اسلام امیرلیگی ساغلیق‌نی سقلش وزیرلیگی، اوشبو وزیرلیک‌نینگ دارو-درمان و ساغلیق محصوللرینی ترتیب‌گه سالیش بوییچه عمومی باشلیغی نعیم‌الله ایوبی ییتکچیلیگی‌ده بیر هیئت‌نینگ رسمی بیر سفرده تورکیه گه کیتگنی‌نی معلوم قیلگن.
ساغلیق‌نی سقلش وزیرلیگی‌نینگ بوگون (۱۸-دلو/ ۷-فبروری، شنبه)، بیر بیانیه آرقه‌لی یازیشیچه، مذکور تخنیکی هیئت سفری جریانیده تورکیه‌نینگ دارو اداره‌سی مسئوللری بیلن اوچره‌شیب، دارو-درمان و ساغلیق محصوللرینی ترتیب‌گه سالیش بوییچه تیگیشلی موضوعلر حقیده صحبت قیله‌‌دی.
اوشبو سفردن مقصد، اوزاق مدت و آز مدت‌ده افغانستان‌گه مناسب قیمت و صفتلی دارولر‌نینگ تامین‌لنیشی اوچون، ایکی مملکت آره‌سیده دارو وارد بولیشی و ایشلب چیقریلیشی بولیمی‌ده هماهنگ‌لیکلر مستحکم‌لنیشی عنوان بولگن.
شونینگدیک بو هیئت اعضاسی، تورکیه‌نینگ دارو ایشلب چیقرووچی ایش‌خانه‌لرینی کوریب چیقیشی ممکن.
پاکستان دن دارو کیلتیریلیشی توخته‌تیلگنی بیرحالده، اوشبو سعی‌وحرکتلر عمل‌گه آشیریلگن و اسلام امیرلیگی بیر قطار منطقه مملکتلردن اونینگ وارد قیلیب همده ایشلب چیقرووچی ایچکی کارخانه‌لرده دارو تولیدی و صفتی‌نی آشیرماقچین.
