بیرلشگن ملتلر تشکیلاتینینگ خلق‌ارا آزیق-آوقت دستوری (WFP)، پروان و فاریاب ولایت‌لریده ۴۶۳۴ عایله گه نقد پول ترقه‌تگن.
پروان قیشلاق‌لرنی رواجلنتیریش و قیته قوریش ریاستی‌نینگ ییتکرمهلر بولیمی مسئولی عبدالصبور رویت گه کوره، بیرلشگن ملتلر تشکیلاتینینگ خلق‌ارا آزیق-آوقت دستوری، اوشبو ولایت مرکزی‌ده ۳۷۳۲ کمبغل عایله گه ۱۰ میلیون ۸۲۲ مینگ ۸۰۰ افغانی نقد پول ترقه‌تگن.
بیزلرنینگ «ایکس» ترماغی ده هم تعقیب قیلینگ!
پروان قیشلاق‌لرنی رواجلنتیریش و قیته قوریش ریاستی ییتکرمهلر بولیمی مسئولی‌نینگ ایتیشیچه، خلق‌ارا آزیق-آوقت دستوری ۵-جدی، چهارشنبه کونی بو قطار عایله‌لر‌دن هر بیری‌گه ۲۹۰۰ افغانی‌دن یاردم بیرگن.
بو بیلن بیرگه، فاریاب اقتصاد ریاستی مسئوللری‌نینگ ایتیشلریچه، مذکور ولایت شیرین‌تگاب تومنی‌ده ۹۰۲ عایله گه نقد پول ترقه‌تیلگن.
بیزلرنینگ فیسبوک صحیفه‌میزگه باش اورینگ!
اقتصاد ریاستی‌نینگ ییتکرمهلر بولیمی مدیری محبوب‌الله ایل‌بیگی‌نینگ ایتیشیچه، اوتگن مذکور یاردم‌لردن هر بیر عایله‌گه ۲۹۰۰ افغانی نقد پول ترقه‌تیلگن.
جناب ایل‌بیگی‌نینگ کوپه‌یتیریشیچه، اوشبو یاردم‌لر همکار موسسه‌لردن بیری آرقه‌لی بیرلشگن ملتلر تشکیلاتینینگ خلق‌ارا آزیق-آوقت دستوری‌نینگ مالی یاردمی بیلن فاریاب اقتصاد ریاستی هماهنگ‌لیگی‌ده ترقه‌تیلگن.