ایتالیا باش وزیری جورجیا ملونی، جنوبی کوریادن قیتهیاتگن پیتده، قیسقه فرصت گه اوزبیکستان پایتختی تاشکینت شهریده قونگن.
اوزبیکستان ییتکرمهلری، بوگون (۲۹ جدی/ ۱۹ جنوری، یکشنبه) بو حقده خبر بیردی.
معلوماتلرگه کوره، ملونی اوزبیکستان جمهور باشلیغی شوکت مرضیایوف بیلن اوچرهشیب، اوزبیکستان – ایتالیا استراتیژیک شیریکلیک مناسبتلرینی ینهده مستحکملش و کوپ قیراللی همکارلیکنی کینگهیتیریش عملی جهتلری حقیده بحث ایتگن.
شونینگدیک اوشبو اوچرهشووده، میلادی ۲۰۲۵ ییلنینگ می آییده سمرقندده عالی درجهده ایریشیلگن کیلیشوولرنینگ ایزچیل عملگه آشیریلیشی تأکیدلنگن.
شو بیلن بیرگه، ایتالیا و اوزبیکستان عملدارلرینینگ بو اوچرهشوویده، توقیمهچیلیک صناعتی، جیولوژی، برق، کیمیا، قوریلیش موادی، مالیهوی بازاری و باشقه ساحهلردهگی قوشمه لایحهلرنی ایلگری سوریش گه علیحده اعتبار قرهتیلگن.
معلوماتلر اساسیده، ایتالیاده اوزبیکستان، اوزبیکستانده ایسه ایتالیا سینما کونلرینی اوتکزیش توغریسیده کیلیشوو گه ایریشیلگن.
بوندن تشقری، اوچرهشووده خلقارا و منطقهوی کون ترتیبی یوزهسیدن هم فکر المهشیلگن، یکونده اوزبیکستان جمهور باشلیغی شوکت میرضیایوف ایتالیا باش وزیری جورجیا ملونینی اوزبیکستان گه علیحده تشریف بیلن کیلیشگه تکلیف قیلگن.
ایتیش ضرور کی، ۲۸ جدی/ ۱۸ جنوری، ملونی رسمی تشریف بیلن جنوبی کوریا گه بارگن.
بوندن آلدین، اوزبیکستان سمرقند شهریده بولیب اوتگن مذاکرهلر یکونیده اوزبیکستان جمهور باشلیغی شوکت میرضیایوف و ایتالیا باش وزیری جورجیا ملونی استراتیژیک شیریکلیک مناسبتلرینی مستحکملش توغریسیده ایریم شرطنامهلرنی امضالهگن ایدی.
