اوکراین رسمیلری، روسیه راکته و درانلردن عبارت قوشمه هجوم بیلن اوشبو مملکت پایتختی کییف شهرینی نشانگه آلگنینی معلوم قیلگنلر.
رویترز ییتکرمهسی گه کوره، روسیه بوگون (۳۰ جدی/ ۲۰ جنوری، سهشنبه) بامداد پیتی کییف شهرینی نشانگه آلگن.
معلوماتلر گه کوره، روسیه هجوملری عاقبتیده کییفده برق و سوو کیسیلگن و اوشبو شهر یشاوچیلرینی تورلی قیینچیلیک بیلن روپهره بولگن.
شو بیلن بیرگه، بیرلشگن ملتلر تشکیلاتی اوکراینلیک میلیونلرچه کیشی سوو و برقسیز قهرتان قیشنی اوتکزماقدهلیگینی بیلدیرگن. اوشبو نهاد، ینه بیر مراتبه اوکراینده عادی اهالی یشهیدیگن حدودلر و حیاتی آست قورمهلر نشانگه آلینمسلیگیگه تأکیدلهگن.
روسیه، میلادی ۲۰۲۲ ییل، ۲۴ فبروری اوکراین گه هجوم قیلیش آرقهلی ایکینچی جهان اوروشی توگهگنیدن بیری اروپادهگی اینگ ییریک اوروشلردن بیرینی باشلهدی؛ سونگی تورت ییلدن آرتیق وقت دوامیده اونی توختهتیش گه قرهتیلگن سعی-حرکتلر ثمرهسیز بولگن.
