اسپینبولدک تومنی اطلاعات آمری علیمحمد حقملنینگ ایتیشیچه، دیورند چیزیغی ایکی تامانیده اسلام امیرلیگی کوچلری بیلن پاکستان حربیلری آرهسیده، جدی شکلده توقنشوولرنینگ دوامی بار.
اونینگ کوپهیتیریشیچه، اوشبو توقنشوولر بوگون ایرتهلب (۲۳-میزان، چهارشنبه)، ساعت ۰۴:۰۰ ده باشلهنیب و حاضرگچه دوام قیلماقده.
حقملگه کوره، اسلام امیرلیگی کوچلری و پاکستان حربیلری مذکور توقنشووده آغیر و یینگیل قوراللردن فایدهلنماقدهلر.
اسپینبولدک تومنی اطلاعات آمرینینگ اورغولشیچه، پاکستان هجوملری سبب تینچاهالیدن کوپ قطاری اویلرینی ترک قیلیب و تینچراق منطقهلرگه کیتگنلر.
باشقه بیر تاماندن، ایشانچلی منبعلر اسپینبولدک ایشیگینینگ پارلهتیلگنینی تصدیق قیلگنلر. دولت رسمیلری، حاضرگچه بو توغریده هیچ بیر فکر بیلدیرمهگن.
اسپینبولدک افغانستان و پاکستان آرهسیدهگی مهم قتناو یوللردن بولیب و سونگی ییللرده اسلام امیرلیگی کوچلری و پاکستان حربیلری آرهسیدهگی توقنشوولرگه شاهد بولگن.
