بریتانیا و فرانسه، قوشمه هوا عملیاتیده سوریه مرکزیده جایلشگن داعش گه تیگیشلی بیر آستقورمه قوریلمهسینی نشانگه آلگن.
خلقارا ییتکرمهلرنینگ بوگون (۱۴-جدی/ ۴-جنوری، یکشنبه)، بریتانیا مدافعه وزیرلیگیدن نقل قیلیب گزارش بیریشیچه، بو هجوم اوتگن کون شام چاغی داعشنینگ قیته تیکلنیشی آلدی آلینیشی مقصد، عملگه آشیریلگن.
بریتانیا مدافعه وزیرلیگیگه کوره، بریتانیا سلطنتی هوا کوچلرینینگ تایفون جنگریلری، فرانسه اوچاقلری بیلن بیرگهلیکده باشقریلهدیگن بمبلردن قوللنیب، قدیمی پالمیرا شهری شمالیده جایلشگن تاغلی منطقهلردهگی داعشنینگ آستقورمه قوریلمهلریگه قول تاپیش تونللرینی نشانگه آلگن.
بریتانیا مدافعه وزیرلیگینینگ کوپهیتیریشیچه، داعش بمباردمان بولگن جایدن قوراللر و پارتلاوچی مادهلر سقلهنیشی اوچون فایدهلنهر ایدی.
بریتانیا رسمیلرینینگ اورغولشیچه، نشانگه آلینگن منطقهده تینچ اهالی بولمهی و بو عملیات محلدهگی اهالی اوچون هیچ قندهی خوف یرهتمهگن. شونینگدیک هجوم گه شرکت قیلگن اوچاقلردن برچهسی ساغلام شکلده اوز قرارگاهلریگه قیتگنلر.
