بیرلشگن ملت‌لر تشکیلاتی دوشنبه کونی، ۱۱ ثور، قطر پایتختی دوحه شهری ده اسلام امیرلیگی بیلن قنده‌ی تعامل قیلیش اسلوب‌لری خصوصیده ایکی کون‌لیک ییغیلیش اوتکزیشی کوتیله‌دی.
مذکور ییغیلیش، بیرلشگن ملت‌لر تشکیلاتی باش کاتبی آنتونیو گوترش و قطار مملکت‌لر نینگ نماینده‌لری و اسلام امیرلیگی نماینده‌سی حضورسیزلیگی بیلن یاشیرینچ شکلده اوتکزیلیشی ممکن. اوشبو ییغیلیش ایریم قرشی‌لیکلر گه روپه‌ره بولگن.
بیرلشگن ملت‌لر تشکیلاتی باش کاتبی نینگ اورین باسری امینه محمد نینگ، دوحه ییغیلیشی ده اسلام امیرلیگی تن آلینه دیگن سوزی، اوشبو ییغیلیش گه قرشی مناسبت‌لرنی کوچه‌یتیرگن.
بیزلرنینگ فیسبوک صحیفه‌میزگه باش اورینگ!
اوتگن کون قطار عیاللر، کابل شهری ده ناراضی‌لیک نمایش اوتکزیب دوحه ییغیلیشی ده اسلام امیرلیگی تن آلینیشی گه دایر اوز قرشی‌لیکلرینی اعلام قیلدیلر.
اعتراضچی عیاللردن شمایل توانا نینگ سلام‌وطندار گه ایتیشیچه: «بیرلشگن ملت‌لر تشکیلاتی اسلام امیرلیگی نی تن آلیش مقصدیده سعی‌وحرکت قیلماقده، ییغیلیش‌لریده اسلام امیرلیگینی تن آلیش حقیده بحث ایته‌دیلر، امینه محمد نینگ سونگی بیاناتی و دوحه ییغیلیشی، اعتراضچی عیاللر خواطرینی کوچه‌یتیرگن.»
اعتراضچی عیاللر گه قوشیمچه، سیاسی سیمالر و انسان حقلری فعاللری و افغانستان خاتین قیزلر حقوقی فعاللری دن بیرقطاری، دوحه ییغیلیشی عرفه‌سیده ریفراندوم یولگه قوییب و افغانستان نینگ حاضرگی وضعیتینی عادی‌لشتیریش گه قرشی اعتراض قیلگنلر.
شونینگدیک، افغانستان سابق حکومتی انسان حقلری کمیسیونی بیر بیانیه ترقه‌تیب، دنیا همجمعیت دن افغانستان نینگ حاضرگی حکومتی بیلن تعامل قیلمسلیگینی سوره‌گن.
بیراق بیرلشگن ملت‌لر تشکیلاتی گه کوره، اسلام امیرلیگی حکومتی گه دنیا همجمعیت نینگ واحد پیامینی بیلدیریش مقصدیده سعی‌وحرکت قیلماقده.
خلق‌ارا مناسبت‌لر ایش بیلرمانی نورالرحمان ثاقب، دوحه ییغیلیشی ده اسلام امیرلیگی تن آلینیش احتمالی خصوصیده سلام‌وطندار گه ایتیشیچه: «افغانستان نینگ ینگی حکومتی نی تن آلیش موضوع‌سی میز اوستیده دیر، امریکا و متحدلری بو موضوع نهایی بولیشنی ایسته‌یدیلر، قطر ییغیلیشی اوتکزیلیشی بیلن، امریکا اسلام امیرلیگینی تن آلیش گه قرار قیلگنیدن دلالت بیره‌دی.»
بیزلرنینگ توییترده هم تعقیب قیلینگ!
ایش بیلرمان‌لردن باشقه بیرقطاری نینگ ایشانچی گه کوره، اسلام امیرلیگی دنیا همجمعیت نینگ شرط‌لری اینیقسه عیاللر نینگ حقوقی نی رعایت قیلمه‌گونچه، دنیا همجمعیت تامانیدن تن آلینیشی ممکن‌سیز دیر.
سیاسی مسئله‌لر ایشلری بوییچه ایش بیلرمان طارق فرهادی گه کوره: «دوحه ییغیلیشی نتیجه بیرمه‌یدی، ییغیلیش یکونیده بیر اعلامیه صادر ایتیله‌دی و اعلامیه ده بیرلشگن ملت‌لر تشکیلاتی خوفسیزلیک کینگشی نینگ قطع‌نامه‌سی بولیشی ممکن. چونکه خوفسیزلیک کینگشی ده بولگن اولکه‌لر، بو ییغیلیش ده اشتراک ایتمه‌یدیلر.»
ینگی‌لیکده ترقه‌لگن گزارش‌لر گه بناً، بیرلشگن ملت‌لر تشکیلاتی دوحه ییغیلیشینی اوتکزیش بیلن، افغانستان ده مذکور تشکیلات دفترلری نینگ عیال ایشلاوچیلری ایشی تقیق له‌نیش قراری دن کیین، انسان پرورلیک یاردم‌لری گه دوام بیریش مسئله‌سینی محاکمه قیلیشی ممکن.