فلسطین ساغلیقنی سقلش وزیرلیگینینگ اعلام قیلیشیچه، اوتگن بیر کیچهوکوندوزده اسرائیل کوچلری آرقهلی نوار غزه بویلب اویوشتیریلگن هجوملر نتیجهسیده، کمیده ۷۳ فلسطینلیک قربان بولگن.
الجزیره ترماغینینگ بوگون (۲۲-اسد، چهارشنبه)، گزارش بیریشیچه، اسرائیلنینگ اوتگن کونی اویوشتیرگن هجوملریده، باشقه اونلب کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
گزارش اساسیده، قربان بولگن فلسطینلیکلردن ۱۹ تهسی، یاردم قولگه کیلتیریش جریانیده اسرائیل کوچلری تامانیدن اوققه توتیلیب و اولدیریلگنلر.
اوققه توتیلیب اولدیریلیش یانیده، قحطچیلیک هم فلسطینلیکلردن قربانلیک آلماقده. اوتگن کون آچلیک طفیلی بالهلر شامل کمیده بیش کیشینینگ اولیمی تصدیقلنگن. اوروش باشلنگنیدن بویان آچلیک باعث اولیم میزانینینگ توپلم سانی، ۲۲۷ کیشیگه ییتیشگن.
بیزلرنینگ فیسبوک صحیفهمیزگه باش اورینگ!
فلسطین ساغلیقنی سقلش وزیرلیگینینگ معلوماتی اساسیده، اوروش باشلنگنیدن بویان ۶۱ مینگ ۸۹۹ فلسطینلیک اسرائیل هجوملریده قربان بولیب و ۱۵۴ مینگ ۸۸ کیشی بو هجوملر نتیجهسیده یرهلنگن.
