بوگون (پنجشنبه، ۲۵- جدی) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۱ مینگ و ۸۰۲ واقعه تیکشیریلگن، کیم بولردن ۵۷ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۱۴ کسل جان بیرگن و شونینگدیک ۲۹۵ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۳ مینگ و ۸۳۱ کیشی کرونا ویروس گه چلینگن، کیم بولردن ۲ مینگ و ۳۲۴ ته‌سی جان بیرگن و باشقه ۵۳ مینگ ۸۳۱ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه ۲۲۱ و ۶۶۳ کرونا کسلیگه شبهه‌لی واقعه تیکشیریلگن.
دنیا ده حاضرگه‌قدر ۹۲ میلیون و ۸۰۰ مینگ دن آرتیق کیشی کروناگه چلینگن کیم بولردن ۱ میلیون و ۹۸۷ کیشی جان بیرگن و ۶۶ میلیون و ۳۵۷ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.
