دولتی اداره‌لر ایشلاوچیلریدن قطاری نینگ ایتیش‌لریچه، سبب‌سیز بیر شکلده ایش‌دن بوشه‌تیلیب و اسلام امیرلیگی گه تیگیشلی کیشی‌لر اولر نینگ اورنیده ایش گه آلینگن.
ینگی‌لیکده ایش‌دن بوشه‌تیلگن کابل بلدیه‌سی ایشلاوچیسی احمد جواد (مستعار اسم) نینگ ایتیشیچه، ۱۳۶۶-ییل‌دن بویان اوشبو اداره‌ده ایش قیله‌ر ایکن، بیراق نیچه کون آلدین اداری قاعده-قانون نظر گه آلینمه‌سدن ایش‌دن بوشه‌تیلگن.
اونینگ کوپه‌یتیریشیچه: «منفکی مکتوب‌ده بیزلر آلتی کیشی بار ایدیک و اوزلریز بیله‌سیزلر که اقتصادی وضعیتی‌میز یخشی ایمس. مین اوزیم اون کیشی‌لیک عایله مسئولیتی بوینیمه و بو مینی اوچون جوده‌یم قیین دیر.»
بیزلرنینگ توییترده هم تعقیب قیلینگ!
شونینگدیک اوتگن ییل کابل یشاوچیسی مسعود فرهمند، باشقه یوزلرچه کیشی بیلن دسته‌جمعی شکلده ملکی خذمت‌لر و اداری اصلاحات اداره‌سیده بستی تنقیص بولگن. جناب فرهمند نینگ ایتیشیچه، ییریک ایش بیلرمان‌لری و اون ییل‌لیک تجربه گه ایگه بولگنی گه علاوه، بیراق ایش‌سیز بوگن و کوپینچه سعی و حرکت بیلن هیچ بیر حکومتی اداره‌ده ایش تاپه آلمه‌گن.
مسعود فرهمند نینگ کوپه‌یتیریشیچه: «ملکی خذمت‌لر مامورلری نینگ یالغیز امیدی دولتی اداره‌لرده ایش قیلیش دیر، چونکه باشقه بولیم‌لرده تجربه‌لری یوق. ملکی خذمت‌لر ماموری نجارلیک کبی باشقه مملکتلر نی انجام بیره آلمه‌یدی. انه شوو سبب، ملکی خذمت‌لر ماموری ایش‌سیز بولگنی پیتده، قیغو بیلن باشقه بیر ایش تاپه آلیش‌لریگچه کوپینچه وقت آله‌دی.»
اوتگن ۱۸ آی‌ده حکومتی فرق‌لی اداره‌لریده ایشلاوچیلریدن کوپ قطاری ایش‌دن بوشه‌تیلگن یا-ده بست‌لری تنقیص بولگن که، بو مورد‌لردن کوپینچه‌سی عیال‌لر گه تیگیشلی دیر.
ملکی خذمت‌لر و اداری اصلاحات کمیسیونی نینگ سابق ایشلاوچیسی زهره نصرت‌یار، نیچه ییل اداری بولیم‌ده تجربهلی بولگنی بیلن، بیراق حاضر ایسه ایش‌سیز بولگن.
اونینگ ایتیشیچه: «حاضر ایسه مینی اورنیم‌ده باشقه بیر کیشی کیلگن که، اصلا بو توغریده معلوماتی یوق و بیلمه‌یدی که بیزلر نیمه قیله‌ر ایدیک و قیسی پروسه‌لر نی آلغه آلیب باره‌ر ایدیک.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو کمیسیون نینگ سابق ایشلاوچیلریدن باشقه بیری ستاره احمد‌زی نینگ ایتیشیچه: «اداره‌لرده تجربهلی کیشی‌لر نینگ بولیشی کوپ اونملی دیر چونکه، اداره‌لرده تحصیل قیلگن و تجربهلی کیشی‌لر نینگ بولمه‌گنی پیتده، ایش درست بیر شکلده پیش کیته‌یدی.»
ایتیلیشچه، ینگی‌لیکده نفت و گاز دولتی شرکتی‌ده‌گی ایشلاوچیلریدن قطاری ایش‌لریدن بوشه‌تیلگنلر.
ایتیش کیره‌ک که، اوشبو موضوع خصوصیده ایش‌‌لر اداره‌سی نینگ فکری نی آلیش ایسته‌دیک، بیراق اوشبو اداره سلام‌وطندار نینگ سوراق‌لری گه جواب قیته‌رمه‌گن.
