بوگون “دوشنبه” افغانستان سوداگرلیک و سرمایه یاتقیزووچی اتاقی، بیر اعلامیه نشر قیلیب قوشنی مملکت‌لر جمله‌دن پاکستان، ایران، اوزبیکستان و ترکمنستاندن افغانستان یشاوچی‌لری زیان کورمسلیگی اوچون اوشبو مملکت بیلن سوداگرلیک رابطه‌لرنی دوام بیریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
اوشبو نهاد نینگ ایتیشیچه، افغانستانده یوز بیرگن سونگی سیاسی واقعه افغانستان نینگ دنیا و قوشنی مملکت‌لر بیلن بولگن سوداگرلیک جریانی‌نی مختل قیلگن.
اعلامیه‌ده ایتیلیشیچه، قوشنی مملکت‌لر بیلن سوداگرلیک رابطه بولمه‌گنی، افغانستان بازارلریده عرضه و تقاضا اوستیگه سلبی تاثیر قویگن و بازارلرده بوتون اجناس‌لر اینیقسه ییگولیک و نفتی ماده‌لر بهاسی یوقاری کیتگن. سوداگرلیک و سرمایه یاتقیزووچی اتاقی نینگ ایتیشیچه، بونده‌ی وضعیت نینگ دوامی سوداگرلر، عرضه قیله‌دیگنلر و مصرف قیله‌دیگن‌لرگه زیان ییتیشتیره‌دی.
سوداگرلیک اتاقی نینگ جاری وضعیتدن خواطر بیلدیریب ایتیشیچه، قیش موسومی ییتیب کیلیشی بیلن ییگولیک و نفتی ماده‌لر ایسته‌گی نینگ کوپه‌یشی ممکن و بانکی قیین‌چیلیکلر سبب، نیاز بولگن ماده‌لرنی عرضه قیلیش زور دیر.
بیزلرنینگ فیسبوک صحیفه‌میزگه باش اورینگ!
سوداگرلیک و سرمایه یاتقیرووچی اتاقی‌گه کوره، افغانستان و قوشنی مملکت آره‌سیده سوداگرلیک و مراودات بولمه‌گنی افغانستان بازارلریده نیاز ماده‌لرنی عرضه قیلیش خصوصیده سلبی تاثیر قویگن و یقین کیله‌جکلرده ییگولیک و نفتی ماده بهاسی نینگ یوقاری کیتیشی ممکن.
