سمنگان قیشلاقلرنی رواجلنتیریش و قیته قوریش ریاستینینگ اعلام قیلیشیچه، اوشبو ولایتده سوو ییتکزیش ایکی ترماقنینگ قوریلیش ایشی باشلنگن.
مذکور ریاست، بوگون (۲-میزان، چهارشنبه)، بیر بیانیه آرقهلی یازیشیچه، سوو ییتکزیش اوشبو ترماقلر سمنگان ولایتی خُلم تومنینینگ «غازیآباد بالا و پایین» قیشلاقلریده قوریلهدی.
سمنگان قیشلاقلرنی رواجلنتیریش و قیته قوریش ریاستی، مذکور ایکی ترماقنینگ افغانستان ده بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسی آرقهلی سکیز میلیون ۲۶۸ مینگ افغانی عوضیگه قوریلیشینی بیان قیلگن.
اوشبو سوو ییتکزیش ایکی ترماقنینگ قوریلیشی بیلن مذکور قیشلاقلرده ۳۵۰ عایله ایچیملیک سوو بیلن تامینلنهدی.
افغانستان ده سونگی نیچه ییل جریانیده قوروقچیلیک، اوشبو مملکت یشاوچیلرینینگ ایچیملیک سوودن فایدهلنیش امکانیتینی آز قیلگن و ایچکی همده تشقی نهادلردن قطاری ایسه سوو ییتکزیش ترماقلرنی قوریش بیلن بو قیینچیلیک حلیگه یاردم بیرگنلر.
