بوگون “دوشنبه” هرات حاکمی سید عبدالوحید قتالی نینگ خبری بیر ییغینده ایتیشیچه، سوداگرلرنینگ توارلری بیرقطار کیشی‌لر و هیداووچی‌لر تامانیدن چور قیلینگن.
هرات حاکمی نینگ ایتیشیچه، هیداووچی‌لردن بیرقطار مافیا یاردمی بیلن ناقانونی توارلری نینگ فاش ایتیلیشی‌گه توسیق بولیش اوچون موترلرینی یانغین ساحه‌سیدن چیقارگنلریدن سونگ، قتناو یول‌لرده اوت بیرگن و باشقه بیرقطاری ایسه گمرک‌که یقین بولگن قیشلاقلرگه انتقال بیرگن.
جناب قتالی نینگ ایتیشیچه، حاضرده، یانغییندن قوتقریلگن اونلرچه موتر جادهلرگه توخته‌تیلگن، لیکن مالک و هیداووچی‌لری بیللی ایمس.
هرات حاکمی نینگ کوپه‌یتیریشیچه، مذکور هیداووچی‌لر امنیتی کوچلرنینگ ساحه‌نی ترک قیلیشی‌نی کوتیب تورگن‌لر.
هرات حاکمی نینگ آگاه‌لنتیریشیچه، بوتون توارلرنی رسمی نهادلرگه تاپشیریب و طی مراحل قیلینیشی ممکن.
جناب قتالی، توارلرنی چور قیلگن بیرقطار کیشی‌لر قولگه آلینگنیدن خبر بیریب ایتیشیچه، حاضرگه‌قدر، اهالی و هیداووچی‌لر تامانیدن قیشلاقلرگه یاشیریلگن ۷۰ موتر قیته‌دن قولگه کیلتیریلگن.
هرات حاکمی نینگ کوپه‌یتیریشیچه، مذکور یانغینده ۳۰۰ یا-ده ۳۵۰ موتر نینگ اوت آلگنی ممکن.
جناب قتالی‌گه کوره، بیر قطار کیشی‌لر گمرکی حجت‌لرینی فاش ایتیلیشمه‌گه توسیق بولیش اوچون توارلری نینگ انتقال و طی مراحل قیلیشی‌نی ایستمه‌یدی.
بیراق، بیرقطار سوداگرلر و موترلرنینگ مالکلری سوداگرلیک توارلرنینگ چور ایتیلگنیدن خواطر بیلدیریب ایتیش‌لریچه، کوپ قطار توارلر و موترلر محل ییشاوچی‌لری تامانیدن چور قیلینگن.
سوداگرلردن بیری حبیب‌الله نینگ ایتیشیچه، ۱۷ تانکر نفتی ماده و ۷ تیلر سوداگرلیک تواری اوت آلیب یا-ده چور قیلینگن. اونینگ ایتیشیچه، بیرقطار توارلری اوت آلگن ایمس ایدی، لیکن امنیتی کوچلرنینگ دقت‌سیزلیگی سبب، اهالی تامانیدن چور قیلینگن.
عین‌حالده، هرات محلی مسوولری نینگ ایتیش‌لریچه، سوداگرلیک توارلردن ۸۵% یانغیین ساحه‌سیدن قوتقریلگن و تیزلیککه خسارت میزانی تعیین‌لنگن هیات تامانیدن بیللی ایتیله‌دی.
