بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری افغانستان بولیمی مسئولی گه کوره، افغانستان گه تحریم‌لر گه علاوه پاکستان دن افغانستان‌لیک قاچقین‌لر جبر دن چیقریلیشی، اوشبو مملکت ده وضعت کیسکین‌لشی گه سبب بولگن.
بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری افغانستان بولیمی مسئولی لئونارد زولود، دوشنبه کونی، ۱۳-قوس، ایتیشیچه، سرپرست حکومت تامانیدن بشر حقلری ایاغ آستی بولیشی، دنیا همجمعیت تامانیدن تن آلینمسلیگی و بشری بحران دوام تاپیشی گه سبب بولگن.
شو بیلن بیرگه، پاکستان دن افغانستان گه قیتگن قاچقین‌لردن بیرقطاری، قیش موسومی عرفه‌سیده کمبغل‌لیک و انسان پرورلیک یاردم‌لر کیسیلیشیدن خواطر بیلدیرماقده‌لر.
پاکستان دن مملکت گه قیتگن عبدالرحمان و امیرمحمد نینگ ایتیشلریچه، حاضر اقتصادی قیینچیلیک بیلن کون اوتکزماقده‌لر.
بیزلرنینگ فیسبوک صحیفه‌میزگه باش اورینگ!
پاکستان دن مملکت گه قیتگن قاچقین‌لردن عبدالرحمان گه کوره: «بیر تاماندن کمبغل‌لیک، باشقه تاماندن ایش‌سیزلیک تیریکچیلیک نی آغیرلشتیرگن، انسان پرورلیک یاردم‌لر هم کیسیلگن، بار نرسه‌میز بیتگن، نقدی یاردم‌لر کیسیلگن، قیش کیلماقده هیچ نرسه‌میز یوق، ایشلش اوچون سرمایه‌میز هم یوق.»
پاکستان دن مملکت گه قیتگن قاچقین‌لردن باشقه بیری امیرمحمد نینگ کوپه‌یتیریشیچه: «مملکت گه کیلگن بیرینچی کون ده ۲۰ مینگ افغانی یاردم کورستدیلر، اوندن کیین اون، یاغ کبی هیچ نرسه بیریشگن یوق، هیچ نرسه‌میز یوق‌لیگی اوچون حیات قیین اوتماقده.»
شو بیلن بیرگه، خلق‌ارا ساغلیق‌نی سقلش تشکیلاتی، اوتگن کونی ترقه‌تگن گزارشی ده، افغانستان ده بشری وضعیت یاردم بیرووچی تشکیلات‌لر اوستیده‌گی باسیم نی کوچه‌یتیریب و بو معما افغانستان گه قیتگن کوپ سانده قاچقین‌لرنی قیینچیلیککه دوچ قیلیشیدن آگاه‌لنتیرگن.
ینگی‌لیکده، ناروی باش پنه ایزلاوچیلر کینگشی، افغانستان گه خلق‌ارا تحریم‌لر دوامی، بو مملکت نینگ اقتصادی اوستیگه سلبی تاثیر قیلگن‌لیگیدن آگاه‌لنتیرگن.
قندهار قاچقین‌لر ریاستی نینگ قیته قوشیش ایشلری بوییچه آمری نعمت‌الله الفت، پاکستان دن افغانستان‌لیک قاچقین‌لر نینگ جبر دن چیقریش جریانی باشله‌نیشیدن حاضرگچه، اسپین‌بولدک چیگره‌سیدن ایکی یوز ۵۰ کیشی مملکت گه قیتگنینی تصدیقله‌یدی.
او نینگ کوپه‌یتیریشیچه: «ایکی هفته آلدینگی معلومات گه کوره، ایکی یوز ۲۲ مینگ ۳۵ عایله مملکت گه قیتگن، حاضر بو رقم ایکی یوز ۵۰ کیشی و قریب ۴۰ عایله گه ییتگن.»
بیزلرنینگ «ایکس» ترماغی ده هم تعقیب قیلینگ!
اقتصاد وزیرلیگی مسئوللری، یاردم بیرووچی تشکیلات‌لر نینگ خواطرلرینی تصدیقلب ایتیشلریچه، افغانستان ده‌گی وضعیت حلی ایتیلیشی و هر کونی مینگلب قاچقین مملکت گه قیتیشی بیلن، اسلام امیرلیگی یاردم بیرووچی فعال تشکیلات‌لردن بوتوغریده دقت قیلیش‌لرینی سوره‌گن.
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه: «چیکلاولر یره‌تیلیشی، سوداگرلیک، سرمایه یاتقیزیش و ایچکی تولیدلر کبی اقتصادی بویوک بولیم‌لر اوستیگه سلبی تاثیر قیلگن. مملکت گه قاچقین‌لر قیتیشی بیلن قاچقین‌لر ایشلری بوییچه تشکیلات‌لر یاردم بیریش‌لری کیره‌ک.»
ایتیش کیره‌ک، قاچقین‌لر وزیرلیگی نینگ سرپرستی عبدالرحمان حقانی، بوگون افغانستان اوچون اروپا اتفاقی نماینده‌لیگی شارژدافیری و یاردم بیرووچی نهادلردن بیرقطاری نینگ نماینده‌لری بیلن اوچره‌شیب، اولر دن مملکت گه قیتگن قاچقین‌لر گه باش پنه قوریب، ایش زمینه‌لرینی یره‌تیب و یاردم بیریش‌لرینی طلب قیلگن.
مملکت قاچقین‌لر وزیرلیگی نینگ معلوماتی اساسیده، سونگی بیر آی ده، پاکستان دن افغانستان‌لیک ۳۰۰ مینگ دن آرتیق قاچقین و ایران دن ۱۳۴ مینگ قاچقین مملکت گه قیتگن.
