مکتبلر ایشیگی آچیق بولیب و مکتب بناسی یوللریده اوقووچیلرنینگ اوقیشگه بولگن اشتیاق آوازی ایشیتیلهدی؛ بیراق آلتینچی صنفدهگی قیز اوقووچیلر و اولرنینگ عایلهلریدن قطاری، کیلهسی ییل و نابیللی کیلهجکدن خواطرلنگنلر.
قیز اوقووچیلردن کوپ قطاری حاضر کتاب بیلن صمیمی بولیب و سوزلرنینگ معناسینی درک قیله آلگن بیر پیتده، کیلهسی ییل قیته صنف گه باره آلمسلیک توغریسیدهگی امیدسیزلیک، اولرنی خواطرلنتیرگن.
کابل دهگی مکتبلردن بیریگه باریب و آلتینچی صنف اوقووچیسی بولگن قیزلر بیلن صحبتگه باشلهدیم. کیلهجک توغریسیده صحبت قیلیشلری پیت، اوشبو اوقووچیلرنینگ کوزلریگه یاش اَیلنیب و بیر نیچه ثانیه گپلشیشدن قالهدیلر.
بیزلرنینگ فیسبوک صحیفهمیزگه باش اورینگ!
اوشبو سکوت و کیلهجک توغریسیدهگی تشویشلر آرهسیده، کوپینچه آرزوسی بولگن و صنفده اوچینچی اورینگه ایگه بولگن ۱۱ یاشر سومن، آلتینچی صنفگه باشلهگنیدن ایکی آی اوتگن، بیراق اوتمیش کبی اوقیتووچیلرینینگ سوزلریگه اشتیاق بیلن قولاق سالمهیدی.
مهندس بولیش آرزوسیگه ییتیشه آلمهگنیگه توشینگن سومن، کوزلری یاش بیلن تولیب و ایتیشیچه: «تعلیمی ییل باشلنگنیدن ایکی آی اوتگن و من درسگه اوتمیش کبی قیزیقمهیمن. ایکینچی و اوچینچی صنف اوقووچیسی بولگنیمده کوپ قیزیقهر ایدیم، چونکه مکتبلر یوزیمیزگه آچیق ایدی. قیزلرنینگ نیمه گناهسی بار که درس اوقیش گه قویمهیدیلر. مین مهندس بولیب و اهالیگه خذمت قیلماقچین ایدیم.»
باشقه بیر تاماندن، بو مکتبده اینگ یخشی اوقووچی بولمیش ۱۳ یاشر هدیه، هر کونی الماریسیدهگی تقدیرنامهلریگه کوزی توشگنیده، کیلهجکی توغریسیده کوپراق قورقهدی. «عمومی اول نمرهمین. تقدیرنامهلریم گه قرهگنیمده ایتهمن که اگر بولر توختهتیلسه، مین نیمه قیلهی و اویده درسسیز شکلده حیات کیچیریش معناسیز بولهدی.»
تشویشلر و امیدسیزلیکلر آرهسیده، آلتینچی صنف اوقووچیسی و صنفده ایکینچی اورینگه ایگه بولگن ۱۲ یاشر اسما، باشقه یوللرنی تاپماقده. مکتبدن امیدینی کیسمهگن و اونینگ اوچون اورگهنیش بیر امتیاز ایمس، بلکیم تیریک قالیش اوچون بیر یول دیر. او آلتینچی صنفنی بیتیرگنیدن کیین، دینی مدرسهلر و تعلیمی کورسلرگه باریش گه توشینگن. اسما مکتب گه باریشگه رخصت بیریلمسهده، ازیگه یارقین کیلهجک یولینی قورماقچین. «قیزلر مکتبی آچیلمهگنی صورتده مدرسهلر و کورسگه باریب، درس اوقیماقچینمین که اوزیمنی بیر جای گه ییتیشتیریب و یخشی بیر کیلهجک توزته آلسهم.»
نابیللی کیلهجک خصوصیده تشویش و خواطرلر آرهسیده، اولنمره بولگن آسیه، یاشیدن کتهراق قاطعیت بیلن، سوادسیز قالیشنی اوزیگه شرمندهلیک دیب بیلهدی. بیر کونی آنه بولیب و فرزندلریگه هیچ بیر نرسهنی اورگته آلمسلیک توغریسیدهگی قورقوو، اونینگ ذهنیگه آغیرلیک قیلهدی. «مین کیلهجکده بالهلریم اوچون سوادسیز بیر آنه بولیشنی ایستمهیمن. بالهم کیلیب میندن بیران سوراق سورهگنی پیت، مین جواب بیره آلمهسم، مینگه شرم دیر و اوشه بالهم گه هم شرم دیر. نیاز بولگنیده مملکتدن تشقی گه کیتهمن و درس اوقهمن، اما هیچ وقت تسلیم بولمهیمن.»
قیز اوقووچیلر یانیده، آنهلری هم قیزلرینینگ نابیللی کیلهجکیدن خواطرلنگنلر. ایکی باله آنهسی بولمیش ۳۱ یاشر اوقیتوچی، آهو زاهدنینگ ایتیشیچه، نیچه پیتدن بویان تشویش سبب کیچهلر اوخله آلمهیدی. اونینگ ایتیشیچه، اوز قیزینینگ کیلهجگی توغریسیده تشویش قیلیشگه علاوه، کیلهسی ییل مکتب گه باره آلمهگن قیز اوقووچیلر اوچون هم خواطرلنگن دیر. «یالغیز اوز قیزیمگه توشینمهیمن، بلکیم برچه قیزلر گه توشینهمن. بو موضوع حتا مینی کوزیمدن اویقونی آلگن و کیچهلر اوخله آلمهیمن. قیزیمگه قندهی درس اوقیش زمینهسینی یرهتیشگه توشینهمن. اقتصادی، حیات قیینچیلیکلری و یانیده بالهلر درسی گه توشینهمن که روحی نقطهی نظریدن کوپ ضرر ییتیشتیرگن.»
بیزلرنینگ «ایکس» ترماغی ده هم تعقیب قیلینگ!
قیزلرنینگ سوادی توغریسیده یالغیز آنهلر تشویشده ایمس؛ بلکیم آتهلر هم بو تشوشلرگه شریک دیر. اوشبو تشویشلر بعضا قیین قرارلرگه سبب بولهدی که اولر قیزلرنینگ تعلیمگه دوام بیره آلیشلری اوچون حتا باشقه بیر مملکت گه کیتیشگه قرار آلهدیلر.
اوچ قیز آتهسی بولمیش شمس هلالگه کوره، قیزلرنینگ تعلیمی برنامهسی دوامی اوچون مهاجرت قیلماقچین. «یالغیز اوز قیزلریم اوچون تاثیرلنمهیمن، بلکیم آلتینچی صنف اوقووچیسی بولگن برچه سینگیللریم اوچون هم تاثیرلنهمن. اگر فرزندلریم تحصیللریگه دوام بیره آلمهسهلر، مجبور مملکتنی ترک قیلیب و مهاجرت قیلسک.»
قریب تورت ییلدن بیری، قیزلر آلتینچی صنفدن یوقاری تعلیم آلیش حقیدن محروملر و شونینگدیک ایکی ییلدن کوپراق قیزلر بیلیم یورتگه باریش حقینی هم قولدن بیرگنلر که، بو محرومیت اولرنینگ درس اوقه آلمهی، قالین توقیش و قول صناعتی ایشخانهلریگه باریب ایشلشلریگه سبب بولگن.
