امریکا تشقی ایشلر وزیری آنتونی بلینکن، ایچکی و خارجی نادولتی مؤسسه‌لرده عیال ایشلاوچیلری نینگ ایشی توخته‌تیلیشی گه دایر اسلام امیرلیگی تامانیدن آلینگن ینگی قرارنی، افغانستان خلقی اوچون «هلاکتلی» دیگن.
امریکا تشقی ایشلر وزیری، شنبه کیچه ۳ جدی، اوز توییتری ده یازیشیچه: «اسلام امیرلیگی تامانیدن [عیاللر] ایشی توخته‌تیلیشی، افغانستانده‌گی میلیون‌لرچه کیشی گه انسان پرورلیک یاردم‌لر ییتکیزیب بیریلیشی گه توسقین‌لیک قیلیشیدن خواطرده میز.»
آنتونی بلینکن نینک کوپه‌یتیریشیچه: «عیاللر دنیا مقیاسیده انسان پرورلیک ایشلر بوییچه اساسی رولنی اوینه‌ماقده. بو قرار افغانستان خلقی اوچون هلاکتلی بولیشی ممکن.»
بیزلرنینگ فیسبوک صحیفه‌میزگه باش اورینگ!
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسه‌لر گه، کیینگی امرگچه عیال خادم‌لری نینگ ایشینی توخته‌تیش بویروغینی بیرگنینی ایتگن. مذکور وزیرلیکُ اوشبو دستور برابریده بی‌فرق بولگن اداره‌لر نینگ فعالیت جوازی لغو بولیشیدن آگاه‌لنتیرگن.
نادولتی مؤسسه‌لرده خاتین قیزلر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن. کابل ده جرمنی ایلچیخانه‌سی، اوز توییتری ده مذکور قرار گه مناسبت بیلدیریب بو دستورنی ظالمانه اته‌گن.
اوشبو ایلچیخانه نینگ کوپه‌یتیریشیچه، ایچکی و خارجی نادولتی مؤسسه‌لر ده ایشلش گه قره‌م بولگن کیشی‌لر شامل مذکور اداره‌لر خاتین قیزلر ایشلاوچیلری نینگ ایشی توخته‌تیلیشینی ظالمانه دیگن. جرمنی ایلچیخانه‌سی گه کوره، اسلام امیرلیگی نینگ بو قراری دن جمعیتده‌گی قشاق کیشی‌لر کوپراق زیان کوریشه‌دی.
عین‌حالده، بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، اوشبو قرار گه مناسبت بیلدیریب اونی قاره له‌گن. اوچا بیر بیانیه ترقه‌تیب ایتیشیچه، افغانستان ده بیرلشگن ملت‌لر تشکیلاتی نینگ نهادلری و شریک‌لری، ایچکی و خارجی نادولتی مؤسسه‌لرده عیاللر ایشی توخته‌تیلیشی باره‌سیده اسلام امیرلیگی نینگ قرارینی قاره له‌یدیلر.
اوچا نینگ بیانیه‌سیده کیلیشیچه: «بونده‌ی دستور، خاتین‌لر نینگ اساسی حقوقینی ایاغ آستی قیله‌دی و انسان پرورلیک قاعده‌لر گه قرشی دیر.»
بیزلرنینگ توییترده هم تعقیب قیلینگ!
باشقه تاماندن، افغانستان خاتین قیزلر ایشلری بوییچه امریکا نینگ مخصوص نماینده‌سی رینا میری، بیر پیام آرقه‌لی «بو، عیاللرنی جزالنتیره‌دیگن شفقت‌سیز و انسان پرورلیک یاردم‌لر گه توسیق بوله‌دیگن قرار دیر.» اونینگ ایشانچی گه کوره، اسلام امیرلیگی افغان‌لر نینگ تیریکچیلیگینی خطر گه دوچ قیلیب و افغانستان نی بحران تامان سوق بیرماقده.
شونینگدیک ناروی تشقی ایشلر وزیرلیگی، افغانستان ده ایچکی و خارجی نادولتی مؤسسه‌لرده خاتین‌لر ایشی توخته‌تیلیشی گه دایر اسلام امیرلیگی نینگ قرارینی قاره‌لب، اوشبو قرار تیزلیک بیلن بیکار قیلینیشینی سوره‌گن.
ایتیش کیره‌ک که، اسلام امیرلیگی اوتگن بیر ییل ده، دولت اداره‌لریده عیاللرنی هم ایش دن محروم قیلگن. بو حکومت ینگی‌لیکده مملکت بیلیم یورت‌لریده طلبه قیزلر نینگ تعلیمینی کیینگی امرگچه توخته‌‌تگن.