تخنیکی و مسلکی تعلیمات ادارهسی، بوگون (۳۰-جدی، سهشنبه)، فنی و مسلکی تعلیملرنی کینگهیتیریش مقصد، ایچکی و تشقی موسسهلردن قطاری بیلن تورتته کیلیشوونامه امضالهگن.
مذکور کیلیشوونامهلرنینگ امضالنیش احتفالیده تخنیکی و مسلکی تعلیمات ادارهسی باشلیغی غلامحیدر شهامتنینگ ایتیشیچه، اوشبو اداره تعلیمی توزیم صفتینی آشیریش همده اونی ایش بازاری و خلقارا ستندردلرگه ماسلشتیریشگه اعتبار قرهتماقده. «آستقورمهلر و جهازلر کملیگی، اوقوو دستورلری بیلن ایش بازاری آرهسیدهگی فاصله، فنی تعلیملر بوییچه خلقارا نهادلرنینگ شرکت قیلمسلیگی و مسلکی کدرلر کملیگی، روپهره بولگنیمیز قیینچیلیکلردن دیر. حقیقی همکارلیک بیلم بو قیینچیلیکلرنی حل قیله آلهمیز.»
جناب شهامت، تشقی نهادلردن فنی و مسلکی تعلیملر بولیمیده کوپراق سرمایه یاتقیزیشلرینی سورهگن.
تخنیکی و مسلکی تعلیمات ادارهسی بیلن ایچکی و خلقارا ادارهلر آرهسیده امضالنگن کیلیشوونامهلر ارزشی اوچ میلیون دالرگه ییتیشهدی. شونینگدیک اوشبو کیلیشوونامهلر امضالنیشی برنامهسیده، باشقه تورت کیلیشوونامه تورلی دولتی نهادلر بیلن امضالنگن.
افغانستان ده ناروی کمیتهسی باشلیغی تاریا واتردالنینگ ایتیشیچه، بو نهاد تخنیکی و مسلکی تعلیمات ادارهسی برنامهلریدن حمایت قیلهدی. «بو کنفرانسنینگ کوپینچه فایدهسی بار؛ چونکه تخنیکی و ملسکی تعلیمات اقتصاد وضعیتی یخشیلنیشیگه سبب بولهدی و اوقوو دستوری بیلن ایش بازاری آرهسیده فایدهلی علاقه همده بو اداره آرهسیده هماهنگلیکنینگ کوپراق بولیشی کیرهک.»
تخنیکی و مسلکی تعلیمات ادارهسی معلوماتی اساسیده، حاضر ایسه بو ادارهنینگ کسب-کار اورگهتیش مرکزلریده ۷۸ مینگ اوقووچی و طلبه اورگهنیش بیلن شغللنگن.
