گرچی بو عیاللرنینگ برچهسی امکانیتلر و قوللب-قوتلشنینگ کیسکین ییتمسلیگیدن اذیت چیکهیاتگن بولسهده، اولردن ۱۸ نفری عینن شو اوز-اوزینی اورگهتیش کونیکمهلر آرقهلی هر قنچه کم بولسه هم، برقرار درآمد تاپیشگه موفق بولگن. بو درآمد نهفقط اولرنینگ اقتصادی احوالینی بلکی، روحی سلامتلیگی و اوزیگه بولگن ایشانچینی هم یخشیلهگن.
اوشبو کمیتهنینگ معلوماتلری اساسیده، افغانستان و اوزبیکستان اورتهسیده سودا آلیش-بیریش حجمی ۲۰۲۴ ییلده قریب ۱.۱ میلیارد دالر بولگن و بو رقم میلادی ۲۰۲۳ ییلده تخمیناً ۸۶۷.۵ میلیون دالر دییلگن، بو اوزگریش کابل وتاشکینت اقتصادی مناسبتی مستحکملنیشی و کینگهیشیدن درهک بیرهدی.
تورکیه و اوزبیکستان دولت رهبرلری رجب طیب اردوغان و شوکت میرضیایف، بو ایکی مملکت اورتهسیدهگی دوستلیک و همکارلیکلرنی مستحکملش و کینگهیتیریش مقصدیده، تورلی ساحهلرده شرطنامه امضالهدیلر.
اسلام شریعتی عیاللرنینگ اوز درآمدی و مال-ملکی گه مستقل ایگهلیک حقوقینی کفالتلهگن بولسه-ده، بعضی ایشلهیدیگن عیاللر عملده درآمدینی مصرف قیلیش حقوقیگه ایگه ایمسلیگینی ایتیشهدی. اولر تورموش اورتاغی یا کی عایله اعضالری تامانیدن درآمدلرینی تاپشیریش گه مجبورلنهدی؛ بو ایسه حقوقشناسلر و دین عالملرینینگ فکریگه کوره، انیق قانون و اسلام تعلیماتلریگه ضد حسابلنهدی.
ساووقدن یاناقلری کوکریب، تنهسی بیرآز تیترر ایکن، او کیچکینه قوللری بیلن اروهنی تارتماقده. گرچی بیر لحظه قوللرینی آغزیگه یقینلشتیریب ایسیتیشگه محتاج بولسه-ده، مجبوریت اونگه توختشگه امکان بیرمهیدی و بار کوچی بیلن قولیده قالگن یوکنی منزل گه ییتکزیش گه اورینهدی.
سلاموطندارنینگ ۲۸ یاش (۱۴ قیز و ۱۴ اوغیل) بیلن صحبتی شونی کورستهدی کی، بو یاشلر اجتماعی ترماقلرده تیکین شکلده ترقهتیلگن ویدیولردن فایدهلنیب، اوزلرینینگ شخصی، تعلیمی و مهارت کونیکمهلرینی رواجلنتیریش گه اولگورگن.
بیرلشگن ملتلر تشکیلاتینینگ افغانستان اوچون مخصوص صندیغی، تورکیه بو مملکت گه ۵۰۰ مینگ دالر یاردم کورستگنیدن خبر بیردی. اوشبو صندیق، بوگون (۸ دلو/ ۲۸ جنوری، چهارشنبه) ایکس صحیفهسیده بیر بیانیه ترقهتیب بو حقده خبر بیردی. بیرلشگن ملتلر تشکیلاتینینگ افغانستان اوچون مخصوص صندیغی، بو یاردملر مملکت گه قیتگن مهاجرلر و ایچکی آوارهلر اوچون صرفلنیشینی بیلدیرگن.
قوریگن اوسیملیکلرنینگ میدهلنیشی سیسی، داروار دملنهلرنینگ خوشبوی هیدی و یانمه-یان ایشلهیاتگن یاش عیاللرنینگ آرام صحبتلری؛ بو ییر هر کونی یاش عیاللردن قطاری آرقهلی سنتی و اوسیملیک دارولر توزهتیلهدیگن بیر ایشخانه دیر. ایشخانهنینگ فضاسی قوریگن اوسیملیکلر هیدی بیلن تولگن؛ تیگیرمانلر آوازی، دارولر پاکتلنیشی و یاش عیاللرنینگ آرام-آرام صحبت قیلیشی، عادی اقتصادی فعالیتدن هم آرتیق سعیوحرکتنی حکایه قیلهدی.
اسلام امیرلیگی کانلر و پترولیم وزیرلیگی، تاپی لایحهسینینگ افغانستان حدودلریدهگی ایشلری جدل صورتده دوام ایتهیاتگنینی معلوم قیلدی.
سلاموطندارنینگ افغانستان ییتی ولایتیده ۲۳ عیال بیلن صحبتی شونی کورستهدیکی، بو عیاللر کیچیک قرض آلیش آرقهلی اوز ایاقلریده توریش گه حرکت قیلگن، بیراق اولرنینگ آلتی نفری تجربهسی شونی کورستهدی کی، اوشبو قرضلر امکانیت یرهتیش بیلن بیرگه، اقتصادی و روحی باسیملرنی هم کیلتیریب چیقرگن.
اسلام امیرلیگی مالیه وزیرلیگی تامانیدن کیلهسی ۱۷ کون ایچیده پاکستان دن دارو وارد بولیشی توختهتیلیشی معلوم قیلینگنیدن سونگ، ولایتلردهگی دارو ساتووچیلردن قطارینینگ ایتیشیچه، بازارلرده دارولر قیمتی آشگن.
کنر ولایتیده، خودکفالیک سری عیاللرنینگ عملی آدیملری آلینیشی بیلن بیرگه، اولرنینگ اقتصادی جهتدن کوچلش و امکانیتلرنی کینگهیتیریش اوچون ینگی امید ایشیکلری آچیلماقده. مذکور عیاللردن بیری اوشبو ولایت نرنگ تومنی یشاوچیسی بولمیش ۳۵ یاشر زرغونه، اوچ باله آنهسی بولیب و کیچیک بیر سبزهوات ییتیشتیریلهدیگن باغچهنی آچگن.
بیرقطار ایش قیلهیاتگن بالهلر، اقتصادی باسیملر یانیده، سرپرستسیزلیک اولرنی مکتب گه باریش و تعلیمدن محروم قیلگنینی ایتهدی. اوشبو بالهلر، اساسی احتیاجلرینی تأمینلش اوچون قیین ایشلرنی قیلیش گه مجبور، بیراق برچه سعی-حرکتلری بیلن، حیات دستلبکی احتیاجنلرینی تأمینلهی آلمسلیکنی معلوم قیلیشهدی.
سلاموطندارنینگ معلوماتلری شونی کورستهدی کی ایران ثباتسیزلیک، مردمی همایشلر و تشقی اوروش تهدیدی بیلن روپهره ایکن، افغانستانلیک یاشلر بو مملکت گه مهاجرت قیلماقده. بوندن اول هم، اسرائیلنینگ ایران گه هجومیدن سونگ، بو مملکتدهگی افغانستانلیک مهاجرلردن برقطاری جاسوسلیک، حقارت، قییناقلنیش و مجبوری چیقریش بیلن دوچ بولگن ایدی.
«انتیک» دییلگنده، اکثریت آدملر قدیمی، قیمتبها و نایاب همده توزهلیش صفتی و تاریخی اهمیت گه ایگه بولگن بویوملرنی توشونهدی. تنگه، ساعت، ایدیش، تابلو، کتاب یا کی تقینچاق کبی۱۰۰ ییلدن آرتیق یا کی اوندن کم قدامتی بولگن، اصلی بولگن، تاریخی یا کی مدنی اهمیت ایگه بولگن بویوملرنی «انتیک» دییش ممکن.
اسلام امیرلیگی شهیدلر و ناگرانلر وزیرلیگینینگ اعلام قیلیشیچه، ۶۵۰ مینگ سرپرستسیز عیال، ییتیم باله و ناگران کیشیلرگه نقد پول ترقهتیلگن.
