فراه امنیتی مسووللری نینگ ایتیش‌لریچه، اوشبو ولایت نینگ «اناردره» تومنیده پارتلش ماده یوکلنگن هاموی تانک نینگ پارتلگنی سبب، پولیس کوچلریدن ۱ ته‌سی هلاک و باشقه ۳ ته‌سی یره‌لنگن.
فراه پولیس قومندانلیگی سوزلاوچیسی محب‌الله محب نینگ سلام‌وطندارگه ایتیشیچه، بوگون “دوشنبه” ایرته‌لب ساعت ۶ اطرافیده طالبان گروهی پارتلش ماده یوکلنگن بیرهاموی تانک‌نی «اناردره» پولیس قومندانلیگی ایچیده پارتلش‌گه قصد قیلگن، لیکن مقصد ده ییتیشمسدن آلدین امنیتی کوچلر تامانیدن اوق آستیگه قرار بیریلیب پارتله‌گن.
محب نینگ ایتیشیچه، بو واقعه‌ده پولیس کوچلریدن ۱ ته‌سی هلاک و باشقه ۳ ته‌سی یره‌لنگن. اونینگ کوپه‌یتیریشیچه، مذکور هاموی تانک نیچه پیت آلدین طالبان قولیگه توشگن ایدی.
بیراق، فراه ولایتی کینگش اورین باسری شاه‌محمود نعیمی نینگ سلام‌وطندارگه ایتیشیچه، بو واقعه‌ده بیر پولیس هلاک و باشقه ۴ پولیس یره‌لنگن.
جناب نعیمی نینگ کوپه‌یتیریشیچه، اوشبو پارتلش ماده یوکلنگن تانک نیچه کون آلدین طالبان هجومی نتیجه‌سیده «اناردره» تومنیده کیرگن ایدی.
فراه پولیس قومندانلیگی سوزلاوچیسی نینگ ایتیشیچه، مذکور تانک پارتله‌گنیدن سونگ، طالبان جنگریلری و امنیتی کوچلر آره‌سیده آتیشمه یوز بیرگن و طالبان جنگریلریگه تلفات ییتیشگن.
طالبان گروهی حاضرگه‌قدر بوتوغریده صحبت قیلمه‌گن.
