه تاثیر قویمه‌یدی.
اولر نینگ تاکید قیلیش‌لریچه، آمریکا حکومتی افغانستان‌دن اینگ بویوک بیر خطر گه متوجه بولگنی صورت‌ده، افغانستان گه قیته کیلیش گه فکر قیله‌دی.
بیزلرنینگ فیسبوک صحیفه‌میزگه باش اورینگ!
بو توغریده سیاسی ایش بیلرمان‌لردن طارق فرهادی نینگ ایتیشیچه: «افغانستان ده آمریکا نینگ اساسی قیینچیلیگی فاسد سیاست‌چیلر بیلن همکارلیک قیلیش ایدی که انه شوو سبب، مرکزی حکومت تیز بیر شکلده توزه‌تیلدی. افغانستان ده آمریکا همکارلری اوزلری گه پول توپله‌دیلر. حقیقتا دیموکراسی قوم‌پرست‌لیککه اوزگردی. پتریوس نینگ نظریه‌لری آمریکا حکومتی نینگ تشقی سیاستی گه هیچ تاثیری یوق.»
شونینگدیک بو توغریده سیاسی ایش بیلرمان‌لردن باشقه بیری ولی فروزان نینگ ایتیشیچه: «آمریکا حکومتی افغانستان‌دن دنیا گه بیر خطر نی حس قیلمسه، اقدام قیلمه‌یدی و افغانستان گه علاقه‌مندلیگی یوق.»
شونده‌ی بیرحالده، اوتمیش ییل‌ده افغانستان اسلامی امارت سرپرست حکومتی و آمریکا بیرلشمه ایالتی نیچه مرته بیر بیری نی دوحه بیتیمی نینگ نقض قیلینگنی خصوصیده عیب‌لگنلر. کابل ده آمریکا نینگ سونگی اویوشتیرگن هوایی هجومی‌‌ده، القاعده شبکه رهبری ایمن‌الظواهری هلاک بولدی که اوشبو هوایی هجوم ایکی تامان آره‌سیده دوحه بیتیمی گه پابند بولیش خصوصیده تنقید‌لر نی کوپه‌یتیرگن دیر.
