افغانستان برق ییتکزیش شرکت (برشنا) و عزیزی گروپ کمپنیهسی، افغانستانده قویاش و تاش کومیردن ۸۴۵ میگاوات کوچیگه ایگه برق ایشلب چیقریش شرطنامهسینی امضالهدی. اوشبو شرطنامه، بوگون (۲۲ دلو/۱۱ فبروری، چهارشنبه) کابلده اسلام امیرلیگی باش وزیرینینگ اقتصادی اورین باسری ملا عبدالغنی برادر و عزیزی گروپ کمپنیهسی عمومی باشلیغی میرویس عزیزی اشتراکی بیلن امضالندی.
اسلام امیرلیگی باش وزیرینینگ اقتصادی اورین باسرلیگی، ایرته (۲۲ دلو/ ۱۱ فبروری، چهارشنبه) «قویاش و تاش کومیر»دن ۸۴۵ میگاوات کوچیگه ایگه برق ایشلب چیقریش شرطنامه امضالنیشیدن خبر بیردی.
بامیانده قهرتان قیش باشلنیشی بیلن، غارده یشاوچی عایلهلر، قشاقلیک، ایشسیزلیک و برقرار درآمدلری یوقلیگی سببلی، یشش جایلرینی ایسیتیش اوچون یاقیلغی ماده ساتیب آلیشگه قوربلری ییتمهیدی، بو احوال بالهلری، عیاللری و کسل بولگن کیشیلرنی جدی خوف بیلن دوچ قیلگن.
فاریاب ولایتی المار تومنی یشاوچیسی حمیرا ایوبی، میمنه شهریگه کیلگچ آز امکانیت بیلن «کیبابو» تیکوچیلیک ایشخانهسینی آچدی؛ بو ایشخانه حاضر نهفقط اوزی اوچون درآمد منبع، بلکی مستقل بولیشگه بیل باغلهگن قیزلر اوچون هم امید دیرهزهسیگه ایلنگن. مملکت مقیاسیده عیاللرنینگ ایشلشی منع قیلینگنیدن کیین، حمیرا اوزی و عایله اعضالرینینگ احتیاجلرینی تأمینلب، هم اوزی و هم باشقهلر اوچون درآمد منبع یرهتیشگه قرار قیلدی.
افغانستان مرکزی بانکی، مملکت غرب حدودلریدن ییغیلگن ۵۳۷ میلیون ۷۴۷ مینگ افغانی ایسکیرگن پول آلاو بیریلگنینی معلوم قیلدی. اوشبو بانک، ۱۹ دلو / ۸ فبروری، یکشنبه کونی بیر بیانیه ترقهتیب، اوشبو مقدار پول هرات ولایتیده هیئتلر اشتراکی بیلن آلاو بیریلگنینی بیلدیردی. افغانستان مرکزی بانکی، آلاو بیریلگن بو مقدار پول ۱، ۲، ۵، ۱۰، ۲۰، ۵۰، ۱۰۰، ۵۰۰ و ۱۰۰۰ افغانیدن عبارت ایکنلیگینی قوشیمچه قیلگن.
بیرلشگن ملتلر تشکیلاتینینگ آزیق-آوقت و ایکینچیلیک دستوریگه کوره، افغانستان سویابین ییتیشتیریش بولیمیده یوقاری امکانیتگه ایگه بولیب و بو محصول، اوشبو مملکتنینگ اقتصادی رواجلنیشی، آزیق-آوقت خوفسیزلیگی تامینلنیشی و آزیقلنیشنینگ یخشیلنیشیده مهم رول اوینهشی ممکن.
اسلام امیرلیگی باش وزیرینینگ اقتصادی اورین باسرلیگی، افغانستانده چیت ایللیک سرمایه کیریتوچیلر گه بیر دن ۱۰ ییلگچه یشش ایزینی بیریلیشینی بیلدیردی. اوشبو اداره، ۱۸ دلو / ۷ فبروری، شنبه کونی ایکس صحیفهسیده بیر بیانیه ترقهتیب، اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده، اوتگن کونگی اقتصادی کمیسیون ییغیلیشیده بوندهی قرار قبول قیلینگنینی بیلدیردی.
بیرلشگن ملتلر تشکیلاتی ترقیاتی دستورینینگ ایتیشیچه، اوتگن ایکی ییلده افغانستان ده یاردم بیرووچی تشکیلاتلر بودجهسینینگ ۵۰ فایزی، ترقیاتی بولیملرده صرفلنگن.
اسلام امیرلیگی ساغلیقنی سقلش وزیرلیگی، اوشبو وزیرلیکنینگ دارو-درمان و ساغلیق محصوللرینی ترتیبگه سالیش بوییچه عمومی باشلیغی نعیمالله ایوبی ییتکچیلیگیده بیر هیئتنینگ رسمی بیر سفرده تورکیه گه کیتگنینی معلوم قیلگن.
اوزبیکستان جمهور باشلیغی شوکت میرضیایف، پاکستان گه قیلگن سفری دایرهسیده بو مملکت عملدارلری بیلن تورلی ساحهلر اینیقسه بویوک بابریلر سُلالهسینینگ علمی-معرفی، مدنی و معماری میراثینی اسرهش، اورگهنیش همده کینگ ترغیب قیلیش توغریسیده بیتیم امضالهدی.
اسلام امیرلیگی ایکینچیلیک، سووغاریش و چاروهچیلیک وزیرلیگی، قویاش ۱۴۰۴ ییل دوامیده، مملکت مقیاسیده ۱۵۸ مینگ ۲۰۵ متریک تُن «پخته» ییتیشتیریلگنینی بیلدیردی.
حقوقشناسلر گه کوره، فقه قاعدهسی «الضرر یزال» اساسیده، هر قندهی کمسیتیش تقیقلنهدی؛ بیراق ایریم وظیفهسی بولگن عیاللر سلاموطندار بیلن صحبتده، ایش جاییده کمسیتیش گه دوچ کیلهیاتگنینی ایتسهلرده، باشقهلری ایسه ایش جاییدهگی کمسیتیش سببلی مجبوراً اوز ایشلرینی ترک ایتگنینی بیلدیرهدی.
بو نتیجهلر مملکتنینگ ۱۰ ولایتیدن نادولت تشکیلاتلریده ایشلهیاتگن ۲۵ نفر یاش (۱۴ عیال و ۱۱ ایرکک) بیلن اوتکزیلگن صحبتلر اساسیده آلینگن. صحبت قیلگنلرنینگ برچهسی شرطنامه اساسیده ایشلهیدی و اولرنینگ هیچ بیری اوزینی حاضرگی ایش اورنیده برقرار و کفالتلنگن دیب بیلمهیدی.
بیرلشگن عرب امیرلیگینینگ دوبی شهریده سیاحلر و زرگرلیک ساحهسی وکیللری اوچون طلا بیلن قاپلنگن دنیادهگی ایلک کوچهنی برپا ایتیش ریجهسی محاکمه قیلینگن.
اسلام امیرلیگی باش وزیرینینگ اقتصادی اورین باسری ملا عبدالغنی برادر و تورکمنستان باش وزیری اورین باسری و تشقی ایشلر وزیری رشید مرادوف، تاپی لایحهسی، تیمیر یول و برق مسئلهلری حقیده بحث ایتدی. اسلام امیرلیگی سوزلاوچیسی اورین باسری حمدالله فطرت، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب، تامانلر هرات گه اوچرهشگنلرینی بیلدیردی.
اسلام امیرلیگی باش وزیرینینگ اقتصادی اورین باسری ملا عبدالغنی برادر، تورکمنستان تشقی ایشلر وزیری و بو مملکت باش وزیری اورین باسری رشید مرادوف بیلن ملاقات قیلیش اوچون هرات گه بارهدی. اسلام امیرلیگی باش وزیرینینگ اقتصادی اورین باسرلیگی، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب بو حقده خبر بیردی.
