پکتیا ولایتی دندپتان تومنی دیورند چیزیغی حدودلریده اسلام امیرلیگی کوچلری و پاکستان حربی‌لری اوتگن نیچه کون جریانیده، اوچ مرته توقنشگنلر.
محل یشاوچیلری نینگ ایتیشلریچه، پاکستان حربی‌لری عادی اهالی نینگ یشش اوی‌لرینی نشانگه آلگن، نتیجه ده یوزلب عایله اوی_جای‌لرینی ترک ایتیشگه مجبور بولگنلر.
آواره عایله‌لر نینگ سلام‌وطندار گه ایتیشلریچه، «ستیا»، «سپیری»، «زازی‌آباد» و باشقه بیر قطار منطقه یشاوچیلری، پاکستان حربی کوچلری نینگ اوق آتیشی باعث، اوی‌لرینی ترک ایتیشگن مجبور بولگنلر.
دندپتان تومنی آواره‌لریدن سیدالرحمان گه کوره: «ساعت بیر یریم دن کیین، بوروکی و توکندو منطقه‌لریده پاکستان کوچلری بیلن اوروش باشلنیشیدن سونگ، ستیا، سپیری، دندی و زازی‌آباد منطقه یشاوچیلری اوی_جای‌لرینی ترک ایتدیلر. اهالی آواره بولدی، یشش اوی‌لر نشانگه آلیندی، باغ‌لرنی نشانگه آلدیلر، پاکستان کوچلری نینگ توپ و هاوان اوق‌لری عادی اهالی نینگ یشش اوی‌لری گه اصابت قیلردی، کیچه ایدی تلفات رقمی بیللی بولمه‌دی. اهالی قاچدی، بیز هم قاچدیک شهرلر و سمنکی تومنی گه.»
بیزلرنینگ فیسبوک صحیفه‌میزگه باش اورینگ!
دندپتان تومنی آواره‌لریدن سباوون نینگ ایتیشیچه: «یک‌شنبه کونی، ۲۹ عقرب پاکستان تامانیدن راکت آتیلدی، نتیجه ده باله‌لر، خاتین قیزلر و حتا حیوان‌لر گه زیان ییتکیزدی، عادی اهالی گه مالی و جانی زیان ییتگن.»
دندپتان تومنی یشاوچیلریدن یونس خان نینگ سلام‌وطندار گه ایتیشیچه، پاکستان حربی‌لری دیورند چیزیغی و تیکانلی سیم‌لر یقینیده سرک قوریش گه قرشی‌لیک قیلدیلر، شونی اوچون ایکی تامان آره‌سیده آتیشمه یوز بیردی.
اونینگ کوپه‌یتیریشیچه: «بیز تاماندن، اسلام امیرلیگی کوچلری اوچ کون آلدین بیر سرک قورماقده ایدیلر اوروش باشلندی و اوتگن کون توش دن کیین، ینه اوروش باشلندی که کیچه ساعت ۸:۰۰ گچه شدتلی روشده دوام تاپدی.»
شو بیلن بیرگه، پکتیا محلی مسئوللری اوشبو توقنشوولر باره‌سیده میدیالر گه هیچ نرسه دیمه‌گنلر. دولتی بیر منبع اسمی سر قالیش شرطی بیلن سلام‌وطندار گه ایتیشیچه، اسلام امیرلیگی کوچلری دیورند چیزیغی حدودلریده بیر پوسته قوریب و اوشبو پوسته اوچون سرک قوریش چاغیده، پاکستان حربی‌لری تامانیدن قرشی‌لیک کورسه‌تیلدی.
بیزلرنینگ توییترده هم تعقیب قیلینگ!
منبع نینگ معلوماتی اساسیده، ینگی‌لیکده ایکی تامان ارا توقنشوو ده، اسلام امیرلیگی کوچلریدن بیر کیشی اولگن و باشقه ایکی کیشی یره‌لنگن. شونینگدیک مذکور توقنشووده ۹ تینچ اهالی یره‌لنگن؛ بیراق پاکستان کوچلری نینگ تلفاتی حقیده معلومات بیریلمه‌گن.
پکتیا ولایتی کسلخانه باشلیغی نصیراحمد رحمانی نینگ سلام‌وطندار گه ایتیشیچه، یک‌شنبه کونگی آتیشمه ده بیر کیشی اولیب و باشقه آلتی یره‌دار کیشی، اوشبو کسلخانه گه انتقال بیریلگن.