ینگی‌لیکده، بیرلشگن ملت‌لر تشکیلاتی عیاللر بولیمی، اسلام امیرلیگی تامانیدن عیاللر گه یره‌تیلگن چیکلاولر دوامیدن خواطر بیلدیرگن. مذکور نهاد نینگ عیاللر بولیمی بیر بیانیه ترقه‌تیب ایتیشیچه، اوز قاعده‌لری دن آرتگه چیکینمه‌یدی و افغانستان ده یالغیز ایرکک‌لر بیلن فعالیتی گه دوام بیریش اوچون تیار ایمس دیر.
بونگه علاوه، نلسون ماندلا نینگ سابق خاتینی و دنیا بویلب ییریک عیال حقوقی فعالی گراسا، دیلی تلگراف بیلن اوتکزگن صحبتیده، عیاللر برابری ده اسلام امیرلیگی نینگ حرکت‌لرینی جنسیتی آپارتاید دیب و بوتون مملکت‌لردن، افغانستان ده عیاللر حقوقی تأمین ایتیلیشی اوچون تلاش قیلیش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
باشقه تاماندن، سیاسی ایش بیلرمان‌لردن قطاری نینگ ایشانچی گه کوره، دنیا همجمعیت شخصی منفعتی اوچون افغانستان ده عیاللر حقوقینی حاضرگچه تأمینلش گه قادر بولمه‌گن.
اولر بوتوغریده اسلامی مملکت‌لرنی، عیاللر حقوقی تأمین ایتیلیشی گه دایر کفایت‌سیزلیک و اسلام امیرلیگینی قانیقتیریش اوچون جدی ایمس‌لیککه عیبله‌یدیلر.
سیاسی ایش بیلرمان و عیال حقوقی فعالی ثریا پیکان نینگ ایتیشیچه: «جهان کوپراق منفعت نی اویله‌یدی، دوحه یا باشقه مملکت‌لرده اوتکزیلگن ییغیلیش‌لرده یالغیز منفعت‌لرینی آچیقله‌گنلری گه گواه‌میز، اینیقسه افغانستان نینگ حاضرگی قدرتی بیلن نارسمی تعاملی بولگن منطقه مملکت‌لر، بو افغان عیاللری نینگ اونمیگه ایمس.»
عین‌حالده، سعودی عربستان، اوشبو مملکت نینگ بیرینچی عیال فضانوردی «ریانه برناوی» فضا گه سفر قیلگنینی اعلام قیلگن. بو مسئله افغانستان ده اسلام امیرلیگی تامانیدن عیاللر گه یره‌تیلگن چیکلاولر گه دایر اجتماعی ترماق‌لر ایشلاوچیلری و عیال حقوقی فعاللری نینگ تنقیدی گه سبب بولگن.
عیال حقوقی فعالی هدا خموش نینگ ایتیشیچه: «بوگون مسلمان عیال نینگ فضا گه سفر قیلیشی گه گواه‌میز، بیراق افغانستان ده عیاللر اوی گه اولتیقیزیلگن و هیچ بیر حقوق‌لری بیریلمه‌یپتی.»
افغانستان ده عیاللر حقوقی تأمین ایتیلیشی گه دایر مناسبت‌لر گه قرشی، اسلام امیرلیگی نینگ جوابی تکراری دیر؛ افغانستان ده عیاللر حقوقی باره‌سیده فکر_ملاحظه بیلدیریش، افغانستان نینگ ایچکی ایشلری گه اره‌لشیش دیدی، اسلام امیرلیگی رسمی‌لری.
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی نینگ اورین باسرلریدن بلال کریمی، بیرلشگن ملت‌لر تشکیلاتی عیاللر بولیمی نینگ بیاناتی گه مناسبت بیلدیریب سلام‌وطندار گه ایتیشیچه: «افغانستان نینگ ایچکی مسئله‌لری افغانستان خلقی گه عاید دیر، اسلام امیرلیگی اولر نینگ خواهش_ایسته‌گی بیلن تعامل قیلیش اوچون فعالیت‌لرینی بونگه اوله‌مسلیکلری کیره‌ک.»
عین‌حالده، دنیا بیلن اسلام امیرلیگی نینگ کیلیشماوچیلیگی، افغانستان اوتگن ۲۰ آی ده، هردایم سیاسی تنزل تامان تارتیلیشی گه سبب بولگن.