خلق‌ارا ایشانچلی منبع‌لرده‌گی معلوماتلر اساسیده، ۱۰ مینگ‌دن آرتیق تور حشراتلر بشر دشمنی صفتیده تصنیف‌لنیب، دنیا‌ده‌گی آزیق-آوقت محصولاتی نینگ آلتی‌دن بیر قسمی نی مصرف قیله‌دی. حقیقت‌ده دهقانلر ایکین‌زارلریدن ییغیب آلگنلری محصولات، ضررلی حشرات‌لردن قالگن محصولات دیر. مذکور ضررلی حشرات ایکینچیلیک محصولات نینگ جدی شکلده کمه‌یشی و صفتی اوزگریشی گه سبب بوله‌دی؛ لیکن ضرری بولمه‌گن حشرات هم بار که ایکین‌زارلرده بولنگی دهقانلر فایده‌سی گه دیر.
لیکن پروان ده دهقانلر ایکین‌زارلریده ضررلی حشرات بارلیگی‌دن زیریکیب و بو قیین‌چیلیک‌دن قنده‌ی قوتولیش نی بیلمه‌یدیلر. پروان مرکزی‌ده قریب ۴۵ جریب ایکینچیلیک ییری بولگن ۶۵ یاشر گل‌پادشاه جلیلی، اوشبو ولایت ایکینچیلیک ریاستی مسئوللریدن شکایت قیلیب و ایتیشیچه، حاضرگچه اولر تامانیدن ایکینچیلیک آفتلر آلدی آلینیشی اوچون هیچ قنده‌ی رهنمالیک و دارو قولگه کیلتیرمه‌گنلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بیر نرسه بار که کچالو نی ییه‌دی و بته نی قوریته‌دی؛ که بو رقم بازارده قیمتی نی قولدن بیره‌دی. فاصلیه، لوبیا، قاره بادنجان و قلمپیر شو رقم بوله‌دی. برچه نرسه گه زیان ییتیشتیرگن. شو رقم بادام، زردآلو، شفتالو و گیلاس هم. آفتلر اوچون بیران دارو بیللی قیلیشلری کیرهک که بیزلر گه بیرسه‌لر، قوللنسه‌‌ی و ایکین‌زارلریمیزنی سقلسه‌ک.»
باشقه بیر تاماندن، پروان ولایتی دره‌ی غوربند تومنی‌ده‌گی دهقانلردن باشقه بیری نینگ ایتیشیچه، چرچرک و چیگیرتکه کبی ضررلی حشرات حاصلاتی‌دن بیر قسمی نی اورته‌دن کیتکزه‌دی؛ بیراق او هم تیگیشلی نهادلر اینیقسه ایکینچیلیک ریاستی آرقه‌لی حشرات نینگ اورته‌دن کیتکزیلیشی اوچون یاردم و مصلحت نی کوتیب تورگن.
اونینگ کوپه‌یتیریشیچه: «تورت تور دارو قوللندیک؛ هیچ فایده قیلمه‌دی؛ چرچرک، مور و چیگیرتکه کیله‌دی و محصولات‌دن اوچ‌دن بیر قسمی اورته‌دن کیته‌دی. ایکینچیلیک بولیمی‌ده کوپینچه موسسه‌لر نینگ فعالیتی بار که ایکینچیلیک ریاستی مسئوللری او یول‌دن بو توغریده تعلیمی برنامه یولگه قوییب و برچه دهقان گه تعلیم بیریشلری کیرهک.»
شونده‌ی بیرحالده، پروان بیلیم یورتی نینگ زراعت فاکولته‌سی استادی سیداحمد ملک‌زاده نینگ ایتیشیچه، ایکینچیلیک آفتلری نی اورته‌دن کیتکزیش اوچون میخانیکی و کیمیایی کنترول قیلیش طریقه‌لری بار. اونینگ کوپه‌یتیریشیچه، دهقانلر کوپراق میخانیکی طریقه‌لردن قوللنیب، ایکین‌زارلریده حشرات هجومی آلدینی آلیشلری ممکن. او محلی مسئوللردن بو توغریده دهقان گه همکارلیک قیلیب و بازارده صفت‌سیز کیمیاوی دارو‌لر آلدی آلینیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
بو بیلن بیرگه، پروان ایکینیچیلیک، سووغاریش و چاروه‌چیلیک ریاستی ایشلری بوییچه آمری نیازمحمد تایب، ایکین‌زارلرده ضررلی حشرات بارلیگی توغریسیده دهقانلر خواطری نی قبول قیلیب؛ لیکن بو قیین‌چیلیک بیلن قرشی کوره‌ش اوچون ییترلی بودجه یوقلیگی نی بیان قیلگن.
اونینگ کوپه‌یتیریشیچه: «ضررلی حشرات موجود‌لیگی سببی، محیط شرایطی نینگ برابر بولگنی و حشرات اولدیره‌دیگن دارولردن حددن تشقری قوللنیش دیر. اوسیم‌لیکلرنی سقلش عمومی مدیریتی فنی و مسلکی مصلحتلر ارائه‌سی و ولایت بویلب اوسیم‌لیک سیار کلینیک‌لرنی یولگه قوییش بیلن حشرات و ضررلری خصوصیده دایم دهقانلر و باغ‌دارلر گه آگاهی‌لیک بیرگن؛ لیکن قیغو بیلن حاضرگچه بو مدیریت اختیاری‌ده بودجه امکانیتی قرار تاپمه‌‌گن.»
ایتیش کیرهک که، مسئول نهادلر ایکینچیلیک آفتلر نی تانیش و اورته‌دن کیتکزیش خصوصیده ایشلب و اولر گه قرشی علمی روش‌لر نی انجام بیرگنلری صورت‌ده؛ دهقانلر نینگ ایکین‌زارلری بو آفتلر هجومی‌دن امان قالیب و یخشی حاصل قولگه کیلیشی ممکن.
