دایکندی ولایتی‌ده محلی منبع‌لر نینگ ایتیش‌لریچه، اوشبو ولایت شهرستان تومنی نینگ «چبلک» کوتلی‌ده فلانکوچ تیپلی بیر موتر نینگ چپه بولگنی سبب، ۵ کیشی هلاک و ۱۱ کیشی یره‌لنگن.
دایکندی ترافیک مدیری اسحاق‌علی رشیدی نینگ ایتیشیچه، بوگون (پنجشنبه، ۲۷-اسد) ایرتنگ چاغی کابل تامان حرکت قیلگن موتر، چبلک کوتلی‌ده سرک‌دن چیقیب چپه بولگن.
بیزلرنینگ فیسبوک صحیفه‌میزگه باش اورینگ!
اونگه کوره، مذکور حادثه‌ده ۴ عیال و ۴ ایرکک هلاک بولگن و ۳ باله، ۳ عیال و ۵ ایرکک شامل ۱۱ کیشی یره‌لنگن.
دایکندی ترافیک مدیری نینگ کوپه‌یتیریشیچه، مذکور حادثه یره‌دارلری دایکندی ولایتی کسل‌خانه‌سی گه انتقال تاپگن و اولردن ایکی ته‌سی نینگ ساغلیق وضعیتی یامان دیر.
بیزلرنینگ توییترده هم تعقیب قیلینگ!
ایتیش‌کیره‌ک که، شونینگدیک اوتگن کون دایکندی ولایتی اشترلی تومنی نینگ عبدی قیشلاغیده یوز بیرگن ترافیکی حادثه‌ده بیر کیشی هلاک و ۳ کیشی یره‌لنگن ایدی.
دایکندی ترافیک باشقرو مسئوللری اوشبو ولایت‌ده یوز بیرگن ترافیکی حادثه‌لر دلیلی نی هیداوچیلر نینگ توجه‌سیزلیگی و تیزهیده‌یشی عنوان قیلگن.
