زابل ولایتی اتغر تومنی یشاوچیلریدن قطاری نینگ سلاموطندار گه ایتیشلریچه، اوشبو ولایت مرکزی قلات شهریدن اتغر تومنیگچه قتناو یول نینگ بوزوقلیگی سبب، ۳ ساعتلیک یولنی ۲۴ ساعت گه کیزهدیلر.
اولر گه کوره، سرکلر نینگ بوزوقلیگی سبب، وضعیتی یامان بولگن کسللر قلات شهری گه ییتیشمسدن آلدین جان بیرهدی و شونینگدیک یشاوچیلر قیش موسومیده ییگولیک ماده کملیگی بیلن روپهره بولهدیلر.
بیزلرنینگ «ایکس» ترماغی ده هم تعقیب قیلینگ!
بو توغریده اتغر تومنی یشاوچیلریدن بیری غنی نینگ ایتیشیچه: «کوپ قیین بیر وضعیتدهمیز، سرک کوپ بوزوق. بو سرک یشاوچیلر اوچون بیر قیینچیلیککه اوزگرگن. اوچ ساعتلیک مصافه دیر، بیراق قلات شهریگچه ۲۴ ساعتده ییتیشهمیز.»
شونینگدیک اتغر تومنی یشاوچیلریدن باشقه بیری غلامنبی نینگ ایتیشیچه: «سرک نینگ بوزوقلیگی اوچون کوپ قیینچیلیک بیلن روپهرهمیز. یامغیر یاغگنی پیتده، قلات شهری گه کسل هم باره آلمهیدی، یرهلنگن هم. بو تومنده کوپینچه پیت یشاوچیلر ییگولیک ماده کملیگی بیلن روپهره بولهدی که، قندهار یا-ده قلات شهریدن ییگولیک ماده آلیب کیله آلمهیمیز.»
شوندهی بیرحالده، زابل محلی مسئوللری نینگ ایتیشلریچه، کیلهسی ییل اتغر تومنی گه علاوه، باشقه اوچ تومن نینگ سرکلری قیته قوریلیشی گه قرار آلینگن.
زابل فواید عامه باشلیغی احمد احمد نینگ ایتیشیچه، قلات شهریدن دیورند چیزیغیگچه قتناو یول قوریلیشی نینگ تصدیق بولیشی و کیلهسی ییل ایشی باشلنیشی خصوصیده سعی و حرکت قیلماقدهلر.
بیزلرنینگ فیسبوک صحیفهمیزگه باش اورینگ!
اونینگ بو توغریده کوپهیتیریشیچه: «کیلهسی ییل اتغر تومنی یولی گه علاوه، شملزو، نوبهار و شینکی تومنلری یوللری نی هم اساسی شکلده قوریلیشی نی نظر گه آلگنمیز. قلاتدن دیورند چیزیغی گه قدر قتناو یولی قوریلیشی نینگ تصدیق بولیشی نی نظر گه آلیب و اونینگ قوریلیشی اوچون سعی و حرکت قیلماقدهمیز.»
ایتیش کیرهک که، زابل ولایتی نینگ باشقه بیر قطار تومن یشاوچیلری یوللر بوزوقلیگیدن شکایت قیلگنلری بیرحالده، اوشبو ولایت اتغر تومنی یشاوچیلری هم مذکور تومن قتناو یولی بوزوقلیگیدن شکایت قیلهدیلر.