بیرلشگن ملت‌لر تشکیلاتی افغانستان نینگ سابق جمهور رئیسی محمداشرف غنی آتینی دنیا دولت‌لری ییتکچیلری رویخطی‌دن چیقه‌ریب تشله‌دی.
بیرلشگن ملت‌لر تشکیلاتی نینگ رسمی وبسایتی‌ده ترقه‌تیلگن بو رویخطده اشرف غنی نینگ تورموش اورتاغی رولا غنی نینگ آتی هم افغانستان بیرینچی عیالی عنوانی‌دن حذف ایتیلگن. شونینگ‌دیک افغانستان دولتی رئیسی بو رویخطده «افغانستان جمهور رئیسی» لوازمیده سَیلنگن دیر.
بیزلرنینگ فیسبوک صحیفه‌میزگه باش اورینگ!
عین حالده، افغانستان تشقی ایشلر وزیری محمدحنیف اتمرنینگ آتی هم بیرلشگن ملت‌لر تشکیلاتی رویخطیده یوق. اما نصیراحمد فایق نینگ آتی مملکت‌لرنینگ دیپلماتیک نماینده‌لیکلری رئیس‌لری رویخطیده افغانستان نینگ بیرلشگن ملت‌لر تشکیلاتی ده‌گی دایمی نماینده‌لیگی سرپرستی صفتیده سیغدیریلگن دیر.
افغانستان نینگ سابق حکومتی قوللب اسلامی امارت حاکمیتگه کیلیشی بیلن افغانستان نینگ بیرلشگن ملت‌لر تشکیلاتی ده‌گی نماینده لیگی لوازمی جنجلرگه سبب بولدی. افغانستان نینگ بیرلشگن ملت‌لر تشکیلاتی ده‌گی دایمی نماینده‌لیگی جاری آی (فبروری) ۸ سیده نصیراحمد فایق اورنیده بو نماینده لیک نینگ معاونی و وزیرمختاری محمدولی نعیمی افغانستان نینگ بیرلشگن ملت‌لر تشکیلاتی نماینده‌لیگی نینگ سرپرستی وظیفه‌سینی ایگلله‌گنینی معلوم قیلدی.
اما شوندن سونگ فایق بو حرکت‌نی افغانستان نینگ بیرلشگن ملت‌لر تشکیلاتی ده‌گی دایمی نماینده لیگی رهبریتینی اوزگرتیریش همده حق و عدالت سیسینی اوچیریش و فسادگه قرشی کوره‌شیش اوچون عملگه آشیریلگن توطئه دیب و بو توطئه‌‌لر خنثی ایتیلگنینی بیلدیردی.
او اوز توییتر صحیفه سیده محمدولی نعیمی نی مملکت نینگ بیرلشگن ملت‌لر تشکیلاتی ده‌گی نماینده‌لیگی سرپرستی عنوانیده تانیشتیرگن سابق تشقی ایشلر وزیری محمدحنیف اتمرنینگ نامه سی بو سازمان تامانیدن قبول قیلینمه‌گنینی یازگندی.
بیزلرنینگ توییترده هم تعقیب قیلینگ!
باشقه تاماندن اسلامی امارت تامانیدن اسلامی امارت نینگ قطر ده‌گی سیاسی دفتری رئیسی سهیل شاهین بو لوازمده تانیشتیریلگندی.
بیرلشگن ملت‌لر سازمانی ۱۹۹۶ ییل‌دن ۲۰۰۱ ییلگچه اسلامی امارت حکومتینی رسمیت‌گه تانیمه‌گندی. اوشنده افغانستان اسلامی امارت قرشیسی‌ده کوره‌شه‌یاتگن و ایریم حدودلرده مسلط بولگن برهان‌الدین ربانی ریاستی آستیده‌گی دولت بیرلشگن ملت‌لر سازمانی تامانیدن افغانستان نینگ مشروع دولتی عنوانیده تانیلردی.
