افغانستان ده بیرلشگن ملت‌لر تشکیلاتی نینگ ترقیاتی برنامه‌سی یا-ده (UNDP)، ۲۰۲۳-ییل‌ده افغانستان نینگ اجتماعی و اقتصادی وضعیتی خصوصیده‌گی گزارشی‌ده ایتیشیچه، اوشبو مملکت‌ده قشاق‌لیک سطحی ایکی برابر بولگن و افغانستان ده نیازمندلر سانی ۳۴ کیشی گه ییتیشگن.
بیرلشگن ملت‌لر تشکیلاتی نینگ ترقیاتی برنامه‌سی یازووچیسی ویولاتا دالا گه کوره: «افغانستان یشاوچیلریدن قطاری پول قولگه کیلتیریش اوچون اوی‌لری، ییرلری و سرمایه‌لری نی ساتگنلر و یشاوچیلردن بیر قطاری ایسه باله‌لری نی ایش قیلیش گه یوبارگنلر یا-ده یاشی کیچیک بولگن قیزلری نی تورموش گه چقیریش گه مجبور بولگنلر. حاضر ایسه افغانستان ده کمبغل کیشی‌لر سانی ۳۴ میلیون کیشی گه ییتیشگن.»
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ ترقیاتی برنامه‌سی اوشبو گزارش‌ده اوتگن میلادی ییل‌ده افغانی پول ارزشی نینگ ثباتی، صادرات کوپه‌یگنی، ایچکی درآمد توپلنگنی و تورم کمه‌یگنی کبی اقتصادی بولیم‌لرده‌گی بعضی یخشی اوزگریش‌لر گه هم اشاره قیلگن.
اوشبو گزارش اساسیده، یاردم‌لردن ۳۰ فایزی نینگ کمه‌گنی صورت‌ده، ۲۰۲۳-ییل‌ده ناخالص تولید قیمتی نینگ ۰.۴ فایز گه کمه‌یشی ممکن.
گزارش یازووچیسی زفیزس زناتوس نینگ ایتیشیچه: «افغانستان کوپراق یاردم‌لر گه احتیاجی بار و یاردم‌لردن ۳۰ فایزی کمه‌یگنی صورت‌ده، ۲۰۲۳-ییل‌ده ناخالص تولید قیمتی نینگ ۰.۴ فایز کمه‌یشی ممکن.»
شونده‌ی بیرحالده، اقتصاد وزیرلیگی مسئوللری بیرلشگن ملت‌لر تشکیلاتی نینگ ترقیاتی برنامه‌سی آرقه‌لی ارایه بولگن آمار نی رد قیلیب و ایتیش‌لریچه، بیرلشگن ملت‌لر تشکیلاتی نینگ ترقیاتی برنامه‌سی بودجه قولگه کیلتیریش اوچون، افغانستان ده نیازمند رقمی نی کوپراق کورسته‌دیلر.
بیزلرنینگ توییترده هم تعقیب قیلینگ!
مذکور وزیرلیک سوزلاوچیسی عبدالرحمان حبیب نینگ ایتیشیچه: «افغانستان ده نادارلیک نی قبول قیله‌میز، بیراق خلق‌ارا نهاد‌لر تامانیدن ترقه‌تیلگن آمار درست ایمس و بو ایش افغانستان ده عاید توپلش گه سبب بوله دی.»
عین حالده، اسلام امیر‌لیگی آرقه‌لی افغانستان ده بیرلشگن ملت‌لر تشکیلاتی‌ده‌گی عیال ایشلاوچیلر گه یره‌تیلگن چیکلاو‌لر بیلن، یاردم بیرووچی نهاد‌لر نینگ افغانستان ده یاردم بیریش پروسه‌لری قیین‌چیلیککه روپه‌ره بولیشی ممکن.