اولر اوشبو مناسبت بیلن خبرچیلر مصئونیت کمیته‌سیده یولگه قوییلگن احتفالده، کونسه‌یین معلومات گه قول تاپیش چېکله‌نیشیدن خواطر بیلدیریب و یېتکرمهلر قانونی یوق‌لیگی طفیلی، حکومت مسئوللری و خبرچیلر اویغون‌سیزلیک قیینچیلیگی بیلن روپه‌ره لیکلرینی اېته‌دیلر.
رویترز آژانسی گه کوره، حزب‌الله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده اوشبو حزب نینگ مرکزیده اولدیریلگن. اسرائیل اردوسی، جمعه کونده‌گی هوا هجوملریده حزب‌الله لبنان رهبری گه قۉشیمچه جنوبی بولیم قوماندانی علی کرکی و مذکور حزب نینگ باشقه بیر قطار قوماندان‌لری اولدیریلگنینی اېتگن.
روسیه، چین، ایران و پاکستان تشقی ایشلر و مدافعه وزیرلری، بیرلشگن ملتلر تشکیلاتی نینگ عمومی ییغیلیشی یانیده افغانستان وضعیتی گه دایر اۉتکزگن تورت تامانلمه ییغیلیش‌لریده، قۉشمه بیانیه صادر قیلیب افغانستانده داعش نینگ کوچه‌یش سعی-حرکت‌لریدن خواطر بیلدیرگنلر.
تخار ولایتی درقد تومنی نینگ آمو دریا قیره‌لریده یشب کېله‌یاتگن یشاوچیلریدن بیرقطاری، یاز موسومیده آمو دریا سووی تاشیشی بیلن اورمان‌لر گه قۉشیمچه سرک‌لر، اریق‌لر و نیچه قیشلاق نی اۉزی بیلن آلیب کېتگنینی اېته‌دیلر.
فاریاب ولایتی اندخوی تومنیده ۲-میزان تورکمن تیلی ملی کونی محلی مسئوللر، فرهنگ‌سیورلر و قوم آقسقاللری نینگ حضوری بیلن نشانلندی. اوشبو مناسبت بیلن ۶-میزان، جمعه کونی یولگه قوییلگن احتفالده، تورکمن فرهنگ‌سیورلریدن بیرقطاری، مملکت بویلب اینیقسه تورکمن‌لر یشه‌یدیگن منطقه‌لرده تورکمن تیلی و ادبیاتی رواجلنیشی اوستیگه تأکید اېتگنلر.
سرپرست حکومت کانلر و پترولیم وزیرلیگی سوزلاوچیسی همایون افغان نینگ ایتیشیچه، مذکور وزیرلیک سرپرستی هدایت‌الله بدری و همراه هیئتی، روسیه نینگ ییتینچی خلق‌ارا انرژی کورگزمه‌سی گه اشتراک ایتگنلر.
ننگرهار ده یوز بیرگن سوو تاشقینی عاقبتیده، اوچ کیشی اولیب و ۲۰ کیشی ایسه یره‌لنگن. ننگرهار ولایت مقامی نینگ ییتکرمه‌لر دفتری بیر بیانیه ترقه‌تیب ایتیشیچه، بوگون ایرته‌لب (جمعه، ۶-میزان)، اوشبو ولایت کوزکنر تومنی نینگ تورلی بولیم‌لریده یوز بیرگن قتیق یاغینگرچیلیکلر و سوو تاشقینی عاقبتیده، اهالی گه جانی و کوپینچه مالی زیان ییتیشگن.
سرپرست حکومت ملی مدافعه وزیرلیگی، بوگون (جمعه، ۶-میزان)، اوز اکس صحیفه‌سیده یازیشیچه، اوشبو وزیرلیک نینگ ۹۴۷ کوماندو کوچلری آغیر تمرین‌لر و تعلیم‌لر نینگ اوتکزیشدن کیین مخصوص بیر مراسم‌‌‌ده، ملی مدافعه وزیرلیگی مخصوص کوچلری قوماندانلیگی نینگ تعلیمی مرکزیدن فارغ بولگنلر.
۲۷-سپتمبر خلق‌ارا سیاحتچی‌لیک کونی مناسبتی بیلن بیرگه، پنجشیر، پروان و کاپیسا معلومات و مدنیت ریاست‌لری مسئوللری نینگ سلام‌وطندار گه ایتیشلریچه، اوتگن بیر ییلده ایچکی و چیت‌‌‌ایللیک ۱۲۰ مینگ‌دن آرتیق سیاحتچی، مذکور اوچ ولایت نینگ کوریش گه سزاوار و قدیمی جایلرینی کوریب چیققن.
هرات ده مسئوللر، اوشبو ولایت‌ده کابل-فولاد کارخانه‌سی نینگ ایکینچی فازی قوریلیش ایشی باشلنگنیدن خبر بیرگنلر. کابل-فولاد کارخانه‌سی باشلیغی عطاءالله وردک نینگ ایتیشیچه، هرات ده ۱۸ میلیون دالردن آرتیق خره‌جت بیلن مذکور کارخانه نینگ ایکینچی فازی قوریلیش ایشی ۵-میزان، پنج‌شنبه کونی باشلنگن.
بیرلشگن عرب امیرلیکلری آرقه‌لی هرات حوزه‌وی کسل‌خانه‌سیگه توقیزته دیالیز دستگاه‌سی یاردم بیریلگن. معلومات و مدنیت وزیرلیگی سرپرستی خیرالله خیرخواه نینگ ایتیشیچه، مذکور دستگاه‌لر نینگ یاردم بیریلیشی بیلن هرات حوزه‌وی کسل‌خانه‌سیده‌گی کسل‌لردن قطاری گه کوپینچه آسایشته‌لیک یره‌تیله‌دی.
جوزجان معارف ریاستی مسئوللری نینگ ایتیشلریچه، اوشبو ولایت‌ده ۳ میلیون ۶۲۰ مینگ افغانی خره‌جت بیلن بیر مکتب نینگ قوریلیش ایشی باشلنگن.
سمنگان ده محلی مسئوللر نینگ ایتیشلریچه، بو ولایت‌ده اوتگن ییل گه قره‌گنده بو ییل بوغدای حاصلاتی ۶۰ فایز کوپه‌یگن. سمنگان ایکینچیلیک، چاروه‌چیلیک و سووغاریش ریاستی نینگ ایکینچیلیک ایشلری بوییچه آمری خلیل کریمی نینگ ایتیشیچه، جاری ییل کوکلم موسومی‌ده‌گی یاغینگرچیلیکلر، بوغدای حاصلاتی کوپه‌یشی گه سبب بولگن.
اسرائیل نینگ لبنان گه اویوشتیره‌دیگن هوایی هجوملری بوگون گه قدر هم دوام قیلیب و سونگی بمباردمانی‌ده ایسه ۷۲ کیشی لبنان ده قربان بولگن. اسرائیل مدافعه وزیرلیگی نینگ اعلام قیلیشیچه، اوشبو مملکت کوچلری نینگ لبنان گه زمینی هجوم اویوشتیریشی ممکن.
ساغلیق‌نی سقلش وزیرلیگی نینگ آزیق-آوقت و دارو معینیتی مسئوللری، بوگون (۵-میزان، پنج‌شنبه) اوشبو قویاش ییل باشلنگنیدن حاضرگه قدر صفت‌سیز و تاریخی اۉتگن ۸۶۰ تُن ییگولیک ماده و دارو یوق اېتیلگنینی معلوم قیلگنلر.
جوزجان ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت‌ده کمبغل و نیازمند عیال‌لر گه یاردم بیریش و عایله‌لر اقتصادی رواجلنیشی مقصد، بیر قطار عیال گه سمارق نی ایکیش ۱۵ قلم اوسکونه ترقه‌تیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
