بیرلشگن ملتلر تشکیلاتی نینگ ترقیاتی دستوری کابل ده یولگه قوییلگن احتفال ده، ۲۰۲۱-ییل نینگ آگست آی دن حاضرگچه افغانستان خلقی نینگ اقتصادی احوالی گه دایر گزارشینی شریک قیلدی.
مذکور نهاد اوز گزارشینی ترقه‌تیش بیلن ایتیشیچه، افغانستان ده اسلام امیرلیگی حاکمیتیدن کیین، بو مملکت اقتصاد، خوفسیزلیک تامین ایتیلیشی و قاچاق آلدی آلینیشی ده ایریم یوتوق‌لر گواهی بولگن بولسه ده؛ لیکن عایله‌لر نینگ اقتصادی احوالی حاضر هم خواطرلی دیر.
بیرلشگن ملتلر تشکیلاتی ترقیاتی دستوری نینگ معلومات‌لری گه بناً، حاضر افغانستان نینگ اون یشاوچیسی دن یتتی نفری دستلبکی امکانیت‌لرینی تامینله‌ی آلمه‌یدیلر.
بیزلرنینگ فیسبوک صحیفه‌میزگه باش اورینگ!
افغانستان ده بیرلشگن ملتلر تشکیلاتی نینگ ترقیاتی دستوری نماینده‌سی استیفان رودریگوز نینگ ایتیشیچه: «افغانستان ۲۰۲۰ییل دن سونگ ایش‌سیز رقمی کوپه‌یش گواهی بولدی و بو معما کوپ سانده کیشی‌لر نینگ اقتصادی قیینچیلیککه دوچ قیلدی. بو گزارش اچیق واقعیت نی بیان قیله‌دی، حاضر ۱۰ کیشی دن ییتتی نفری دستلبکی امکانیت‌لرینی تامینله‌ی آلمه‌یدی.»
بیرلشگن ملتلر تشکیلاتی ترقیاتی دستوری نینگ گزارشی اساسیده، افغانستان ده عیاللر گه یره‌تیلگن چیکلاولر، بانک و تجارت سیستمی ده‌گی قیینچیلیک و مؤسسه‌لر فعالیتی چیکلنیشی، چیت ایل‌لیک‌لر نینگ سرمایه یاتقیزمسلیگی افغانستان ده عایله‌لر نینگ اقتصادی ضعیف بولیشی گه سبب بولگن موردلردن دیر.
مذکور تشکیلات نینگ گزارشی اساسیده، افغانستان ده ایشگه مصروف عیاللر سانی ۲۰۲۲-ییل گه قره‌گنده ۲۰۲۳-ییل ده آلتی فایز کمه‌یگن.
بیزلرنینگ «ایکس» ترماغی ده هم تعقیب قیلینگ!
برچه‌سی بیلن ییغیلیش ده اشتراک ایتگنلر، حاضرگی احوال دن چیقیش اوچون خصوصی سکتور قوللب-قوتلنیشی اوستیگه تاکیدلب و عیاللر احوالی گه دقت قیلینیشینی سوره‌گنلر.
کابل ده اروپا اتفاقی نماینده‌لیگی کارداری رافایلا اودیس نینگ ایتیشیچه: «عیاللر اینیقسه ایش‌سیز بولگن عیاللر اقتصادی و اجتماعی ساحه‌لر ده اوز اصلی اورین‌لرینی تاپیش اوچون اولرنی قوللب-قوتلش کیره‌ک، بیز انسان پرورلیک یاردم‌لر، اجتماعی و اقتصادی اوزگریش‌لر ده اشتراک ایتیشی‌میز درکار.»
شونیگندیک، کابل ده جاپان ایلچی‌لیگی کارداری تاکویا تانیموتو گه کوره: «افغانستان خلقی اقتصادی احواللرینی تیکلش اوچون جاپان بو مملکت اهالیسی نی قوللب-قوتلش گه متهعد دیر، بو گزارش جوده هم مهم دیر اینیقسه افغانستان نینگ ترقیاتی اوچون یاردم بیرووچیلری گه، بو گزارش دقت بیلن اوقیلیشی کیره‌ک.»
بو گزارش ده افغانستان ده انسان پرورلیک یاردم‌لر کمه‌یشی عاقبت‌لری گه اشاره قیلینیب و افغانستان یشاوچیلری نینگ اقتصادی کیسکین‌لیک دن قوتقریش اوچون انسان پرورلیک یاردم‌لر دوام ایتیشی اوستیگه تاکید لنگن.
