افغانستان ده بیرلشگن ملتلر تشکیلاتی نینگ ترقیاتی برنامه مسئولی عبدالله الدرداری نینگ سلام‌وطندار گه ایتیشیچه، مذکور تشکیلات اقتصاد رواجلنیشی و اهالی نینگ وضعیتی یخیشی‌لنیشی اوچون فایده‌لی پروژه‌لر نی قولگه آلگن دیر.
افغانستان ده بیرلشگن ملتلر تشکیلاتی نینگ ترقیاتی برنامه نماینده‌سی ۳۰۰ میلیون دالرلیک بیر بویوک برنامه نینگ تطبیق قیلیشیدن خبر بیریب ایتیشیچه، بو ییل ۲۲۶ میلیون دالر ارزشی گه افغانستان بویلب بیر برنامه‌نی عملی قیلیش گه قرار آلگن.
شونینگدیک اونینگ کوپه‌یتیریشیچه، مذکور تشکیلات اوتگن ۶ آی‌ده افغانستان ده ۵۶۰ مینگ موقتی ایش نی ایجاد قیلگن دیر.
بیزلرنینگ توییترده هم تعقیب قیلینگ!
اونینگ ایتیشیچه: «اوتگن ۶ آی جریانیده ۵۶۰ مینگ موقتی ایش نی افغانستان ده ایجاد قیلگن‌میز. انه شوو سبب، برنامه‌لر آلغه کیته‌دی و انشاءالله کیله‌جک اوچ ییل‌ده بوتون تومن‌لرده یولگه قوییلیشی ممکن.»
شونده‌ی بیرحالده، بیرلشگن ملتلر تشکیلاتی نینگ ترقیاتی برنامه‌سی کابل ده سیمینار یولگه قوییش بیلن، مملکت ۸ زونی‌ده اقتصادی وضعیت یخشی‌لنیشی مقصدیده، موسسه‌لر نماینده‌لری، سوداگر عیاللر و ایرکک‌لر و مدنی فعال‌لر نینگ فکرلری نی توپله‌گن.
ایکینچیلیک بولیمی نینگ کوچلنیشی، صناعت ترقیاتی، سوداگرلیک نینگ آلغه کیتیشی و طبیعی منبع‌لر بیلن آستقورمه‌لر گه دقت قیلینیش، افغانستان زون منطقه‌لر اقتصادی نینگ یخشی‌لنیشی اوچون اوشبو ییغین‌ده اشتراک قیلگن کیشیلر تامانیدن بیان بولگن اینگ اونملی موضوعلردن دیر.
شونینگدیک ایکینچلیک کوچلنیشی بولیمی‌ده، میکانیزه توزه‌تیش، دهقان‌لر گه معلومات بیریش، اصلاح بولگن اوروغ میزانی کوپه‌یشی، مدیریت، سوو نینگ برابر شکلده ترقه‌تیلیشی و محلی محصوللر نینگ ایشلب چیقاریلیشی گه کوپراق توجه بولیشی اوشبو ییغین گه شرکت قیلگنلر تامانیدن پیشنهاد بولگن دیر.
شو رقم اولر محصوللری اوچون اعلان قیلیش، آنلاین سوداگرلیک نینگ یخشیلنشی، کیچیک و اورته سوداگرلیکلردن حمایت قیلیش و اهالی نینگ پولی خذمت‌لر گه قول تاپیش‌لری خصوصیده آسایشته‌لیک ایجاد بولیش نی سوداگرلیک ترقیاتی اوچون ارایه قیلگنلر.
بیزلرنینگ فیسبوک صحیفه‌میزگه باش اورینگ!
اشتراک قیلگنلردن مسعود شریفی نینگ ایتیشیچه: «افغانستان ایکینچیلیک بیر مملکت دیر انه شوو سبب، بیزلر ارایه قیلگنی‌میز موضوعلردن بیری ایکینچلیک نی رواجلنتیریش برنامه‌سی ایدی و موضوعلردن باشقه بیری صناعت گه توجه قیلیشی ایدی که اینیقسه عیاللر قول صناعت‌لری کوپراق سهم آله‌دی.»
اوشبو سیمینار ده مملکت نیگ ۸ زونی‌دن اشتراک قیلگنلر، طبیعی منبع‌لر، آستقورمه‌لر، اورمان‌لر نینگ قیته قوریش و کان‌لر نینگ فایده‌لی شکلده قازیب چیقاریلیشی نی افغانستان اقتصادی اوچون فایده‌لی دیگنلر.
شونینگدیک اوشبو سیمینار گه اشتراک ایتگنلر.، تورلی بولیم‌لرده ظرفیت توزه‌تیش، خصوصی سکتورلردن حمایت قیلیش، بانکی خذمت‌لر نینگ یخشی‌لنیشی و اقتصادی و اجتماعی تورلی بولیم‌لرده عیاللر نینگ قوشیلیشی نی مملکت اقتصادی نینگ رواجلنیشی اوچون اونملی دیگنلر.
