پاکستان عالی محکمهسی اوشبو مملکت پارلمانی لغو بولیشینی ناقانونی دیب و اونی قیتهدن احیا قیلگن. مذکور محکمه عمرانخان گه ایشانچ آواز بیرمسلیک طرحینی هم قانون گه قرشی اعلام قیلگن.
بامیاندهگی محلی منبعلر کیملیکلری سِر قالیش شرطی بیلن سلاموطندار گه ایتیشلریچه، اسلامی امارت استخبارات کوچلری اوشبو هفته شنبه کوندن بویان ۱۱ عیالنی «اسلامی امارت تیزیمیدن» حمایت ایتیش برنامهنی برهم اوریش عیبی بیلن قولگه آلیب و تیرگاو قیلماقدهلر.
سرپل معلومات و مدنیت باشلیغی فخرالدین عمیر سرپلی نینگ سلاموطندار گه ایتیشیچه، اسلامی امارت باش وزیری نینگ بیرینچی اورین باسری ملا عبدالغنی برادر، بوگون بیر هیأت ییتکچیلیگیده اوشبو ولایت سفر قیلگن ایدی، قشقری نفت کانینی افتتاح قیلدی.
بوگون پنجشنبه کابلده مطبوعاتی ییغینده اشتراک ایتگن دین عالملریدن قطاری، قیزلر نینگ اورته و لیسه مکتبلری یاپیق قالیشی خصوصیده ایتیشلریچه، بو ایش اسلام پیکری گه اینگ بویوک زیان دیر.
خبرچیلر مصئونیت کمیتهسی اوشبو کمیته نینگ غور ولایتیدهگی همکاری غلام ربانی هدفمند تیزلیک بیلن اسلامی امارت کوچلری تامانیدن آزاد ایتیلیشینی سورهیدی.
قندهارده محلی منبعلر نینگ ایتیشلریچه، بیر باله نینگ جسدی اوشبو ولایت نینگ مرکزی ۷-حوزهگه قرهشلی حدودلردن محل یشاوچیلری تامانیدن تاپیلگن.
خلقارا خبرچیلر فدراسیونی ایچکی بیر رسانهی نهاد اویغونلیگی بیلن بیر نظر سورهشده معلوم قیلگنلر ا.ا تامانیدن خلقارا رسانهلرنینگ نشراتی توختهتیلگنی افغانستانده مطبوعات ایرکینلیگی و معلوماتگه قول تاپیش گه کوپینچه ضرر ییتکیزگن.
افغانستانده بیرلشگن ملتلر تشکیلاتی باش کاتبی مخصوص نمایندهسی نینگ اورین باسری مته نودسن نینگ ایتیشیچه، افغانستانده اسلامی امارت قدرت گه ایریشگنیدن بویان، حاضرگچه حکومت نینگ تقدیری نامعلوم دیر.
اسلامی امارت معلومات و مدنیت وزیرلیگی نینگ مسئوللری گه کوره، اترا ادارهسی نیچه ییلدن بویان مالیه توللمهی، جواز آلمهگن و فرکانس مالیهلرینی توللمهگن میدیالرنی یاپیش اوچون ایچکی ایشلر وزیرلیگیگه مکتوب یوبارگن.
بوگون ۴، اپریل ماین خطرلری حقیده آگاهلیک بیریش خلقارا کونیدن کابلده نشانلندی. مملکتده ماین تازهلش نهادلری مسئوللری نینگ ایتیشلریچه، افغانستان ماین قربانلری نینگ آماری یوقاری بولگن مملکتلر قطاریدن دیر و مملکتده آییده ۱۴۰ الی ۱۵۰ کیشی ماین قربانی بولهدی.
قندوز ولایتی ساغلیقنی سقلش مسئوللری نینگ ایتیشلریچه، اوتگن بیر آیده قیزهمیققه چلینگن کسللردن ۱۷ تهسی جان بیرگن. اوشبو ولایت ساغلیقنی سقلش ریاستی نینگ مسئولی نجیبالله ساحل نینگ ایتیشیچه، اوشبو مدت ایچیده بو ویروسگه چلینگن کسللردن ۹ یوز ۱۵ کیشی ساغهیگن دیر.
جوزجان ولایتی نینگ ایکی تومنی و مرکزیده ۷۰۰ دهقان عیال گه اوی باغچهلری و ایش اسبابلری توزیع بولدی. جوزجانده اکتید دفتری باشلیغی امانالله امین نینگ ایتیشیچه، عایلهلرینی سرپرستلیک قیلهدیگن دهقان عیاللرنی قوللب قوتلش و اولر نینگ اقتصادیاتینی کوچهیتیریش مقصدیده، بو پروژهنی یولگه قویگنلر.
بیرلشگن ملتلر تشکیلاتی نینگ باشپناه ایزولاوچیلر ایشلری بوییچه عالی کمیشنری (UNHCR)، افغانستانده بالهلر و عیاللر وضعیتیدن خواطر بیلدیریب ایتیشیچه، اولر اوشبو مملکتده کوپراق انسانی فاجعه بیلن روپهرو دیر.
گزارشلرگه اساس آمریکا کوچلری اوتگن یازدن، حاضرگچه افغانستانده عصیانچی گروهلرگه قرشی هجوم اویویشتیرمهگن، اوشبو مملکت مقاملری نینگ تأکید قیلیشلریچه، لوژستیکی قیینچیلیکلر موجود بولسه هم اوزاق یولدن تهدیدلرنی کوزهتیش و آلدینی آلیش قابلیتیگه ایگه میز
قندهارده سوداگرلردن بیرقطاری نینگ ایتیشلریچه، سپینبولدک قتناو یولیده قیینچیلیک کوپهیشی باعث، اوشبو یولده تجارت ۵۰ فایز کمهیگن. اولر گه کوره، سپینبولدک قتناو یولیده سوداگرلردن سالیق آلیشگه علاوه، ایریم بهانهلر بیلن اولردن پول آلینهدی و یوک تاشووچی موترلر اوچون ترانسپورت ریاستی تامانیدن شماره ایجاد بولگن و هر موتر نوبتیده سوداگرلر مالینی یوکلشگه مجبور دیر.
پاکستان باش وزیری و سیاسی حزبلر آرهسیدهگی تارتیشوودن کیین، عمرانخان باش وزیرلیک سمتیدن برطرف و اوشبو مملکت پارلمانی منحل بولدی و کیلهسی اوچ آیگچه سیلاو اوتکزیلیب و پاکستانده ینگی حکومت شکللنیشی کوتیلهدی.
