امر معروف و نهی منکر وزیرلیگی مسئوللری، بوگون (دوشنبه، ۱۳ اسد)، «دولت نینگ ملت گه حساب بیریش» دستوری ده ایتیشلریچه، اوتگن بیر ییل ده اوشبو وزیرلیک ده ۱۰ مینگ دن آرتیق شکایت ثبت ایتیلگن.
کابل بیلیم یورتی‌دن فارغ بولگن طلبه‌لردن قطاری، دیپلوم آلیشه آلمه‌گنلریدن شکایت قیلیب ایتیشلریچه، نیچه مرته دیپلوم آلیش اوچون فاکولته‌لریگه مراجعت قیلگنلر؛ بیراق دیپلوم ورقی یوقلیگی سبب، تحصیلی حجتلرینی آلالمه‌گنلر.
اولر، اوتگن کون (یک‌شنبه، ۲۲ اسد)، «بیلیم یورت اوقیتووچیلری بیلن باش وزیرلیک نینگ سیاسی اورین باسری» ییغیلیشی ده، حقوق‌لر توله‌نیلمه‌گنیدن شکایت قیلیب عالی اوقوو وزیرلیگی تامانیدن سونگی ایکی ییل ده توله‌نیلمه‌گن حقوق‌لری توله‌نیشینی طلب قیلگنلر.
شهید‌لر و ناگران‌لر وزیرلیگی مسئوللری، بوگون (یک‌شنبه، ۲۲-اسد) دولت نینگ ملت گه حساب بیریش برنامه‌سیده ایتیشلریچه، حاضرگچه ۱۸۱ مینگ ناگران، ۸۷ مینگ ۸۷ سرپرست عیال و ۳۷۱ مینگ ۴۲۰ سرپرست‌سیز باله اوشبو وزیرلیک‌ده ثبت بولگن دیر.
غور مرکزی فیروز کوه شهری ده مهاجرلر شهرکی یشاوچیلریدن بیرقطاری، ایچیمیلیک سوو دن فایده‌لنه آلمسلیک‌لریدن نالیب ایتیشلریچه، قورغاقچیلیک و ییر آستی سوولری پس توشیشی سبب، برچه قودوق‌لری قوریب قالگن و اولر ایچیملیک سوولرینی کوپ اوزاق منطقه‌لردن آلیب کیلیب تأمینله‌یدیلر.
اسلام امیرلیگی ایش و اجتماعی ایشلر وزیرلیگی، کیله‌سی سه‌شنبه نی عمومی رخصتی اعلام قیلگن. مذکور وزیرلیک، بوگون یک‌شنبه، ۲۲ اسد)، اوز تویتری ده یازیشیچه، «سه‌شنبه، ۲۴ اسد»، اسلام امیرلیگی افغانستان ده حاکمیت نی قولگه آلیش ایکینچی ییل‌لیگی مناسبتی بیلن، اولکه بویلب عمومی رخصتی دیر.
فرانسه رسمی‌لری نینگ اعلام قیلیشلریچه، فرانسه ساحل‌لریده کیمه نینگ چوکیب کیتگنی عاقبتیده افغانستان‌لیک آلتی باش‌پناه ایزلاوچی هلاک بولگن.
امریکا و مرکزی آسیا مملکت‌لر نماینده‌لری، نیچه مدت آلدین قزاقستان نینگ آستانه شهری‌ده یولگه قوییلگن ییغین گه تیگیشلی ینگی بیانیه نی ترقه‌تگنلر. مذکور مملکت‌لر نینگ بیانیه‌سیده، تینچ و برقرار افغانستان گه قول تاپیش، یالغیز عیال‌لر شامل برچه افغانلر نینگ مساوی و معنالی مشارکتی بیلن ممکن دیر.
متقاعد‌لردن قطاری بوگون (شنبه، ۲۱-اسد) کابل ده مالیه وزیرلیگی نینگ متقاعدلر خزینه‌سی ریاستی برابریده ناراض‌لیک بیلدیریب ایتیشلریچه، اوچ ییل‌دن بویان حقلری توللنمه‌گن.
گزارش‌لر اساسیده، سونگی بیر هفته‌ده، تورلی ولایت‌لرده بیش خبرچی اسلام امیرلیگی خوفسیزلیگ کوچلری تامانیدن حبس گه آلینگن.
قماقخانه‌لر ایشلرینی باشقریش اداره مسئوللری، بوگون (شنبه، ۲۱ اسد) «دولت نینگ ملت گه حساب بیریش» دستوری ده، افغانستان قماقخانه‌لریده ۱۶ مینگ زندانی بارلیگینی معلوم قیلگنلر.
میدان‌وردک محلی مسئوللری گه کوره، بوگون (شنبه، ۲۱ اسد)، اوشبو ولایت نینگ دایمیرداد تومنیده یوز بیرگن ترافیکی حادثه عاقبتیده ییتتی کیشی هلاک بولیب و یره‌لنگن.
کاپیسا امنیه قوماندان‌لیگی مسئوللری، جمعه کیچه، ۲۰ اسد، ساعت ۸:۰۰ اطرافی ده، اوشبو ولایت نینگ حصه‌ی دوم کوهستان تومنی «کیشکتان» قیشلاغیده بیر ییگیت اوز آنه‌سینی اولدیریب و ایناغه‌سی اونی «آو» قورالی بیلن یره‌لنتیرگنیدن خبر بیره‌دیلر.
اسلام امیرلیگی باش وزیرلیگی نینگ اقتصادی اورین باسرلیگی، جمعه کونی، ۲۰ سرطان، اوز تویتری ده یازیشیچه، عبدالغنی برادر تورکیه ده افغانستان و تورکیه بویوک سوداگرلری دن قطاری بیلن اوچره‌شیب، اولر گه افغانستان ده سرمایه یاتقیزیش گه زمینه یره‌تیلگنیدن ایشانچ بیرگن.
پایتخت کابل ده «ملالی» کسلخانه‌سی مسئوللری نینگ ایتیشلریچه، اوشبو کسلخانه ده هر کونی ایکی آنومالی (سوء‌شکل) چقه‌لاق توغیله‌دی. اولر آنومالی چقه‌لاق‌لر توغیلیش اصلی سببینی تولد آره‌سیده فاصله رعایت ایتیلمسلیگی عنوان قیله‌دیلر.
قندوز ده سلام‌وطندار نینگ محلی خبرچیسی «حسیب حساس»، اسلام امیرلیگی خوفسیزلیک کوچلری تامانیدن حبس گه آلینگن. حساس جنابلری ، پنج‌شنبه کونی، ۱۹ اسد، توش دن آلدین ساعت ۱۱:۰۰ اطرافی ده اوشبو ولایت نینگ مرکزی قندوز شهری ده حبس گه آلینگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
