اسلام امیرلیگی ساغلیقنی سقلش وزیرلیگینینگ ساغلیق خذمتلری بوییچه معینی عبدالولی حقانی، قطر گه قیلگن رسمی سفری جریانیده فرانسه ایلچیخانهسی شارژدافیری بیلن اوچرهشیب و افغانستان ساغلیقنی سقلش بولیمیده همکارلیکلر کوچهیشی توغریسیده صحبت قیلگن.
اسلام امیرلیگی سوزلاوچیسی اورینباسری حمدالله فطرتنینگ اعلام قیلیشیچه، افغانستان گه قیتیب کیلگن کیشیلرگه اوچ مینگ ۴۶ نمره ییر ترقهتیلگن.
سوریه اردوسی، حلب شهری شرقیده جایلشگن دیرحافر منطقهسیده کُردلر رهبرلیگیده سوریه دمکراتیک کوچلریگه قرشی کینگ کولمی حربی عملیاتنی باشلهگن.
ییتکرمهلرنینگ معلوماتیگه کوره، ایرانده انترنت بیر هفتهدن بیری بوتونلی اوزیلگن.
جنوبی کوریا سابق جمهور باشلیغی یون سوک یول، میلادی ۲۰۲۴ ییل، دسمبر آییده جاری قیلگن حربی حالت بیلن باغلیق عیبلاولر بوییچه، بیش ییل گه قماق جزاسیگه حکم قیلینگن.
فاریاب ولایتی محلی رسمیلری، اوشبو ولایت قیصار تومنیده راکت اوقی پارتلشی عاقبتیده ایکی باله قربان بولیب و بیر عیال شامل بیر باله یرهلنگنیدن خبر بیردیلر.
ایرانده مردمی ناراضیلیکلر دوام ایتماقده ایکن، اوشبو وضعیت برابریده جهانی مناسبتلر ینگی باسقیچ گه کیرگن. منطقهدهگی کوچلی مملکتلر جملهدن روسیه و چین امریکانینگ ایران گه احتمالی حربی هجوم قیلیشیگه قرشیلیک کورستگن.
اوزبیکستان تشقی ایشلر وزیرلیگی، فلسطین ینگی ایلچیسینی قبول قیلگن. اوزبیکستان ییتکرمهلرینینگ معلوماتیگه کوره، فلسطین دولتی تامانیدن ینگی تعیینلنگن فوقالعاده و مختار ایلچیسی ویل احمد باترکینینگ ایشانچ یارلیقلری نسخهلری بو مملکت تشقی ایشلر وزیرلیگی تامانیدن قبول قیلینگن.
ایرانده ۱۸ کوندن بیری دولت گه قرشی ناراضیلیکلر دوام ایتماقده ایکن، عرب مملکتلری امریکا جمهور باشلیغی دونالد ترامپدن، بو مملکت گه حربی هجوم قیلمسلیکنی سورهگنلر. ییتکرمهلرنینگ معلوماتیگه کوره، ۲۳-جدی/۱۳-جنوری سعودی عربستان، عمان و قطر امریکادن ایران گه حربی هجوم قیلمسلیککه چقیرگنلر.
اوکراین جمهور باشلیغی ولودیمیر زلنسکینینگ اعلام قیلیشیچه، مملکتینینگ بیر قطار بولیملری روسیه آرقهلی راکته و پهپاد بیلن نشانگه آلینگن.
اسلام امیرلیگی تشقی ایشلر وزیری امیرخان متقی، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، سرپرستی جورجت گانیون بیلن اوچرهشیب و دوحه جریانی توغریسیده صحبت قیلگن.
بیرلشگن ملتلر تشکیلاتیده ایران دایمی نمایندهسی امیرسعید ایروانی، ایران گه قرشی امریکا جمهور باشلیغی دونالد ترامپ تهدیدلری آشگنیدن تنقیدلب، بیرلشگن ملتلر تشکیلاتی باش کاتبی، خوفسیزلیک کینگشی و برچه اعضا مملکتلردن، اوشبو بیانات و تهدیدلرنینگ قارهلشلرینی ایستهگن.
ینگی دهلیده اسلام امیرلیگی ایلچیخانهسی سرپرستی نوراحمد نور، هندوستان تشقی ایشلر وزیرلیگیده پاکستان، افغانستان و ایران بولیمی عمومی باشلیغی آنند پراکاش بیلن اوچرهشیب و ایکی تامانلمه موضوعلر توغریسیده صحبت قیلگن.
امریکا تشقی ایشلر وزیرلیگینینگ اعلام قیلیشیچه، دونالد ترامپنینگ جمهورلیک ریاستیگه قیتیشی بیلن، ۱۰۰مینگدن آرتیق ویزا بیکار قیلینگن.
ایران تشقی ایشلر وزیری سیدعباس عراقچینینگ اعلام قیلیشیچه، امریکا ایران گه قرشی حربی حرکتنی «سینب کورگنی» صورتده، تهراننینگ اوروشگه بوتونلی شکلده تیارگرلیگی بار. عراقچی، بو بیاناتنی «الجزیره عرب» بیلن اوتکزگن مخصوص صحبتلریده و امریکا جمهور باشلیغی دونالد ترامپنینگ سونگی تهدیدلری…
مملکت یشاوچیلری، بازارلرده آزیق-آوقت و باشقه نرسهلر نرخی آشیشی و اقتصاد ضعیفلیگی اوچون ساتیب آلالمسلیکدن شکایت قیلماقدهلر. تورلی ولایتلردن بیرقطار یشاوچیلر، سونگی ایکی آی ایچیده اینیقسه یاغ و برنج قیمتی سیزیلرلی درجهده آشیب و ساتیب آلیش گه قورب ییتمسلیگینی ایتهدیلر.
