پایتخت کابل ده «ملالی» کسلخانه‌سی مسئوللری نینگ ایتیشلریچه، اوشبو کسلخانه ده هر کونی ایکی آنومالی (سوءشکل) چقه‌لاق توغیله‌دی. اولر آنومالی چقه‌لاق‌لر توغیلیش اصلی سببینی تولد آره‌سیده فاصله رعایت ایتیلمسلیگی عنوان قیله‌دیلر.
ملالی کسلخانه‌سی باشلیغی ملالی رحیم فیضی گه کوره، هر کونی مذکور کسلخانه گه مراجعت قیله‌دیگن ۲۰۰ عیال دن، ۲۵ فایزی توغیش آره‌سیده فاصله نی رعایت قیلمه‌یدیلر و آلتی فایزی ناقص چقه‌لاق توغه‌دیلر.
خانم فیضی نینگ کوپه‌یتیریشیچه: «فاصله نی رعایت ایتیش مهم دیر. عیال کیتمه-کیت حامله بولسه، نهایت آنومالی یا که ناقص چقه‌لاق توغه‌دی. اوتگن ییلی اوشبو کسلخانه ده ۱۳۹ ناقص چقه‌لاق تولد بولدی.»
کیتمه-کیت چقه‌لاغی بولگن عیاللردن بیرقطاری، ملالی کسلخانه‌سی ده چقه‌لاغی تولدی دن کیین مراقبت‌لر بولیمیده بستری بولگنلر؛ ایتیشلریچه، توغیش آره‌سیده فاصله نی رعایت ایتمسلیکلری سبب، حاضر اوزلری و چقه‌لاق‌لری ساغلیک قیینچیلیگی بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
بیش باله آنه‌سی و حاضرگچه اوچ مرته کیتمه-کیت چقه‌لاغی بولگن رابعه گه کوره، چقه‌لاق‌لری ضعیف دنیا گه کیلگن. او نینگ کوپه‌یتیریشیچه: «بیر بالم قریب بیر یاشر ایدی، سوت دن اجره‌تدیم؛ چونکه حامله ایدیم. حاضر او بالم ضعیف دیر. تیز-تیز کسل و سنچیق بوله‌دی. حاضر تولد بولگن چقه‌لاغیم هم ضعیف؛ ایکی یریم کیلو دیر.»
حاضر گچه ییتتی فرزند دنیا گه کیلتیرگن نیلوفر نینگ ایتیشیچه، تورت چقه‌لاغی آلدین-کیین توغیلگن. اونگه کوره، ایکی ییل آلدین بیر چقه‌لاغی دنیا گه کیلیشیدن کیین نیچه کوندن کیین وفات ایتگن.
نیلوفر نینگ کوپه‌یتیریشیچه: «ساغلیک قیینچیلیگی بولیب و ضعیف ایدی؛ شونی اوچون کوپ وقت اوتمه‌ی وفات ایتدی. کوپ ناتینچ ایدی، ممکن حامله‌لیک پیتده یخشی آوقاتلنمه‌گن بولسم. بیلمه‌ی من؛ لیکن توغیلیشیدن کیین ساغلیک قیینچیلیگی بار ایدی.»
توغیش آره‌سیده فاصله رعایت ایتیلمسلیگی، باله‌لر گه قوشیمچه عیاللرنی ساغلیک قیینچیلیگی بیلن روپه‌ره قیلیب، تنه و روح‌لری ضعیف بولیشی گه سبب بوله‌دی.
۲۵ یاشر شکوفه اوچ باله آنه‌سی دیر ایتیشیچه، چقه‌لاق‌لری کیتمه-کیت بولیشی باعث حاضر اوزی قان ییتیشمسلیک قیینچیلیگی بیلن روپه‌ره بولگن.
او نینگ کوپه‌یتیریشیچه: «کیتمه-کیت چقه‌لاق بولیشی هر لحاظ دن قیین دیر. بیرینچی بالم گه نسبتن حاضر حوصله‌م کمه‌یگن و قان ییتیشمسلیگی بیلن روپه‌ره بولگنمن. شفاکار گه مراجعت قیلدیم، کیتمه-کیت چقه‌لاغیم بولگن‌لیگی اوچون، ضعیف بولگن سنگ دیدیلر.»
اوشبو گزارش ده بیش عیال بیلن صحبت اوتکزیلگن؛ اولر گه کوره، چقه‌لاق‌لرینی توغیش آره‌سیده فاصله نی رعایت ایتمسلیکلری باعث، چقه‌لاق‌لری گه سوت بیریش دورینی یکونلتیره آلمه‌گنلر.
بیزلرنینگ توییترده هم تعقیب قیلینگ!
ملالی کسلخانه‌سیده شفاکار مکیه گه کوره، عیاللر تامانیدن توغیلیش آره‌سیده فاصله رعایت ایتیلمسلیگی، چقه‌لاق‌لر نینگ سلامت‌لیگی اوستیده تأثیر قیله‌دی. او نینگ ایتیشیچه: «قارنیده بولگن چقه‌لاق نینگ انرژی گه نیازی بار و سوت بیریش دورینی بیتتیرمه‌گن چقه‌لاق، احتمالاً فزیکی لحاظ دن سلامت بولیشی ممکن؛ بیراق ذهنی لحاظ دن باله نارمل ایمس؛ چونکه دماغی گه کیره‌کلی انرژی ییتمه‌یدی.»
ملالی کسلخانه‌سیده عایله‌لرنی ترتیب گه سالیش بولیمی مسئوللری نینگ ایتیشلریچه، افغانستان ده عیاللر اینیقسه اوزاق منطقه ده‌گی عیاللر گه توغیلیش آره‌سیده فاصله نی رعایت قیلیش اوچون آگاهی‌لیک بیریش کیره‌ک.
مذکور کسلخانه ده عایله‌لرنی ترتیب گه سالیش بولیمی مسئولی مریم نینگ ایتیشیچه، خاتین‌لر توغیش آره‌سیده کمیده اوچ ییل فاصله نی رعایت ایتیش‌لری کیره‌ک. او نینگ کوپه‌یتیریشیچه: «بیز اوشبو کسلخانه ده عیاللر گه آگاهی‌لیک بیره‌میز. ولادت آره‌سیده فاصله نی رعایت قیلیش اوچون نیچه میتود بار؛ لیکن آگاهی‌لیک بیریش کیره‌ک.»
اوشبو گزارش ده، عیاللر گه آگاهی‌لیک بیریش برنامه‌سی باره‌سیده ساغلیق‌نی سقلش وزیرلیگی نینگ فکر-ملاحظه‌سینی اورگه‌نیش اوچون سعی‌وحرکت قیلدیک؛ لیکن مذکور وزیرلیک سوزلاوچیسی بوتوغریده ایضاح کیریتمه‌دی.
