لوگر یشاوچی‌سی حمیدالله مکتب‌نی اوقیب بیتیرگن و کم‌بغللیک سبب، نیچه مرته ناقانونی مهاجرلیک آرقه‌لی ایران‌گه سفر قیلگن.
او، سونگی مرته ایکی ییل آلدین ناقانونی مهاجرلیک آرقه‌لی ایران‌گه بارگن، بیراق تحصیل‌نی دوام بیریش اوچون آرزوسیگه ییتیشمه‌ی و اقتصادی وضعیتی هم یخشی لنمه‌گن.
حمیدالله نینگ ناقانونی مهاجرلیک خصوصیده سلام‌وطندارگه ایتیشیچه، بو یولده هردقیقه اولیم‌نی تجربه قیلگن و انسان قاچاقچی‌لری او و باشقه همراه‌لریگه حرمت‌سیزلیک قیلگن. حمیدالله نینگ ایتیشیچه، ایران پولیسی او و باشقه یولداش‌لرینی کلتک‌لب و قیناققه سالگنیدن سونگ، افغانستان‌گه سورگون ایتگن.
حمیدالله کوپینچه قیین‌چیلیکلرنی تحمل قیلگن، لیکن بیر ییل آلدین قولی بوش اوز مملکتی‌گه قیتیب کیلگن.
اونینگ ایتیشیچه، بو مدتده یالغیز بنا قوریش ایشی‌نی اورگنگن و حاضرده قیته‌دن ایش و تعلیم کوریش‌گه دوام بیریش‌نی ایسته‌یدی.
«مملکتده ایش بولمه‌گنی سبب، مین ناقانونی مهاجرلیک آرقه‌لی ایران‌گه باردیم. عایله اعضالری‌میز اوچون ییگولیک ماده میز یوق ایدی، انه‌شو سبب ایش‌لش مقصد ده ایران‌گه سفر قیلیش‌گه مجبور بولدم. قاچاق یولی بیلن ایران‌گه باردیم، غزنی دن اصفهان گچه موترنینگ داله‌سیگه ۷ کیشی جایلشگن ایدیک، یمان بیر وضعیتده اصفهان‌گه ییتیشدیک، یولده کوپینچه قیین‌چیلیکلرنی تحمل قیلدیک یولداش‌لریمیزدن بیرقطاری یولده بی‌هوش بولدیلر.»
حمیدالله باشقه یاش‌لردن ناقانونی مهاجرلیک آرقه‌لی سفر قیلمه‌یشلرینی سوره‌یدی و اوز مملکت‌لریگه تحصیل قیلیب و ایش‌لش‌لرینی سوره‌گن.
او، دولت ناقانونی مهاجرلیک‌که توسیق بولیش اوچون کوپراق سعی و حرکت قیلیشی‌نی سوره‌یدی.
لوگر ولایتیده اجتماعی فعال‌لردن بیری عبدالواسع ناصری نینگ ایتیشیچه، ناتینچلیک، ایش‌سیزلیک و اداری فساد سبب، یاش‌لردن یوزلرچه ایش‌لش مقصد ده ناقانونی مهاجرلیک آرقه‌لی، چیت‌ایللیک مملکت‌لرگه باره‌دیلر.
او، دولت‌دن یاش‌لرگه ایش زمینه‌سی یره‌تیب ناقانونی مهاجرلیک‌که توسیق بولیشی‌نی سوره‌گن.
لوگر ولایتی بوییچه مهاجرلر و باش‌پناه ایزلاوچی‌لر مسووللریدن بیری نوراحمد صالحی نینگ سلام‌وطندارگه ایتیشیچه، حاضرده هم اوشبو ولایتده کوپ قطار یاش‌لر ناقانونی مهاجرلیک آرقه‌لی سفر قیله‌دیلر و خواطرلنترووچی دیر.
اونینگ ایتیشیچه، ناقانونی مهاجرلیک قیین‌چیلیک‌لرینی بیرلشگن ملت‌لر تشکیلاتی نینگ باش‌پناه ایزلاوچی‌لر بولیمی بیلن شریک قیلگنلر و تیزلیک‌که قیتیب کیلگن مهاجرلرگه یاردم بیریلیشی ممکن.
جناب صالحی نینگ کوپه‌یتیریشچه، اوتگن ییلدن حاضرگه‌قدر ۹۰۱ مهاجر لوگر ولایتی‌گه قیتیب کیلگن و اولردن کوپراغی نینگ یاش‌لری یوقاری دیر.
بیراق، لوگر ولایتی بوییچه اجتماعی ایش‌لر ریاستی باشلیغی شاه‌خان ولی‌زوی نینگ ایتیشیچه، اوتگن نیچه ییل جریانیده یاش‌لرگه تورلی شغل‌لرنی ایجاد قیلگنلر و حاضرده هم ایشی بولمه‌گن یاش‌لردن یوزلرچه‌سی حرفه‌یی شکلده تعلیم کورماقده‌لر.
جناب ولی‌زوی نینگ کوپه‌یتیریشیچه، یاش‌لرگه ایش زمینه‌سینی یره‌تیش اوچون سعی و حرکت قیله‌دیلر.
ناتینچلیک، ایش‌سیزلیک و کم‌بغللیک سبب، مملکت یشاوچی‌لریدن کوپ قطاری ناقانونی مهاجرلیک آرقه‌لی، سفر قیله‌دیلر.
مهاجرلیک معلومات مرکزی یا-ده (MRC) تامانیدن بیریلگن معلومات‌لرگه کوره، کرونا ویروسی بوتون دنیا ده کوپه‌یگن؛ لیکن حاضرده هم افغانستان‌لیک یاش‌لردن کوپ قطاری ناقانونی مهاجرلیک آرقه‌لی چیت‌ایللیک مملکت‌لرگه باره‌دیلر.
