ایش و اجتماعی ایشلر وزیرلیگی مسئوللری، بوگون (دوشنبه، ۱۹-سنبله)، اوشبو اداره نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییلده افغانستان ده ۵۲۵۴ کیشی گه ایش فرصتلری یره‌تیلگن.
ایش و اجتماعی ایشلر وزیرلیگی سوزلاوچیسی سمیع‌الله ابراهیمی نینگ ایتیشیچه، ایش تاپیش خذمتلر مرکزلری آرقه‌لی ۲۲۵۴ کیشی و ایچکی و تشقی موسسه‌لر بیلن همکارلیک کیلیشوونامه‌لر نینگ امضالنیشی آرقه‌لی قریب ۳۰۰۰ کیشی گه ایش فرصتلری یره‌تیلگن.
بیزلرنینگ «ایکس» ترماغی ده هم تعقیب قیلینگ!
ایش و اجتماعی ایشلر وزیرلیگی سوزلاوچیسی گه کوره، ایش بازاری نیازلری اساسیده اوتگن بیر ییلده موسسه‌لر بیلن همکارلیک‌ده قریب ۷۵ مینگ کیشی گه مسلک اورگه‌نیش فرصتی یره‌تیلگن.
اونینگ کوپه‌یتیریشیچه: «ایچکی و تشقی موسسه‌لر همکارلیگی‌ده تورلی بولیم‌لر و بازار نیازلری اساسیده، ۷۴ مین ۷۰۰ کیشی مسلک اورگه‌نیش بولیمی‌نی بیتیرگنلر. اوتگن بیر ییلده بشری یاردم‌لر ارائه‌سی، باله‌لردن حفاظت قیلیش و مسلک اورگه‌نیش بولیم‌لریده ایچکی و خلق‌ارا ۶۸ موسسه بیلن همکارلیک کیلیشوونامه‌لر امضالنیب و اونینگ نتیجه‌سیده، ۶۰۰۰ کیشی اوندن فایده‌لنگن و ۳۰۰۰ کیشی گه ایش زمینه‌سی یره‌تیلگن.»
شونینگدیک ایش و اجتماعی ایشلر وزیرلیگی سوزلاوچیسی نینگ ایتیشیچه، مذکور وزیرلیک نینگ ایش ملی کنفرانسی‌ده باشقه ۱۵ وزیرلیک بیلن تفاهمی اساسیده، کیله‌سی ۵ ییل جریانیده بیر میلیون ۵۰۰ مینگ کیشی نینگ ایش بازاری گه کیریشی ممکن.
سمیع‌الله ابراهیمی نینگ کوپه‌یتیریشیچه، اوتگن بیر ییلده ۱۲۲ مینگ‌دن آرتیق ایش جوازی بو اداره آرقه‌لی افغانستان یشاوچیلری همده چیت‌ایل یشاوچیلری گه ترقه‌تیلگن دیر. «توپلم شکلده ۱۲۲ مینگ ۱۳۶ کیشی گه ایش جوازی بیریلگن. بیر ییلده افغانستان‌لیک‌لر اوچون ۱۱۸ مینگ ۷۵۵ قطعه جواز، چیت‌ایل یشاوچیلری گه ۳۳۸۱ جواز بیریلگن که بو آره‌ده، ۳۸ مینگ‌دن آرتیق جواز کابل و باشقه‌سی ایسه ولایتلرده ترقه‌تیلگن و بو جواز‌دن قریب ۲۵ مینگ ته‌سی عیاللر گه تیگیشلی ایشلر اوچون بولگن دیر.»
ایش و اجتماعی ایشلر وزیرلیگی معینی محمدزاهد احمدزی نینگ ایتیشیچه، مذکور وزیرلیک اوتگن بیر ییلده نیازمند باله‌لر و عیاللر شامل ۸۰۲ مینگ‌دن آرتیق کیشی گه ایچکی و تشقی موسسه‌لر همکارلیگی‌ده نقدی یاردم بیلن باشقه بیر قطار نرسه ترقه‌تگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «آلتی مینگ‌دن آرتیق سرپرست‌سیز باله وزیرلیک نینگ سقلنه‌دیگن مرکزلریده سقلنه‌دیلر. حاضر ایسه مملکت بویلب باله‌لردن حفاظت قیلیش اوچون ۲۲۰ ترماق فعالیت قیله‌دی؛ اوشبو ترماق‌لر آرقه‌لی باله‌لر گه تیگیشلی ۸۳۲۴ قضیه حل بولیب و ۸۰۲ مینگ‌دن آرتیق نیازمند کیشی گه هم نقدی و باشقه نرسه‌لر یاردم بیریلگن.»
اوتمیش‌ده بیری افغانستان ده میلیون‌لب ایش‌سیزلیک رقمی، مهم اجتماعی قیین‌چیلیک‌لردن بیری بولیب و ییلده یوزلب مینگ کیشی نینگ باشقه مملکت‌لر گه مهاجرت قیلیش‌گه مجبور قیله‌دی؛ بیراق ایش و اجتماعی ایشلر وزیرلیگی‌ده‌گی مسئوللر نینگ ایتیشلریچه، موسسه‌لر همکارلیگی بیلن بو قیین‌چیلیک حلی اوچون سعی‌وحرکت قیلماقده‌لر.