افغانستان مرکزی بانک نینگ ینگی لایحهسی اساسیده، صرافلر تجارتی جواز اوچون ۵ میلیون افغانی و صرافلیک شرکت اوچون ۵۰ میلیون افغانی، کفالت صفتیده مذکور بانککه توللشلری کیرهک. صرافلر نینگ ایتیشلریچه، کابل و ولایتلردهگی برچه صرافلر، بو مقدار پولنی توللـهی آلمهیدیلر.
غربی ولایتلرده قشاقلیک باعث، تعلیم نی ترک قیلیب و ایشچیلیککه یوز کیترگن بالهلر نینگ ایتیشلریچه، عایلهلری نینگ نفقهسی نی تامینلش اوچون، قیین و آغیر ایشلر نی تحمل قیلهدیلر.
رویترز آژانسی آگاه ایکی منبعدن نقل قیلیب گزارش بیریشیچه، دنیا بانکی ساغلیق، ایکینچیلیک و حیات نینگ بیرینچی نیازلری بولگن اوچ پروژهنی قیتهدن باشلهگن، بیراق تعلیم لایحهلری اوچون ۱۵۰ میلیون دالرگه یقین مبلغنی سقلهیدی.
مملکتده سونگی اوزگریشلر و اسلامی امارت نینگ قدرت گه ایریشگنیدن کیین، عیاللردن کوپ قطاری ایشلری نی قولدن بیردیلر که عایلهلری نینگ یالغیز نان کیلتیرووچیسی بولگن عیاللر، انه شوو سبب کوپینچه اقتصادی قیینچیلیک بیلن روپهرو بولگنلر.
قندهار صنعتچیلر مسئوللری نینگ ایتیشلریچه، اوشبو ولایت نینگ صنعتیپارک کارخانهلریدن اکثریتی، برقسیزلیک باعث یاپیلگن و نتیجهده مینگلب کیشی ایشسیز قالگن.
دنیا بانکی نینگ اعلام قیلیشیچه، افغانستان نینگ ایچکی ناخالص تولیدی میلادی جاری ییل نینگ یکونیگچه۳۰ فایز کمهیشی ممکن. اوشبو بانککه کوره، ۲۰۲۱-ییل نینگ سونگی آییلریده افغانستان درآمدی اوچ فایزدن بیر فایز کمهیگن و حاضرگی شرایطده اونی تیکلش قیین دیر.
افغانستان مرکزی بانکی نینگ اعلامی اساسیده، مالی و بانکی سکتور نینگ استراتیژیک قیته قوریش پلانی و امکانیتلرنی نظرگه آلیش بیلن، دولت و خصوصی ادارهلر ایشچیلری نینگ معاشلریگه بولگن چیکلاو لغو بولگن.
افغانستان تیمیر یولی اداره مسئوللریدن بولمیش انجنیر میرویس نینگ سلاموطندار گه ایتیشیچه، یقینده افغانستان، پاکستان و اوزبیکستان رسمیلری آرهسیده اوچ تامانلمه ییغین اوتکزیلیشی کوتیلهدی و بو ییغینده اورته آسیانی افغانستان آرقهلی جنوبی آسیا گه باغلش کریدور بحث گه آلینیشی ممکن.
ننگرهارده «شرق لبنیاتی/ ختیځ لبنیات» ایشخانه مسئوللری نینگ ایتیشلریچه، کونیده ۳۰۰۰ کیلوگرام سوت و تورلی خیل لبنیات ایشلب چیقارهدیلر که ننگرهار گه علاوه، مملکت نینگ باشقه منطقهلری گه یوباریلهدی.
باش پناه ایزلاوچیلر بوییچه بیرلشگن ملتلر تشکیلاتی نینگ عالی کمیشنری، افغانستان فاجعهسی نینگ یمانلنگنی خصوصیده خواطر بیلدیریب ایتگن که، اوشبو مملکت نظیری کوریلمهگن درجهده توییب آوقاتلنمسلیک و ییمک ناتینچلیگی بیلن روپهرو دیر.
قرهقل تیریسی بیر تیپ قوزی نینگ تیریسی دیر. قوزی نینگ توغیلیشی بیلن ذبح بولیب و تیریسی اوشبو صنعت اوچون آلینهدی. قرهقل تیریسی افغانستانده مملکتدن تشقی گه صادر بولیش و قرهقل کلاه توزهتیش اوچون قوللنیلهدی و اوشبو صنعت اوتمیشلرده افغانستان نینگ اینگ بویوک درآمد منبعلردن بیری ایدی؛ بیراق حاضر ایسه مملکتده قرهقل صنعتی تنزل گه یوزتوتتگن.
هرات ولایتی عیاللر صنعت و سوداگرلیک اتاقی مسئوللری نینگ ایتیشلریچه، اولر، بیرقطار مملکتلر، سوداگرلر و اسلامی امارت نینگ آرقهداشلیگی بیلن اوشبو ولایت عیاللر صنعت و سوداگرلیک اتاقینی قیتهدن فعال قیلگنلر.
افغانستان برق ییتکزیش شرکتی یا-ده برشنا، اوتگن کیچه بیر خبرنامه آرقلی هراتده سلما توغانی نینگ اوچینچی توربینی قیته فعال بولگنیدن خبر بیریب و ایتگن که، اوشبو توغان نینگ برق تولیدی نارمل حالتیگه قیتگن. برشنا شرکتی نینگ کوپهیتیریشیچه، اوشبو شرکت نینگ تخنیک ایشلاوچیلری، سلما توغانی نینگ اوچینچی توربینی نی توزهتیب و قیته برق شبکهسی گه شامل قیلگنلر.
باختر دولت آژانسی نینگ گزارشی اساسیده، اسلامی امارت کانلر و پترولیم وزیرلیگی، هرات ولایتی غوریان تومنیده تیمر کانی و غور ولایتی تولک تومنیده سُرب کانینی قازیب چیقریشنی قرارداد گه بیرهدی. باش وزیر بیرینچی اورین باسری ملا عبدالغنی برادر ییتکچیلیگیده، اسلامی امارت اقتصادی کمیسیونی، مذکور ایکی کان نینگ قازیب چیقریش رخصتینی صادر قیلگن.
افغانستان مرکزی بانکی بوگون بیر خبرنامه ترقهتیب ایتیشیچه، افغانی پول برابریده دالر نرخینی پس توشیریش اوچون ۱۳ میلیون دالرنی لیلام شکلده ساتهدی. مذکور بانک نینگ خبرنامهسی اساسیده، اوشبو مقدار پول نینگ داوطلبلیگی ایرته (یکشنبه، ۲۱ حمل) یولگه قوییلیشی کوتیلهدی.
اروپا، فرانسه، آلمان، ایتالیا، ناروی، بریتانیا و آمریکا بیرلشمه ایالتلری نینگ خاص نمایندهلری اوتگن کون (جمعه، ۱۹-حمل) قوشمه بیر اعلامیهده ایتگنلر که، بوندن کیین اولر نینگ یاردملری اسلامی امارت نینگ رفتاری گه باغلیق دیر.
