دایکندی ده خوفسیزلیک مسئوللری نینگ تصدیق قیلیشلریچه، اوشبو ولایت میرامور تومنی‌ده گازدن زهرلنیش عاقبتیده، بیر آته و بیر قیز وفات ایتگن.
دایکندی امنیه قوماندانلیگی سوزلاوچیسی غلام‌علی جاوید نینگ ایتیشیچه، مذکور واقعه بوگون ایرتنگ چاغی (پنج‌شنبه، ۲۵-عقرب)، ساعت ۰۱:۰۰ اطرافیده، میرامور تومنی نینگ «امید» قیشلاغیده یوز بیرگن.
بیزلرنینگ فیسبوک صحیفه‌میزگه باش اورینگ!
غلام‌علی جاوید نینگ کوپه‌یتیریشیچه، اوشبو کیشی مرغ‌دارلیک ایشلری یکونیدن کیین یریم کیچه یشش جایی گه قیتیب، کومیر و یاغاچ بیلن خیمه نی ایسیتیش اوچون آلاو قویگن و اویخله‌گن‌لریدن کیین اوزی و قیزی گازدن زهرلنیب وفات ایتگنلر.
دایکندی امنیه قوماندانلیگی سوزلاوچیسی گه کوره، اوشبو ۳۸ یاشر ایرکک و ۱۶ یاشر قیز نینگ اولگنلری بیرحالده، محل یشاوچیلر تاپگنلر.