ننگرهار امنیه قوماندان‌لیگی نینگ مسئول‌لری اوتگن بیر آی‌ده ۱۶۱کیشی تورلی جنایی جرم‌لر گه عیبله‌نیب قولگه آلینگنیدن خبر بیرگنلر.
مطبوعاتی ییغینده اشتراک ایتگن ننگرهار امنیه قوماندان‌لیگی نینگ امنیت آمری محمد طاهر مبارز نینگ ایتیشیچه، اوشبو متهم‌لر اوغیرلیک، قتل، اخلاقی فساد، ساخته کارلیک، بنگوار ماده‌لری قاچاقی و باشقه بیرقطاری تورلی خیل جنایت لرگه عیبله‌نیب، اسلامی امارت خوفسیزلیک کوچلری نینگ سعی-حرکتی طفیلی ننگرهار مرکزی جلال آباد شهری گه قره‌شلی حدودلر و تومن‌لریدن حبس گه آلینگن‌لر.
بیزلرنینگ فیسبوک صحیفه‌میزگه باش اورینگ!
ننگرهار امنیه قوماندان‌لیگی نینگ امنیت آمری گه کوره، اوشبو کیشی‌لر آلدیدن قورال، بنگوار ماده و ترانسپورت واسطه‌لری تاپیلگن. او نینگ ایتیشیچه، بیرقطار مجرم‌لر نینگ حجت‌لری دستلبکی تیکشیریش‌لر یکونیدن کیین، عدلی و قضایی نهادلرگه تاپشیریله‌دی.
عین‌حالده، محمد طاهر مبارز نینگ ایتیشیچه، اوشبو ولایتده اوتمیش‌لر گه نسبتن جنایی جرم‌لر ۸۰ فایز کمه‌یگن و بو جرم‌لر گه نقطه قوییش مقصدیده سعی-حرکت قیلماقده‌لر، بیراق اهالی‌دن مجرم‌لر و متهم‌لرنی تانیش بوییچه اولر بیلن همکارلیک قیلیش لرینی طلب قیله‌دی.
بیزلرنینگ توییترده هم تعقیب قیلینگ!
باشقه تاماندن ننگرهار امنیه قوماندان‌لیگی امنیت آمری نینگ کوپیتیریشیچه، اسلامی امارت خوفسیزلیک کوچلری، ناتانیش کیشی‌لردن فرقلی بولیش لری اوچون ایچکی ایشلر وزیرلیگی تامانیدن مخصوص کییم منظور بولگن او نینگ ایتیشیچه، تیزلیکده اوشبو یونیفورم‌لر ترقه‌تیلیشی ممکن.
ننگرهار امنیه قوماندان‌لیگی نینگ متصدی‌لری، اسلامی امارت حاکمیت گه ایریشگنیدن کیین، مذکور ولایت بویلب تورلی جنایت‌لر گه عیبلنگن قریب ۶۰۰ کیشی حبس گه آلینگنینی معلوم قیله‌دی.