۵-اکتوبر خلق‌ارا اوقیتووچیلر کونی گه ماس دیر. بوگون خلق‌ارا اوقیتووچیلر کونی امانی یوکسک لیسه‌سی‌ده عیال اوقیتووچیلر حضورسیزلیگی بیلن بیر برنامه آرقه‌لی اوتکزیلگن.
اوشبو برنامه‌ده ایرکک اوقیتووچیلردن قطاری، اوقیتووچیلر خصوصیده حکومت نینگ توجه‌سیزلیگی‌دن تنقید‌لب ایتیشلریچه، اولر کوپینچه اقتصادی قیینچیلیکلر بیلن روپه‌ره‌لر، بیراق نیچه ییل‌دن بیری اولر خصوصیده هیچ قنده‌ی توجه صورت تاپمه‌گن.
کابل ده دولتی مکتب‌لردن بیریده اوقیتووچی بولگن ۲۵ یاشر گل‌احمد نینگ ایتیشیچه، حاضر ایسه ۹ مینگ ۸۰۰ آیلیگی بار و اوشبو آز حقوق بیلن، سکیز کیشی‌لیک عایله نیازلری نی تامین قیله آلمه‌یدی.
بیزلرنینگ فیسبوک صحیفه‌میزگه باش اورینگ!
گل‌احمد نینگ کوپه‌یتیریشیچه: «اوقیتووچیلر نینگ اقتصادی وضعیتی یخشی ایمس. اوزیمیز و عایله‌میز نینگ نیازلری نی قیین‌چیلیک بیلن تامین قیله‌‌میز. بیزلر گه بیریله‌دیگن آیلیک بیلن حتا حیاتیمیزده‌گی دستلبکی نیازلریمیز نی هم تامین قیله آلمه‌یمیز. نیچه ییل خذمت قیلدیم ۹ مینگ ۸۰۰ آیلیگیم بار و بو آیلیک بیلن نیمه قیله‌ی.»
شونینگدیک کابل شهری‌ده دولتی مکتب‌لردن بیریده ۱۵ ییل‌دن آرتیق درس بیریش تجربه‌سی گه ایگه بولگن اوقیتووچیلردن بیری محمد امین نینگ ایتیشیچه، ییل‌ده مملکت‌ده یالغیز اوقیتووچیلر کونی‌دن نشانلنه‌دی؛ بیراق حاضرگچه اوقیتووچیلر قیین‌چیلیگی حلی اوچون هیچ قنده‌ی اقدام صورت تاپمه‌گن.
محمد امین نینگ کوپه‌یتیریشیچه: «ییر بیریش طرحی اوتگن حکومت‌لرده ایدی و کیلگن هر وزیر و هر دولت آیلیک‌لرینگیز کوپه‌یه‌دی دیب سوز بیردیلر، لیکن بولمه‌دی. اوقیتووچیلر دایم خذمت قیله‌دی و انه‌شوو سبب، اولر گه کوپراق توجه بولیشی کیره‌ک.»
شونده‌ی بیرحالده، مذکور برنامه‌ده معارف وزیرلیگی سرپرستی سید حبیب‌الله آقا نینگ ایتیشیچه، افغانستان ده اوقیتووچیلر قیینچیلیکلر نینگ بولگنی بیلن، ایشلری نی صداقت بیلن انجام بیره‌دیلر و مذکور وزیرلیک قولی‌ده بولگن امکانیت‌لر نی نظر گه آلیش بیلن، اولر نینگ قیین‌چیلیکلری حلی اوچون سعی و حرکت قیله‌دیلر.
اونینگ کوپه‌یتیریشیچه، اوشبو وزیرلیک مملکت یشاوچیلری اوچون برابری شکلده دینی و زمانه‌وی تعلیم زمینه‌سی یره‌تیش خصوصیده سعی و حرکت قیله‌دی.
معارف وزیرلیگی سرپرستی سید حبیب‌الله آقا نینگ ایتیشیچه: «اوقیتووچیلر برچه قیین‌چیلیکلری بیلن، مذکور اولکه نینگ کیله‌جگ نسل‌لری آسایشته‌لیگی اوچون، بوتون صداقت و اخلاص بیلن ایشلری نی انجام بیرگنلر و معارف وزیرلیگی اوقیتووچیلر حقوقیدن دفاع قیلیش نی ایسته‌ب، امکانیت‌لر نی نظر گه آلیش بیلن اولر نینگ حیاتلری درست بولیشی اوچون سعی و حرکت‌لری گه دوام بیریشلری ممکن.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، اسلام امیرلیگی باش وزیرلیگی نینگ اداری اورین‌باسری عبدالسلام حنفی نینگ ایتیشیچه، اسلام امیرلیگی مملکت تعلیمی توزومی نینگ ستندرد قیلیش و کوچلنتیریش و اوقیتووچیلر قیین‌چیلیگی نی حل قیلیش اوچون سعی و حرکت قیلماقده. جناب حنفی حکومت بودجه‌سی کوپه‌یگنی صورت‌‌ده، اوقیتووچیلر آیلیگی کوپه‌یشی خصوصیده اوقیتووچیلر گه سوز بیرگن.
اونینگ کوپه‌یتیریشیچه: «اوتگن ییل‌لرده آیلیک‌لردن ۷۰ فایزی خارجی‌لر تامانیدن تامین بوله‌ر ایدی، اسلام امیرلیگی نینگ قدرت گه ایریشگنی‌دن کیین، برچه آیلیک‌لر اوزیمیز نینگ بودجه‌میزدن تمویل بوله‌دی که، قولیمیزده‌گی امکانیت‌لر گه کوره ترتیب بولگن، هر قنچه امکانیت قولیمیزده بولسه، آیلیک‌لری کوپه‌یه‌دیگن ایلک کیشی‌لر اوقیتووچیلر دیر.»
اسلام امیرلیگی رسمی‌لری اوشبو برنامه‌ده ایتیشلریچه، اوتگن ایکی ییل‌ده ایکی ۲۴۵ مینگ‌دن آرتیق اوقیتووچی نی، ۱۸مینگ ۴۹۸ تعلیمی نهاد گه جذب قیلگنلر.
