نورستان یشاوچیلری و اوشبو ولایت‌ده هیداوچیلردن بیرقطاری، کنر-نورستان قتناو یولی بوزوق‌لیگیدن نالیب ایتیشلریچه، ۲۰ ییل‌دن بېری، اوشبو یول نینگ اسفالت قیلیش اوچون هېچ بیر نهاد علاقه کورستمه‌گن.
نورستان‌ده یولاوچی تاشووچی موتر هیداوچیسی نورالله نینگ ایتیشیچه: «بو یول ده هیداوچیلیک قیله‌من؛ بیراق بیز گه هېچ نرسه قالمه‌یدی، بامداد کنر گه باره‌میز و شام قیته‌میز؛ ۲۰۰ و ۳۰۰ افغانی قاله‌دی؛ بیراق بو پول هم موتر بوزوق‌لیگیگه صرف‌لنه‌دی. بو قیینچیلیک دن قوتیلیش اوچون یول اسفالت قیلینیشی اېسته‌یمیز.»
بیزلرنینگ فیسبوک صحیفه‌میزگه باش اورینگ!
نورستان یشاوچیلریدن سلیم گه کوره، اوشبو ولایت گه باغلیق یوللر بوزوق‌لیگی سبب، انده-سنده کسل‌لرینی شفاخانه گه انتقال بیریش پیتیده یول گه وفات اېتگن.
نورستان یشاوچیلری، مسئوللردن کنر-نورستان قتناوی یولی و اوشبو ولایت نینگ ایچیده‌گی یوللرنی ستندرد شکلده اسفالت قیلیش‌لرینی اېسته‌یدیلر.
باشقه تاماندن، نورستان محلی مسئوللری نینگ ایتیشلریچه، کنر-نورستان قتناو یولی نینگ اسفالت قیلیش ریجه فواید عامه وزیرلیگی بیلن شریک قیلینگن و اولر اوشبو یول نینگ قوریش ایشی باشله‌نیشیدن ایشانچ بیرگنلر.
بیزلرنینگ «ایکس» ترماغی ده هم تعقیب قیلینگ!
نورستان فواید عامه باشلیغی احمدنبی عادل گه کوره، اوشبو ییل‌ده مذکور ولایت نینگ قتناو یولی اسفالت بولیش گه امیدوار دیر.
نورستان طبیعی منظره‌لری بیلن افغانستان نینگ سیاحتی جاذبه‌لریدن بیری سنله‌دی، بیراق قتناو یوللری بوزوق‌لیگی طفیلی سیاحتچیلر بو ولایت گه سفر قیلیش گه اونچه‌لیک قیزیقمه‌یدیلر.