افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (یوناما) گه کوره، افغانستان ده بنگی‌وار ماده‌لری «کتته قیینچیلیکلردن» سنله‌دی و بو مملکت دنیا ده‌گی ۸۵ فایز تریاک منبع‌سی دیر.
یوناما بوگون (دوشنبه، ۱۴ قوس) بیر بیانیه ترقه‌تیب ایتیشیچه، افغانستان اوچون بیرلشگن ملت‌لر تشکیلاتی باش کاتبی نینگ مخصوص نماینده‌سی روزا اوتونبایوا، مملکت ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینی عبدالحق آخوند بیلن اوچره‌شیب صحبت قیلگن.
بیانیه اساسیده، اوشبو اوچره‌شووده بنگی‌وار ماده‌لری منع ایتیلیشی، معتادلرنی درمانلش اوچون سعی و حرکت قیلیش، تریاک نی یوق ایتیش، بنگی‌وار ماده‌لری زیانی حقیده آگاهی‌لیک بیریش و اورنیده باشقه ایش قیدیریش اوستیگه بحث ایتگنلر.
بیزلرنینگ فیسبوک صحیفه‌میزگه باش اورینگ!
یوناما اوشبو خبرنامه ده روزا اوتونبایوا دن نقل قیلیب یازیشیچه: «کتته قیینچیلیک بار. افغانستان دنیا ده‌گی ۸۵ فایز تریاک منبع‌سی دیر.»
ایتیش کیره‌ک که، اسلام امیرلیگی لیدری هبت‌الله آخوندزاده، اوشبو ییل یک‌شنبه کونی، ۱۴ حمل، بیر فرمان صادر قیلیب افغانستان بویلب بنگی‌وار ماده‌لری ایکیلیشینی منع قیلدی. اوشبو فرمان گه بناً، اولکه بویلب خشخاش ایکینی «بوتونلی منع دیر و هیچ کیم گه ایکیلیش رخصتی بیریلمه‌یدی.»
اسلام امیرلیگی رهبری گه کوره، فرمان گه عمل قیلمه‌گن کیشی نینگ ایکینی یوق ایتیله‌دی و متخلف‌لر بیلن اسلام قاعده‌لری اساسیده یانده شیله‌دی.
عین‌حالده، بیرلشگن ملت‌لر تشکیلاتی نینگ جرم‌لر و بنگی‌وار ماده‌لر گه قرشی کوره‌ش دفتری (UNODC)، نیچه مدت آلدین ترقه‌تگن گزارشی ده، افغانستان ده خشخاش ایکینی ۳۲ فایز آشکنینی ایتگن ایدی.
مذکور نهاد نینگ کوپه‌یتیریشیچه، ۲۰۲۱_ییل ده افغانستانده ۱۷۷ مینگ هکتار ییرده خشخاش ایکیلگندی، ۲۰۲۲_ییل ده ۲۳۳ مینگ هکتار ییرده ایکیلگن و ۳۲ فایز آشکنینی کورسته‌دی.
بیزلرنینگ توییترده هم تعقیب قیلینگ!
اوشبو گزارش اساسیده، ۲۰۲۲_ییل ده کابل ده‌گی دهقان‌لر خشخاش ایککنلر؛ بیراق خشخاش کوپراق هلمند ده ایکیلگن و باشقه ۱۱ ولایتده، اوشبو محصول صفر گه ییتگن.
بیرلشگن ملت‌لر تشکیلاتی نینگ جرم‌لر و بنگی‌وار ماده‌لر گه قرشی کوره‌ش دفتری نینگ گزارشیده کیلیشیچه، افغانستان ده ۲۰۲۱_ییل ده بنگی‌وار ماده‌لر ایکینی و قاچاقی دن ۴۲۵ میلیون امریکالیک دالر درآمد ییغیلگن و ۲۰۲۲_ییل ده بو رقم بیر میلیارد ۴۰۰ میلیون دالر گه ییتیشگن.