افغانستان ده تورکیه معارف جمغرمهسی، مملکت بویلب سکیز ولایت ده ۴۵ مکتب ده ییتتی مینگ قیز و اوغیل اوقووچیلر گه تعلیم ساحهسیده خذمت قیلیب کیلماقده. مذکور جمغرمه بوگون (پنجشنبه، ۳۰ سنبله)، مطبوعاتی ییغیلیش ده، اسلام امیرلیگی رسمیلریدن آلتینچی صنف دن یوقاری قیز اوقووچیلر یوزی گه مکتبلر ایشیگی آچیلیشینی سورهگن.
«آنلاین منزل» تکسی خذمتلری مسئوللری نینگ سلاموطندار گه ایتیشلریچه، کابل ده فعالیتلرینی باشلهگنلریدن بیر آی اوتماقده و کابل شهری نینگ تورت یوللری ده ۴ و ۵ ته تکسی، یولاوچیلرنی انتقال بیریش اوچون فعالیت قیلماقدهلر.
امریکا قوشمه ایالتلری نینگ نیویارک شهری ده بیرلشگن ملتلر تشکیلاتی نینگ ۷۸-عمومی ییغیلیشی بیرینچی کونیده، مذکور تشکیلات باش کاتبی و قوشنی همده منطقه اولکهلردن بیرقطاری، افغانستان ده انسان حقلری، سیاسی و اجتماعی وضعیت دن خواطر بیلدیریب، دنیا همجمعیت دن افغانستان دهگی وضعیت حلی اوچون دقت قیلیشلرینی سورهگنلر.
بیرلشگن ملتلر تشکیلاتی نینگ باش کاتبی آنتونیو گوترش، سهشنبه کونی، ۲۸ سنبله، امریکا قوشمه ایالتلری نینگ نیویارک شهری ده مذکور تشکیلات نینگ عمومی ییغیلیشی ده، افغانستان خلقی نینگ ۷۰ فایزی انسان پرورلیک یاردملر گه محتاجلیگینی ایتگن.
افغانستان مرکزی بانکی، بوگون اوز تویتری ده، مملکت بازارلریده افغانی پول نرخینی ثابت سقلش مقصدیده شنبه کونی، ۱ میزان، ۱۴ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
بلخ معارف ریاستی مسئوللری، اوشبو ولایت نینگ نهرشاهی تومنیده ۱۲۰مینگ دالرلیک بیر مکتب قوریلیب و فایدهلنیشگه تاپشیریلگنیدن خبر بیرگنلر.
اسلام امیرلیگی باش وزیرلیگی نینگ دفتری عمومی باشلیغی، بیر هیئت ییتکچیلیگ ده سرپل ولایتی گه ایش سفری دایرهسیده، اوشبو ولایت نینگ قشقری نفت کانینی یقیندن باریب کوزهتگن.
بلخ ولایتی ساغلیقنی سقلش ریاستی مسئوللری نینگ ایتیشلریچه، اوشبو ولایت نینگ دولتآباد تومنی یشاوچیلری نینگ طلبی بیلن، مذکور تومنده ساغلیک بیر مرکز نینگ تمل تاشی قوییلگن.
اسلام امیرلیگی عالی محکمه باشلیغی عبدالحکیم حقانی، دوشنبه کونی، ۲۷ سنبله، ایکس ترماغی ده، اسلام امیرلیگی اساسی قانونی ترتیب بیریلهیاتگنینی معلوم قیلگن.
اسلام امیرلیگی سوزلاوچیسی ذبیحالله مجاهد، امریکا قوشمه ایالتلری نینگ نیویارک شهری ده بیرلشگن ملتلر تشکیلاتی نینگ ۷۸- عمومی ییغیلیشی بوگون (سهشنبه، ۲۸ سنبله)، یولگه قوییلیشی گه مناسبت بیلدیریب ایتیشیچه، اوشبو ییغیلیش ده افغانستان وضعیتی بحث گه آلینیشی اوچون افغانستان دن نماینده بولیشی کیرهک.
غزنی ولایتی محلی مسئوللری نینگ ایتیشلریچه، اوشبو ولایت ده بیر میلیون دالرلیک ایکی ساووقخانه قورهدیلر.
افغانستان ده بیرلشگن ملتلر تشکیلاتی نینگ اورین باسرلیک هیئت دفتری (یوناما)، دوشنبه کونی، ۲۷ سنبله، اوز تویتری ده، افغانستان ده مذکور تشکیلات باش کاتبی نینگ مخصوص نمایندهسی، اسلام امیرلیگی سرپرستی بیلن اوچرهشگنیدن خبر بیرگن.
کابل شهری مملکت نینگ گوجوم شهرلریدن بیری سنلهدی و اوشبو شهر ده ترافیکی چراغلر آزلیگی هردایم ترافیکی حادثهلر کوپهیش عامللریدن عنوان قیلینهدی.
ینگیلیکده، خلقارا آزیق_آوقات دستوری، اولر اوچون بودجه اجرهتیلیب و یوباریلمهگن تقدیرده، کیلهسی آی ده افغانستان ده فعالیتینی بوتونلی توختهتیشیدن آگاهلنتیرگن.
پروان ولایتی سیاهگرد تومنی اولسوالی غلاممحمد جراح اوشبو خبر نی تصدیقلب سلام وطندار گه ایتیشیچه، یکشنبه کیچه، ۲۶ سنبله، اوشبو ولایت نینگ قول خول تومنی «زیبخشی» منطقهسیده، «میمونه» اسملی ۱۶یاشر بیر قیز اوزینی آتیب اولدیرگن.
تورکیه میدیالری نینگ معلوماتی اساسیده، یکشنبه کونی، ۲۶ سنبله/۱۷ سپتمبر، اوشبو مملکت جمهور باشلیغی ایلان ماسک بیلن اوچرهشگن.
