کوزوو جمهوریتیده آمریکا قوشمه ایالتلری نینگ سابق ایلچیسی فلیپ کازنت نینگ ایتیشیچه، آمریکا حکومتی افغان کوماندولری و حربیلریدن خاص بیر قطعه آمریکا حربیسیده ایجاد قیلیسین؛ چونکه واشنگتن روسیه نینگ اوکراین گه قیلگن هجومیدن کیین، اروپا گه جنگری کوچلری نینگ یوباریش گه نیازی بار.
سابق حکومت عالی محکمه قاضیلریدن قطاری نینگ ایتیشلریچه، بوگون عالی محکمه نینگ کیریش دروازهسی نینگ برابریده، تقدیرسیزلیکلری گه تیگیشلی بیر خبری ییغین نینگ یولگه قوییش اوچون قرار آلگن ایدیلر. بیراق اولر گه کوره، اسلامی امارت عالی محکمه مسئوللری اولرنینگ خبری ییغینلری نی یولگه قویلیشی گه توسیق بولگن.
افغانستان خاتین قیزلری و بشر حقوقی ایشلری بوییچه آمریکا قوشمه ایالتلری نینگ مخصوص نمایندهسی رینا امیری گه کوره، افغانستان برقرارلیگی اوچون خاتین قیزلر نینگ استعدادیدن فایدهلنیش کیرهک.
دنیا بانکی نینگ اعلام قیلیشیچه، افغانستاننی قیته قوریش صندوقی نینگ مالیهوی یاردم بیروچیلری و دنیا جماعهچیلیگی نینگ طلبی اساسیده، مذکور بانک نینگ مدیره هیأتی، افغانستان یشاوچیلرینی قوللب قوتلش وچون کینگهیتیریلگن پالیسینی تصویب قیلگن.
ایکی ییل آلدین افغانستان اسلامی امارت و آمریکا بیرلشمه ایالتلری آرهسیده یولگه قوییلگن اوچرهشوولر نتیجهسیده، دوحه بیتیمی امضالندی. مذکور کیلیشوو ۲۰۲۰_ییل ۲۹_فبروری یا_ده ۱۳۹۸_ییل ۱۰_حوتده قطر پایتختی دوحه ده امضا بولگن ایدی.
کابل و قوشنی ولایتلر قطاریده اسلامی امارت کوچلری آرقلی یولگه قویلگن تازهلش عملیاتی (اویمه اوی تیکشیریش) گه قرشی عکسالعمللر دوامیده، شونینگدیک خلق ارا کیچیریم تشکیلاتی مذکور عملیات نی انسان حقوقی گه قرشی دیب و تیزلیکده توختهتیلیشی نی سورهگن.
ایکی کون آلدین ( یکشنبه، ۸ حوت) اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیحالله مجاهد، کابلده مطبوعاتی ییغینده، «عذری» بولمهگن کیشیلر چیت ایل گه سفر قیله آلمسلیگینی ایتگن ایدی. اونینگ اورغولشیچه، افغانستان نینگ خارج دهگی مهاجرلری تقدیر سیز و قیین احوالده تیریکچیلیک قیلماقدهلر.
اسلامی امارت مهاجرلر وزیرلیگی نینگ مسئوللری، چیت ایل مملکتلری تامانیدن افغانستان فقرالری چیقریلیش جریانیدن تنقید قیلیب ایتیشلریچه، اوشبو اولکهلر چیقیش اوچون افغانستان یشاوچیلرینی ترغیب قیلیب، افغانستان نینگ ایچکی ایشلری گه اره لشهدی.
کانلر و پترولیم وزیرلیگی نینگ سرپرستی شهابالدین دلاور گه کوره، دوحه صلح مذاکرهلری جریانیده، آمریکا قوشمه ایالتلری افغانستان ده پایگاهلر ایجاد ایتیشنی سورهگن ایدی که اسلامی امارت تامانیدن رد بولدی.
بیرلشگن ملتلر تشکیلاتی نینگ خوفسیزلیک کینگشی ایرته (چهارشنبه، ۱۱ حوت)، افغانستان وضعیتی گه دایر ییغین اوتکزیشی کوتیلهدی. بیرلشگن ملتلر تشکیلاتی نینگ افغانستاندهگی اورین باسرلیک هیأت دفتری یا یوناما گه کوره، ایرته خلقارا تشکیلات نینگ خوفسیزلیک کینگشی ییغینیده، افغانستان وضعیتی محاکمه قیلینهدی.
روسیه و اوکراین هیأتلری آره سیده بیرینچی دور صلح مذاکرهلری یکونیدن کیین، مسکو و کییف رسمیلری نینگ اعلامی اساسیده، ایکی تامان هیأتلری کیلهسی نیچه کونگچه ایکینچی دور صلح مذاکرهلری گه تیار بولهدیلر.
دوحه بیتیمی ایکی ییل لیگیگه بیر کون قالگن؛ اوشبو بیتیم ۲۰۲۰-ییل ۹ فبروریده قطرده اسلامی امارت نینگ اوشه زمان سیاسی دفتری نینگ اورین باسری ملا عبدالغنی برادر و آمریکا قوشمه ایالتلری نینگ افغانستان صلحی اوچون سابق مخصوص نمایندهسی زلمی خلیلزاد آرهسیده امضالندی.
بیرلشگن ملتلر تشکیلاتی نینگ امنیتی کینگشی، بوگون روسیه نینگ اوکراین گه قیلگن هجومی حقیده مذکور تشکیلات نینگ عمومی مجمع اضطراری ییغینی نی یولگه قویشی گه قرار آلگن.
اروپا اتفاقی نینگ افغانستان اوچون ایلچیسی وان برانت، اسلامی امارت کوچلری تامانیدن اویمه-اوی تیکشیریلیش عملیاتی گه واکنش کورسهتیب، اوشبو جریان تیزلیک بیلن توختهتیلیشینی سورهگن.
خلقارا مناسبتلر ایشلری بوییچه ایش بیلرمانلردن قطاری نینگ ایشانچی گه کوره، اوکراینده اوروش باشلهنیشی بیلن اوکراینلیک لر نینگ باشقه مملکتلر گه مهاجرتی باشلنگن. خلقارا مناسبتلر ایشلری بوییچه ایش بیلرمان طارق فرهادی نینگ سلام وطندار گه ایتیشیچه، کیلهسی ۳ ییلده قریب ۵ میلیون اوکراینلیک باشقه مملکتلر گه آواره بولیشلری کوتیلهدی.
مملکت نینگ ساووق حدودلریده دولت بیلیم یورتلری نینگ درسلری باشلهنیشیدن بیر کوندن کیین، قطار طلبهلر اوشبو بیلیم یورتلرده مسلکی استادلر آزلیگیدن خواطر بیلدیریب ایتیشلریچه، بیرقطار اوقیتووچی علمی کدرلر جاینی تولدیریش مقصدیده قراردادی شکلده عالی تحصیلاتده استخدام بولگنلر. اولر گه کوره، ینگی استادلر سابق استادلر گه نسبتن، کمراق تجربه و معلومات گه ایگه دیر.
