بیرلشگن ملتلر تشکیلاتی نینگ قاچقین‌لر ایشلری بوییچه عالی کمیساری (UNHCR)، نینگ اعلام قیلیشیچه، اوشبو نهاد‌نینگ تیکشیروولری اساسیده، سیاسی، اقتصادی، اجتماعی و مهاجرتی قیین‌چیلیک‌لر بیلن روپه‌ره بولگن برچه مملکت‌لر جمله‌دن افغانستان ده، جاری میلادی ییل‌ده عایله‌وی زورهوانلیکلر ۵۰ فایز کوپه‌یگن.
اوشبو نهاد ۹-قوس، جمعه کونی بیر بیانیه آرقه‌لی ایتیشیچه، مذکور زورهوانلیکلر عیاللر‌نینگ روحی ساغلیگی‌نی خطر بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
عایله‌وی زوره‌وانلیک جمله‌دن جبری و کیچیک یاش‌‌ده تورموش گه چیقریلیش، شخصی قرارلرنی آلیش‌ده بولگن چیکلاو، کلتک‌لنیش یا-ده لفظی زوره‌وانلیک قربانی‌سی بولگن عیاللردن قطاری‌نینگ ایتیشلریچه، بو وضعیت‌نی چیده‌شدن باشقه چاره‌لری یوق.
نیمروز یشاوچیسی سمیه احمدی‌نینگ ایتیشیچه، جبری شکلده تورموش گه چیقریلگنی سبب، قوشمه حیاتی‌دن هیچ خورسند ایمس. اونینگ کوپه‌یتیریشیچه: «۱۲ یاشر ایدیم که تورموش گه چیقریلدیم. توی قیلگنیم‌دن کیین تورموش اورتاغیم تامانیدن کلتک‌لنه‌ر ایدیم. محبوس کبی ایدیم که بیری کیلیب مینی آزاد قیلسین دیب توشینه‌ر ایدیم.»
شونینگدیک عایله‌وی زوره‌وانلیک‌نی تجربه قیلگن غزنی یشاوچیسی گل‌چمن نظری‌نینگ ایتیشیچه: «اویی‌میز یقینی‌ده تیکووچیلیک بیر ایش‌خانه آچیش‌گه قرار آلگن‌مین؛ بیراق عایله‌م رخصت بیرمه‌یدی که انه شوو سبب، مین افسرده بولگن‌‌مین؛ حیاتیم یالغیز بیر تورت دیوار آره‌سیده اوته‌دی.»
شونده‌ی بیرحالده، اجتماعی مسئله‌لر بیلرمانلریدن قطاری، آگاهی‌سیزلیک، عایله‌لر آره‌سیده ناتوغری ایشانچ‌لر و هر بیر نسل‌‌نینگ یانده‌شوولریده‌گی فرقلرنی عایله‌وی زوره‌وانلیک کوپه‌یگنی سبب‌لریدن دیب و اونینگ عاقبتلری خصوصیده آگاه‌لنتیرگنلر.
بو توغریده اجتماعی مسئله‌لر بیلرمانلریدن راشد صدیقی‌نینگ ایتیشیچه، عایله‌وی زورهوانلیکلر کمه‌یشی اوچون، عایله‌لر آگاهی‌لیگی‌نینگ کوپه‌یتیریلیشی کیره‌ک. اونینگ کوپه‌یتیریشیچه: «بیر قطار منطقه‌لرده ناتوغری عنعنه‌لر، سواد‌سیزلیک، آگاهی‌سیزلیک یا-ده منفی توشینیشلر، بو قیین‌چیلیک‌لر اساسی دیر؛ بو ایشلر آلدی آلینمه‌گنی صورت‌ده، بو ایشلر کیله‌سی نسل‌لر گه اوتیب و بو مسئله‌‌نینگ حل قیلیشینی قیین بوله‌دی.»
بیزلرنینگ «ایکس» ترماغی ده هم تعقیب قیلینگ!
عین حالده، اسلام امیرلیگی سوزلاوچیسی ذبیح‌الله مجاهد‌نینگ سلام‌وطندار گه ایتیشیچه، عیاللر اینیقسه عایله‌وی زوره‌وانلیک قربانی‌لری قیین‌چیلیگی حلی توغریسیده سرپرست حکومت‌نینگ نیچه نهادی فعالیت قیلماقده. «نهاد‌لر دایم بو توغریده‌گی قضیه‌لرنی حل قیلگن. برچه امنیه قوماندان‌لیکلر و حوزه‌لرده اولرگه قضیه‌لر کیلگنی‌ده حل قیلینگلر دیب بویروغ بیریلگن. شونینگدیک ایش و اجتماعی ایشلر وزیرلیگی‌ده بیر بولیم بار که عایله‌وی قیین‌چیلیک‌لرنی حل قیلینه‌دی.»
بوندن آلدین امر بالمعروف و نهی عن‌المنکر وزیرلیگی جاری قویاش ییل‌ده، عیاللر برابریده ۲ مینگ ۶۳۸ زوره‌وانلیک دوسیه‌سی حل بولگنی و اوتگن اوچ ییل‌ده ۵۵۰۰ جبری شکلده تورموش گه چیقریلیش آلدی آلینگنی نی اعلام قیلگن ایدی.
