تورکیه ییتکرمهلری، بوگون (۱۶ اسد/۷ آگست، جمعه) سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف قوشمه مدافعه کیلیشوونی امضالهگنلریدن خبر بیردی.
آنادولو ییتکرمهسیگه کوره، تورکیه، سعودی عربستان و پاکستان بوگون (۱۶ اسد/۷ آگست، جمعه) اوچ تامانلمه مدافعه اتفاقینی توزهدیلر. معلوماتلر اساسیده، اوشبو اوچ مملکت اورتهسیده مدافعه اتفاقی سعودی عربستاننینگ جده شهریده امضالنهدی.
افغانستانلیک شاعر، یازووچی و خطاط تاجمحمد ایلیسیورنینگ قلمی گه منسوب خطاطلیک اثرلر، ایران پایتختی تهران شهریده اوتکزیلدی. بو کورگزمه، ۱۵ اسد/۶ آگست، پنجشنبه کونی ایریم یاش فعاللر و مدنیت سیورلرنینگ اشتراکی بیلن اوتکزیلگن.
تایلند پایتختی بانکوک شمالغربی، کروای بانگی حدودیده جایلشگن مدرسهده قوراللی هجوم عاقبتیده ۶ کیشی هلاک بولگن و ینه ۱۵ کیشی یرهلنگن.
تورکیه جمهور باشلیغی رجب طیب اردوغان، بیر کونلیک ایش سفری اوچون سعودی عربستان گه بارهدی. تورکیه آنادولو ییتکرمهسیگه کوره، اردوغان بوگون (۱۶ اسد/۷ آگست، جمعه) سفر قیلیب سعودی عربستان ولیعهدی و باش وزیری شاهزاده محمد بن سلمان همده پاکستان باش وزیری شهباز شریف بیلن اوچرهشهدی.
حوثیلرنینگ، یمن دولت حربی کوچلری مرکزیگه راکته و دران هجوملری عاقبتیده کمیده ۳۸ عسکر اولیب و ۲۹ عسکر ایسه یرهلنگن.
افغانستان فوتسال ملی تیرمه جماعهسی، میلادی ۲۰۲۶-ییل کانتیننتال خلقارا فوتسال تورنمنتیده سونگی اویینیده، آغیر نتیجه بیلن نیوزیلند گه غلبه قازاندی.
سرپل ولایتیدهگی ایریم عیاللر اقتصادی قیینچیلیکلر و بعضی عایلهوی معمالر سببلی وقتیده طبی مرکزلر گه مراجعت قیله آلمهگنلرینی ایتهدیلر. جمعیت و ساغلیق بیلرمانلرینینگ تأکیدلشیچه، برچه عایله اعضالرینینگ سلامتلیگیگه دقت قیلیش و وقتیده دوالش، کسللیک ترقهلیشینی آلدینی آلیب و عایله سلامتلیگینی سقلش گه یاردم بیرهدی.
کابل ده تخنیکی و مسلکی تعلیملر ادارهسی مسئوللرینینگ ایتیشلریچه، بوگون (۱۵-اسد، پنجشنبه)، ۳۰۰ دن آرتیق طلبه قیته تیکلش انرژی منبعلری، الکتروتخنیک، ترماق و دیتابیس، برق مهندسی، موترنینگ برق سیستمی، الترونیک همده دیجیتال بولیملریده ایکی ییللیک بیر دورهنی بیتیریشدن کیین، افغان تکنولوژی انستیتوتیدن فارغ بولگنلر.
افغانستان انرژی تأمینلش اوچون باشقه وقتلر گه نسبتن حاضر ایچکی منبعلر گه کوپراق احتیاجی بار ایکن، جوزجان گاز کانلریدن هر کونی دییرلی ۶۵۰ مینگ مترمکعب طبیعی گاز قازیب آلینماقده، بو گاز مملکت برقی، کیمیاوی کود و انرژی احتیاجلریدن بیر بولیمینی تأمینلهیدی. مسئوللرنینگ ایتیشلریچه، یشش محیط و فنی ستندردلرنی رعایت قیلیش بیلن بو منبع قازیب چیقریلیشی عملگه آشیریلهدی؛ لیکن ایش بیلرمانلرنینگ آگاهلنتیریشیچه، افلاسلنتیرووچی عامللر، توپراق و سوو منبعلریگه دقیق نظارت بولمسدن بو فعالیت دوامی، یشش محیط اوچون جدی عاقبتلرگه سبب بولهدی.
ییتکرمهلرنینگ معلوماتیگه کوره، ۱۳ اسد/۴ آگست کونی خلق دیموکراتیک حزبینینگ محلی بولیمی تامانیدن اعلان قیلینگن صورتلرده رسمیلر ساچ، بویین و ییلکهنی یاپیب تورهدیگن مسلمان رومالینی تاققن عیاللر و قیزلر بیلن صحبتلشهیاتگنی، اولر یانیده ایسه پولیس خادمی تورگنینی کوریش ممکن.
خلقارا ییتکرمهلرنینگ معلوماتیگه کوره، تایلندلیک فوتبالچی اویین وقتیده چقماق اوریشی عاقبتیده هلاک بولدی و ینه ۱۲ کیشی یرهلندی. واقعه ۱۳ اسد/۴ آگست، سهشنبه کونی سونگای کولوک شهری سانتیپاپ کلوبیده یوز بیرگن.
اسرائیل اردوسی لبنان جنوبیده عسکرلرینینگ اولیب و یرهلنگنیگه جواب، بو مملکتنینگ بیر قطار بولیملریگه هجوملرینی باشلهب و اونینگ نتیجهسیده بیر کیشی اولیب و باشقه ۱۲ کیشی یرهلنگن. الجزیرهنینگ بوگون لبنان ساغلیقنی سقلش وزیرلیگیدن نقل قیلیب گزارش بیریشیچه…
امریکا جمهور باشلیغی اورینباسری جیدی ونس ایتیشیچه، ایران بیلن مذاکرهلر قیین بولسهده، لیکن بو جریان یکونی امریکا یشاوچیلری منفعتیگه بولهدی.
غزه ساغلیقنی سقلش وزیرلیگینینگ اعلام قیلیشیچه، سونگی ۲۴ ساعت ایچیده نوار غزه گه قرشی اسرائیل هجوملری نتیجهسیده، فلسطینلیک ایکی کیشی اولیب و باشقه بیر کیشی یرهلنگن.
افغانستان فوتسال ملی تیرمه جماعهسی، میلادی ۲۰۲۶-ییل کانتیننتال خلقارا فوتسال تورنمنتی اوچینچی اویینیده روسیه بیلن مساوی گه تن بیردی.
